TITO 2:2 - Enhlit Bible

² Ilane sat metnaja apquitcoc eltimjic mepqui acyeyjamelhma. Ilane sat colhic alaco najan eltimjic apquilyascamco. Ilane sat coytic melyasquiyam actamila najan apquilasicjayo najan actemaclha apquilinlhanyam.

TITO 2:2 Iomraidhean Croise

JOB 12:12

Apquillhenacpec mataa apquilvanyam apquiltomja apquilyascamco apanco.

SALMOS 92:14

Inquilhnec mataa acyilhna actomjayclho acvanyam yamit. Alhnancoc mataa yamit, acyimnatem anco, mepqui ápac (enlhit appeyvomo).

PROVERBIOS 16:31

Acmopoy ingva acyitsomalhca nimpocanma corona, ayinyema nintemaclha ningiltamilcasomalhco inganco aclhamoclhojo años.

ISAÍAS 65:20

Mengyitsepejec sat mataa sicaa quilhvo actiyam. Mengyitsepejec sat mataa enlhit covocmo inlhojo aptemaclha apvanyam. Cotsepejec sat sicaa covocmo sat cien años, acyanmongam meyascalhma sat cotnejic.

LEVÍTICO 19:32

Eltime sat apquilayo apquilvanyam, noelvennam nasa. Elpasim sat mataa. Eltime selayo sicvisay Dios Visqui apancaoc quellhip.

SAN MARCOS 5:15

Apquilmiyaclhec alhta apnaclha Jesús. Apvitacpec alhta enlhit quilyicjamo actovascama. Apnacmec alhta nalhpop apnangvocmo aptalhnama. Intamalvocmec alhta aptemaclha. Apquilacac alhta enlhitaoc.

SAN LUCAS 8:35

Yejemoc alhta apquilpecjamcaa enlhit. Apquililtamjoc alhta elvita asoc apquillhanma. Apquilmiyaclhec alhta apnaclha Jesús. Apvitacpec alhta enlhit alantiyapma apvalhoc somquic quilyicjamo. Apnacmec alhta nalhpop apnangvocmo aptalhnama. Intamalvocmec alhta aptemaclha. Apquilacac alhta enlhitaoc.

LOS HECHOS 24:25

Yejemoc alhta apquiltimnasamcaa Pablo. Aplhenquic alhta actemaclha acpeyvomo najan actemaclha ningiltamilcasomalhco inganco najan actemaclha, yoyam ongyicpilcalhca actamongvomlha nelha acnim. Apcacac alhta Félix natamin aplingay. Aptomjac alhta apcanya: —Ilhing siclho. Am sat ancoc otnajam, ongvanic sat mocjam lhip —alhta aptomjac.

ROMANOS 12:3

Eyasinaquic alhta Dios ayinyema seyasicjayo yoyam oltimnacsic quellhip: Noelyeycajangvomjo nasa actemaclha apquilyimtalhnamo quellhip. Elyipcon sat apquilvalhoc quellhip. Noelyeycajangvomjo nasa melyasquiyam acyitna quellhip ayinyema Dios.

1 CORINTIOS 15:34

Elvatsaoc sat apquiltemaclha alyeyjamelhma. Elvatsaoc sat apquiltemaclha apquiltamongvaycmolhma. Am elyasamcoc mocjam napocja quellhip aptemaclha Dios. Eycaso siclhanma yoyam elmancangvomoc quellhip.

1 CORINTIOS 9:25

Apquilpenasoc mataa apquilhacjam aclhamoclhojo asoc, malha apquiltamilcasomacpo apanco. Apnateymaoclhec mataa yoyam ellhovac apquilatanma, malha catquin ava mepqui acmamnave. Nincoo eyca ongiltimjic sat malha carrera naysicsa ningyiplovquiscama Dios appayvam. Ongillhovac sat acyanmongam asoc acmamnave actomja comasquingvoyam, am colhno apquilatanma, malha catquin ava yoyam copalamoc. Elyimnac sat quellhip naysicsa apquilyiplovquiscama yoyam ellhovac acyanmongam.

2 CORINTIOS 5:13

Apquilanayquic mataa napocja enlhitaoc ongiltomja ayanem. Cotnejic ac maa, ongilanam sat nincoo Dios. Am sat ancoc ongiltomjac ayanem, ongilanam sat quellhip.

GALATAS 5:23

Najan actemaclha mepqui ningyimtalhnesomalhco inganco najan actemaclha ningiltamilcasomalhco inganco. Am coyitnac lhama singanamaclha yoyam conmelham as asoc.

FILIPENSES 4:8

Quellhip elyalhinga. Actomjaclha nelha siclhanma aso. Colquitam sat mataa apquilvalhoc actomja nasoc anco najan actemaclha yoyam colhic ayaco. Actomja acpeyvomo najan actomja ayalhnayo najan actomja ningasicjayo najan actomja actamila anco. Colquitam sat mataa apquilvalhoc nintemaclha actamila najan nintemaclha ningayo.

1 TESALONICENSES 5:6

Am eliljalhnac Visqui ingac enlhitaoc lhalhma anco, malha apnatiyanma apquiltomjac. Mongvanquejec nincoo ongnateynic. Incaymalhquic ongilantiyapmojo najan ontimjic mepqui singilyeyjamelhma.

1 TESALONICENSES 5:8

Incaymalhquic ontimjic mepqui singilyeyjamelhma ayinyemaclha nincoo ningileyvam acnim anco. Yitnec mataa apquilajapquiscama apnenyaoc singilpilhtetemo najan apquilajapquiscama apcatcoc naysicsa apquilnapomap. Incaymalhquic nincoo lha coytic mongyasquiyam najan ningilasicjayo najan aljalhneycam ingvalhoc ongilvomsalhca tap.

1 TIMOTEO 1:10

Apquillhenamap enlhit apquilanatama najan apquilvajaneycaoc moc actemaclha apquilpatjeteycaoc najan enlhit apquilminyilhayclha poc najan apquilmopvancaa amyaa najan enlhit apquiltimesquiscama nasoc anco naysicsa apquilmopvancaa amyaa. Inlhenalhquic najan aclhamoclhojo asoc alinmelhaycam singillhicmoscama actamila.

1 TIMOTEO 1:14

Avanjec anco seyimlayquiclho Visqui ingac, malha mongmovan onsavojo. Emcasquic alhta actemaclha moyasquiyam najan actemaclha siyasicjayo ayinyema sicpasmeyquiclha Cristo Jesús.

1 TIMOTEO 1:2

Actalhoscasquic as vaycajac actemaclha aclhanma evalhoc lhip Timoteo. Ayinyemaclha lhip aptomja malha sictamongvoyam ayinyema mongyasquiyam. Altamjoc yoyam epasmoc lhip Dios Ingyapam najan Jesucristo Visqui ingac yoyam najan ingyimlimojo najan coytic actamilaycam apvalhoc.

1 TIMOTEO 1:5

Incaymalhquic ongillhicmocsic mataa tasic amyaa yoyam coyaveclha actemaclha ningasicjayo. Pac ongilyiplovsic sat ningasicjayo ayinyema ayalhnayo ingvalhoc najan ayinyema acyasingvayclho ingvalhoc actamila najan ayinyema mongyasquiyam actomja nasoc anco.

1 TIMOTEO 3:11

Najan lha apnatamcaa, incaymalhquic coltamilsalhcojoc anco najan colhic ayaco najan colyejiclhojoc mataa. Incaymalhquic coltimjic mepqui allhamasomalhca.

1 TIMOTEO 3:2

Incaymalhquic cotnejic actamila aptemaclha apquimja apmamyi. Najan lha cotnejic acvamlha lhama aptava. Etnejic sat najan apyascamco. Etnejic najan mepqui aptamongvaycmolhma, etnejic najan aptamilcasomacpo apanco. Incaymalhquic etnejic mataa apmam tacja poc. Etnejic najan apmopvan elhicmocsic tasic amyaa.

1 TIMOTEO 3:4

Incaymalhquic etnejic apmopvan etamilsic apmolhama najan eyascasingvomoc apquitquic actemaclha ningilyajayquiclho.

1 TIMOTEO 3:8

Najan lha apquilancam diáconos nipyesicsa Jesucristo apmolhama. Incaymalhquic mataa colhic ayaco. Incaymalhquic am coytic actemaclha anit apvalhaoc najan mepqui ayajem anmin. Incaymalhquic najan cotsepeje apnenyaoc solyayem.

1 TIMOTEO 5:1

Noimatsam nasa ingyalhing metnaja apquitcoc. Ilyascasingvoclhojo sat lhip metnaja apquitcoc aptomja lhip malha apyap. Ilyascasingvoclhojo sat najan lhip apquilyimnanic, aptomja lhip malha apquilyalhinga.

TITO 1:13

Nasoc alhta aplhanma. Iyimnaticsojo sat appayvam apquiltimnasquiclho apquiltemaclha yoyam cotamalvomoc apquiltimem melyasquiyam.

TITO 1:8

Incaymalhquic apquimja apmamyi emoc mataa tacja maycaa. Incaymalhquic eyiplovsic mataa actemaclha actamila. Najan etnejic apyascamco najan appeyvomo najan ingyavojo mataa Dios najan etnejic aptamilcasomacpo apanco.

TITO 2:7

Lhip Tito, ilhicmosacpojo apanco actemaclha ningyiplovquiscama actamila. Illhicmos sat nipyesicsa quilyimnanic tasic amyaa actemaclha actomja nasoc anco.

FILEMON 1:9

Inlhenquic evalhoc lhip aptemaclha apcasicjayo. Najan sictomja coo sicvanyam sicma singilpilhtetomaclha ayinyema siclingascama apvisay Jesucristo.

1 SAN PEDRO 1:13

Collhen apquilvalhoc quellhip actemaclha actamila yoyam ellanac. Eltamilsacpojo mataa apanco naysicsa ningileyvam. Coljalhnam sat mataa apquilvalhoc Dios apcaycaoc yoyam ellhovamcoc quellhip apvoyctamlha sat Jesucristo.

1 SAN PEDRO 4:7

Camquitvocmec acnim yoyam colmasquingvomoc aclhamoclhojo asoc. Eltamilsacpojo apanco mataa quellhip. Noelyeyesacpojo nasa olhma yoyam comasqueje apquililmalhnancama quellhip.

1 SAN PEDRO 5:8

Eltamilsojo apquilvalhoc quellhip. Elantiyapmojo sat mataa. Ayinyemaclha innec cotnaja ingmoc acvisay diablo yavey. Actomja malha asoc navjac aclom. Intingyam mataa yoyam cajic.

2 SAN PEDRO 1:6

Natamin eltamesap apanco. Natamin elyiplovquis actemaclha apquilinlhanyacmo. Natamin elyiplovquis actemaclha apquilayo Dios.