TITO 1:6 - Enhlit Bible

⁶ Incaymalhquic cotnejic actamila actemaclha apquimja apmamyi, etnejic mesilhnanomap. Najan lha cotnejic acvamlha lhama aptava. Incaymalhquic eltimjic apquitquic apquilyanmonquiscama apquilvalhoc. Eltimjic sat najan apquiltamilcasomacpo apanco actemaclha mongilsilhnanomalhca.

TITO 1:6 Iomraidhean Croise

GÉNESIS 18:19

Acyacyesquic coo Abraham, yoyam elanic sat mataa apquitquic najan aptovana elilyejiclhojo siyanamaclha. Yoyam elyiplovcasojo actemaclha actamila najan actemaclha acpeyvomo. Yoyam elhcac sat Abraham aclhamoclhojo asoc siclhanma olmesic— nic nat intomjac apvalhoc.

PROVERBIOS 28:7

Apvisay inquitca apyascamco, aptomja apyiplovquiscama singanamaclha Dios. Singmanquescama inquitca, aptomja appalhaviyam enlhit melyascalhma.

EZEQUIEL 44:22

Copvanquejec sacerdote colyimjapoc quilvana tampeyi najan quilvana apyamasma. Apvanquic colyimjapoc quilvana mepqui atava actomja israelita anco, cotnaja acpatjetomalhca. Apvanquic colyimjapoc tampeyi, atava ninga sacerdote.

LEVÍTICO 21:14

Copvanquejec etnejic aptava quilvana tampeyi, paj najan quilvana apyamasma enlhit, paj najan quilvana alanatama, paj najan quilvana acpatjetamalhca (altamay). Cotnejic sat quilvana ayinyema apmolhama clan, (appayvomó lhama) najan mepqui mocjam acpatjetamalhca.

LEVÍTICO 21:7

Copvanquejec mataa sacerdote etnejic aptava quilvana alanatama, paj najan quilvana apyamasma, paj najan moc acpatjetamalhca. Apponquinomap nac sacerdote.

MALAQUÍAS 2:15

Lhama apanco Dios Apyimtalhnamo apquillanay nic nat ningyovoclhojo najan ingvalhoc ingac. Apquiltamjoc Dios Apyimtalhnamo eltimjic apquilvisay quellhip aptovana Dios apquilyacyescama. ¡Eltamilsojo sat apquilvalhoc quellhip! Noelyeycajas nasa apquillhanma quellhip nasoc anco, melyinyovejec sat mataa aptava apquiltingyey siclhoc anco.

SAN LUCAS 1:5

Apnec alhta apvisqui Herodes yoclhilhma Judea. Apnec alhta najan lhama sacerdote apvisay Zacarías. Aptomja alhta apquilpasmeycam aptamjaycamo lhama Abías. Aptava alhta innac acvisay Elisabet. Sacerdote Aarón aptavin niptamin alhta as quilvana.

EFESIOS 5:18

Noeltamjo nasa colnapoc anmin, ayinyemaclha elsilhnanacpoc sat. Elane sat elhic Espíritu Santo acyovoclhojo apquilvalhoc quellhip.

1 TESALONICENSES 5:14

Quellhip ingilyalhinga. Ningiltamjoc ongilanic quellhip: Elane sat elilyejiclhojo apquiltomja melilyajayquiclho. Elyascasingvoclhojo sat apquiltomja apquilvatseycaoc yoyam elinlhanmojo. Elpasim sat apquiltomja melyimnatem. Eltamilsojo sat nipyesicsa aplhamoclhojo.

1 TIMOTEO 1:9

Ningyasamcoc nincoo apquillhenamap apquilmapsomcaa ayinyema singanamaclha. Eyca acyitna singanamaclha Dios apquillhenamap: enlhit melilyajayquiclho najan enlhit apquilyasquiyam najan enlhit apquilmapsomcaa najan enlhit melyascalhma najan enlhit apquilajayclha apyap najan inquin najan ticyovam yapmayc.

1 TIMOTEO 3:12

Incaymalhquic apquilancam cotnejic acvamlha lhama aptava. Incaymalhquic etnejic apmopvan etamilsic apmolhama najan eyascasingvomoc apquitquic actemaclha ningilyajayquiclho.

TITO 1:10

Apnam eyca aplhamoclhojo apquillhamasomap najan apquilmopvancaa amyaa apquiltomja melilyajayquiclho Dios appayvam. Apmamyi anco apquillhenamap judíos apquiltomja Jesucristo apmolhama.

1 SAMUEL 2:11

Aptajaclhec nic nat Elcana tingma pac Ramá. Apnec nic nat Samuel apquitcoc apnaclha sacerdote Elí. Aptimec nic nat apquilancam Dios.

1 SAMUEL 2:22

Apvanacmec nic nat Elí. Aplingac nic nat amyaa acmasom, apquillhenamap apquitquic najan apquiltemaclha apancaoc. Apquilyitnamolhama nic nat quilvanaa altimesaycam carpa apponquinomap.