TITO 3:2 - Enhlit Bible

² Noelane nasa elantipsam apquilvisay poc. Noelane nasa elatingmacpoc poc. Incaymalhquic coytic actamilaycam apquilvalhoc najan yoyam elasicjojo enlhitaoc lhalhma anco.

TITO 3:2 Iomraidhean Croise

2 SAMUEL 22:36

Lhip aptomja semasma najan sevomquiscama tap. Lhip semaycaoc emic. Siyasicjayo lhip actimesquiscama sicvascapma.

SALMOS 140:11

Ilane sat elantipsacpoc yoclhilhma apquilmopvancaa amyaa. Ellingamcojoc sat acyanmongayclha apquiltemaclha apancaoc apquilmapsomcaa.

PROVERBIOS 19:19

Acmasom nintemaclha ninlom, colhic sat acyanmongseclho nintemaclha inganco. Mepqui ninlingaycamco acyanmongayclha, coyimtilhojoc sat nintemaclha ninlom.

PROVERBIOS 25:24

Tasi inyicje onlhic tingma aplhancoc ayitcoc, am colhno nimpasmeyquiclha tingma apyivey, acmaclha quilvana acmasom.

PROVERBIOS 6:19

Actemaclha anit ingvalhaoc, ayinyema ningvitaycamco amyaa, onlingacsic movan amyaa. Actemaclha acsilhnanoncama ingvalhoc, ayinyemayaclha mataa apquilatingmomap ingilyalhinga.

ISAÍAS 40:11

Eltamilsic sat apnatoscama malha quilancam nipquesic. Ingyaynic sat nipquesic apquitcoc. Epquinic sat apquinlhaclha. Etamilsojoc sat mataa enaliclha apyapmoc quilhva appaliyam apquitcoc.

SAN MATEO 11:29

Elpatmiclha sat yispaoc ajac sicmescama quellhip, yoyam elyinyovacsic. Elyasingvom sat sictemaclha ajanco. Actamilaycam evalhoc najan cajamalhco evalhoc coo. Comascoc sat alyajapmo apquilvalhoc.

LOS HECHOS 23:5

Apcatingmavoc alhta Pablo: —Elyipmaa. Am coo oyasamcoc apvisay sacerdote apyimtalhnamo. Yitnec vaycajac actalhesomalhca: “Noyamnam nasa apvisay apyimtalhnamo nipyesicsa enlhitaoc” —alhta aptomjac.

1 CORINTIOS 9:19

Jave coo silancam sicmomalhca. Evanquic otnejic siltamjoclha otnejic. Sictimem ajanco eyca silancam aplhamoclhojo enlhitaoc yoyam olhamasiclha Jesucristo apmolhama.

2 CORINTIOS 10:1

Coo sicvisay Pablo. Altamjoc oltimnacsic quellhip sicpayvam. Inlhenquic evalhoc aptemaclha Cristo actemaclha actamilaycam apvalhoc. Pac olhnasojoc coo lha naysicsa siclhanma. Aclingac coo siclhenomalhca sictomja mepqui sicyimnatem naysicsa sicma nipyesicsa quellhip. Apquiltomjac alhta selhena: Aplhinquic sat ancoc mocjay poc tingma, coyiplovjoc sat apyimtalhnesomacpo apanco Pablo —nic alhta apquiltomjac selhena coo.

2 CORINTIOS 12:20

Altamjoc ovoclhac nipyesicsa quellhip. Incacoc enquenyic colpayjiclhejec apquilvalhoc quellhip najan copayjiclhejec evalhoc coo lha. Incacoc enquenyic otac sat apquiltemaclha quellhip apquilatingmoctamo najan apquilyasipquiscama poc najan apquillom najan apquillhenomacpo apanco najan apquiltemaclha apquillhamasomap najan apquillheneycam poc najan apquilyimtalhnesomacpo apanco najan meltamilcasomacpo apanco.

GALATAS 5:22

Asoc altamila eyca, malha acyilhna ayinyema Espíritu apanco Dios acvisay: actemaclha ningasicjayo najan actemaclha acpayjayclha ingvalhoc najan actemaclha actamilaycam ingvalhoc najan actemaclha nintamilquiscamo ingvalhoc najan actemaclha acliclamo ingvalhoc najan actemaclha ningamliyam najan actemaclha mongilvatseycaoc ningyiplovquiscama.

GALATAS 6:1

Quellhip elyalhinga. Aplhinganacmec sat ancoc lhama ingyalhing, elyascasingvoclhojo sat quellhip apquiltomja apquilyiplovquiscama actemaclha ayinyema Espíritu apanco Dios. Eltamilsojo sat naysicsa apquilyascasingvayclho ingyalhing. Elavojo sat quellhip yoyam melsilhnanacpeje.

GALATAS 6:10

Ingilane sat ongilyiplovsic nintemaclha actamila as ningvamlha nac jay. Siclhoc mataa nipyesicsa ingilyalhinga najan lha nipyesicsa aplhamoclhojo enlhitaoc.

EFESIOS 4:2

Elyiplovquis sat mataa actemaclha mongilyimtalhnesomalhco inganco najan actemaclha ningasicjayo. Eltamilsojo apquilvalhoc nipyesicsa quellhip. Elasicjacpojo nipyesicsa quellhip.

EFESIOS 4:31

Elvatsaoc sat actemaclha apquiltanovaycam najan apquiltemaclha apancaoc najan actemaclha apquillom najan actemaclha apquilatingmoctamo najan actemaclha alnatjesaycam najan aclhamoclhojo actemaclha acmasom.

FILIPENSES 4:5

Altamjoc coo ellhenacpoc quellhip apquiltemaclha apquilimlaycmojo. Apcamquitvoctac Visqui ingac.

1 TESALONICENSES 2:7

Ningiltamilcasoc alhta nincoo nipyesicsa quellhip mepqui ningiltomjayclho. Malha quilvana actomja altamilquiscama najan alalhnascama ayitquic naysicsa ayasicjayo.

1 TIMOTEO 3:11

Najan lha apnatamcaa, incaymalhquic coltamilsalhcojoc anco najan colhic ayaco najan colyejiclhojoc mataa. Incaymalhquic coltimjic mepqui allhamasomalhca.

1 TIMOTEO 3:3

Incaymalhquic etnejic mepqui ayajem anmin. Etnejic najan mepqui apquilatingmomap. Etnejic najan mepqui ayitsepma apnenyic solyayem. Incaymalhquic etnejic aptamila, coytic najan actamilaycam apvalhoc.

SANTIAGO 3:17

Eyca ningyascamcolhma ayinyema netin acvisay mepqui nintamongvaycmolhma najan mepqui ningilatingmomalhca. Acvisay najan ningiltamilcasomalhco inganco najan nintemaclha ningilyajayquiclho. Acvisay najan ningamliyam najan ningyiplovquiscama actamila. Acvisay najan mepqui acyasquiyam ingvalhoc najan mepqui anit ingvalhaoc.

SANTIAGO 4:11

Quellhip elyalhinga. Noelantipsam nasa apquilvisay apnaymacoc. Nintipcasquic sat ancoc apvisay ingyalhing ontovacsic aptemaclha ingyalhing. Ningilyimtalhnesalhquic inganco naysicsa nintovascama singanamaclha Dios. Mongiltomja ningyiplovquiscama singanamaclha Dios. Ningiltomja eyca nintovascama singanamaclha Dios.

1 SAN PEDRO 2:1

Etlhaoc sat quellhip aclhamoclhojo nintemaclha almasomcaa najan actemaclha ningyinimquiscama najan actemaclha anit ingilvalhoc najan actemaclha ningyasipquiscama najan actemaclha nintipquiscama apvisay ingmoc.

1 SAN PEDRO 3:10

Yitnec actalhesomalhca nano: Ningiltamjoc sat ancoc copayjiclha ingvalhoc aclhamoclhojo acnim. Incaymalhquic ontamilsic ingalhcoc yoyam colngalhqueje asoc acmasom najan ningmovan amyaa.

1 SAN PEDRO 3:8

Actomjac coo silanya quellhip: Elhnasojo mataa moc apquilvalhoc. Eltime sat mataa apquilpasmeyquiclha. Elimlimojo sat mataa. Noelyimtalhnesacpojo apanco quellhip.

1 SAN PEDRO 4:4

Pilapcasquic enlhitaoc lhalhma anco apquilvita melvajaneycaoc quellhip apquiltemaclha nano. Eycaso ayinyema apquillhenamap quellhip.

2 SAN PEDRO 2:10

Eyanmongsiclhac sat Dios apquilyiplovquiscama ayitsepma apnenyaoc. Najan apquiltomja apquilvinéycam poc apquiltomja apquilyimtalhnamo. Ayinyemaclha apquiltomja apquilyimtalhnesomacpo apanco najan apquiltamongvayclholhma apquilpayvam. Am najan elacac asoc alyimtalhnamo netin yoyam elvinam.

SAN JUDAS 1:10

Eyca as enlhitaoc apquiltomja apquilyamneycam asoc melyascamco. Acvamlha apvancaac elvajanamcoc actemaclha asoc navjac mepqui alyascamco. Apquilsilhnanacpec mataa apanco naysicsa apquilvajaneycaoc.

SAN JUDAS 1:8

Inlhamoc mataa actemaclha allheneycam apquilvalhoc as enlhitaoc, malha ingilvanmesaycam. Apquiltovascama apanco apyovoclhojo ayinyema apquilanatama as enlhitaoc. Apquilvinéycam mataa Visqui ingac aptomja apyimtalhnamo. Apnatovasoc mataa apquilasinancama ayinyema netin, am nic nat elhnoc aptemaclha Miguel aptomja ángeles apvisqui apancaoc.