TITO 1:9 - Enhlit Bible

⁹ Incaymalhquic eyiplovsic mataa Dios appayvam naysicsa apquillhicmoscama. Yoyam elanic poc elinlhanmojo actemaclha mongyasquiyam. Yoyam eyasquisamcojo poc apquiltomja apquilinmelhaycam.

TITO 1:9 Iomraidhean Croise

JOB 2:3

Aptomjac nic nat Dios apcanya singyipconma: —¿Apvita ya lhquip selancam Job? Aptasic apanco, am elhno poc enlhit. Aptomja setnesaycam coo, aptomja aptamilcasomacpo apanco, mepqui apsilhnanomap apanco. Mepqui mataa apquinmelhaycam poc. Am nic nat elvatasac aptemaclha aptamilcasomacpo apanco, naysicsa aplingaycamco acyimtalhnama, ayinyema alhta lhip — nic nat aptomjac Dios.

JOB 27:6

Sicpeyvomo ajanco ayinyema evalhoc seyascasingvoyam, mepqui mataa acmancactama evalhoc, ayinyema mepqui sicsilhnanomalhca ajanco.

PROVERBIOS 23:23

Itingya sat lhip actomja nasoc anco, actomja singyascasingviyam najan singiltamescama, najan actemaclha ningyascamco. ¡Noyinyov mataa lhip!

LOS HECHOS 18:28

Apquillhicmosquic alhta Apolos napatavo aplhamoclhojo actemaclha apquillhinganyam judíos. Apyitcasquic alhta mataa actemaclha vaycajac Dios appayvam. Aplhenacpec alhta mataa Jesús aptomja Cristo apanco, aptomja apquiljalhanma yoyam evac sat.

1 CORINTIOS 14:24

Apcaneyclhec sat ancoc quellhip yoyam ellingacsic amyaa ayinyema Dios. Aptalhningvoctac sat ancoc metnaja Jesucristo apmolhama. Comoc sat apvalhoc amyaa apquillingascama quellhip. Eyasingvoclhojoc sat actemaclha meyascalhma.

1 TESALONICENSES 5:21

Noelquinatquis nasa aclhamoclhojo actemaclha, actomja actamila najan actomja acmasom. Elyiplovquis sat actamila anco.

2 TESALONICENSES 2:15

Quellhip ingilyalhinga. Elvascap sat apquilyiplovquiscama actemaclha ningillhicmoscama alhta najan actemaclha ningiltalhesquiscama quellhip.

1 TIMOTEO 1:10

Apquillhenamap enlhit apquilanatama najan apquilvajaneycaoc moc actemaclha apquilpatjeteycaoc najan enlhit apquilminyilhayclha poc najan apquilmopvancaa amyaa najan enlhit apquiltimesquiscama nasoc anco naysicsa apquilmopvancaa amyaa. Inlhenalhquic najan aclhamoclhojo asoc alinmelhaycam singillhicmoscama actamila.

1 TIMOTEO 1:15

Nasoc anco as amyaa actomja actamila anco yoyam colmoc apquilvalhoc aplhamoclhojo enlhit: Apvoyac nic nat Cristo Jesús as nalhpop yoyam elvomsic tap enlhit melyascalhma. Coo eyca actomja acyiviy anco moyascalhma, am colhnoc melyascalhma poc enlhitaoc.

1 TIMOTEO 1:19

Apquilvatsamquic alhta napocja ingilyalhinga. Inmasquingvocmec alhta melyasquiyam.

1 TIMOTEO 4:9

Nasoc anco as amyaa actomja actamila anco yoyam colmoc apquilvalhoc aplhamoclhojo enlhit.

1 TIMOTEO 6:3

Am sat ancoc elhicmosac ingyalhing amyaa acpeyvomo ayinyema Jesucristo Visqui ingac. Am sat ancoc elhicmosac actemaclha yoyam ongilavojo Dios.

2 TIMOTEO 1:13

Iyiplovquis sat lhip actemaclha sillhicmoscama actamila, actomja malha asoc acyitsomalhca actamila yoyam ongilvajanamcoc. Iyiplovquis najan actemaclha mongyasquiyam najan actemaclha ningasicjayo ningiltomja ninpasmeyquiclha Cristo Jesús.

2 TIMOTEO 2:2

Aplingac alhta mataa lhip amyaa actomja nasoc anco. Altimnasquic alhta mataa napatavo apquiltomja apquilvitaycamco. Ilasina sat lhip poc enlhitaoc apquilpeyvomo apquilmopvan ellhicmocsic apnaymacoc.

2 TIMOTEO 2:25

najan naysicsa aptamilquiscasquiclha apquilvalhoc enlhit apquiltomja apquillom. Apvanquic Dios eltimesquisic yoyam elyanmongsic apquilvalhoc as enlhitaoc. Yoyam najan elyicpilcangvomoc actomja nasoc anco.

2 TIMOTEO 3:14

Iyimnac sat lhip apyiplovquiscama actemaclha apyasingvoyam. Apyasamcoc apancoc lhip aptemaclha apyasingvoyam. Apyasamcoc najan lhip apquiltomja alhta apquillhicmoscama lhip.

2 TIMOTEO 4:3

Incovac sat acnim yoyam elvatsamcoc enlhitaoc apquiljalhenmo singillhicmoscama tasic amyaa. Etlhamcoc sat malha apquilpatmeycam. Poc sat eltingyamcoc apquillhicmoscama yoyam elaylhojo mataa amyaa actemaclha apquilmayjayoclha elaylhojo.

TITO 1:11

Incaymalhquic elacsic lhip as ingilyalhinga yoyam elvanma. Apquilsilhnanaquic mataa aplhamoclhojo apquilmolhama ayinyema apquillhicmoscama apquilmopvan amyaa. Apquililtamjoc mataa ellhamasiclha solyayem acyanmongvoyam.

TITO 2:1

Iltimnas sat mataa lhip. Ilngas sat mataa amyaa. Ilhnasojo sat mataa lhip appayvam actemaclha singillhicmoscama actamila.

SAN JUDAS 1:3

Quellhip elyalhinga. Altamjoc lha inyicje otalhosquisic quellhip actemaclha ningilvomsomalhquilha tap. Pilapcasquic aclhena evalhoc yoyam otalhosquisic quellhip moc actemaclha. Altamjoc coo elyasingvoclhojoc quellhip yoyam elinlhanmojo actemaclha mongyasquiyam, malha ningilnapomalhca ningmasma mongyasquiyam. Nincoo ningiltomja Dios apmolhama. Apquiltamjoc Dios ongmeyvoc mongyasquiyam malha yoyam ongilnapalhca.

EL APOCALIPSIS 2:25

Elinlhanmojo sat apquilyiplovquiscama quellhip asoc apquilyasingvoyam acvocmo acnim sicvoyctamlha sat.

EL APOCALIPSIS 3:11

Cotlapsic sat ovota. Ilinlhanmojo sat apyiplovquiscama asoc apyasingvoyam lhip yoyam melatamacpejec acyanmongam yoyam elhcac sat.

EL APOCALIPSIS 3:3

Coyitnam sat apatic actemaclha aplhoy najan aplingay Dios appayvam. Iyiplovquis sat mataa, ilaniclha sat apvalhoc. Am sat ancoc elhaticjac lhip, cotlapsic sat ovota malha enlhit apminyilhma. Meyasamquejec sat lhip acvamlha hora yoyam ovota.