TITO 1:5 - Enhlit Bible

⁵ Acyamyeclhec alhta lhip acyayem lhop acvisay Creta. Ayinyemaclha altamjoc alhta yoyam epenacsojoc lhip actemaclha ayaymomalhca. Am alhta ovanac coo openacsojo. Altamjoc coo yoyam etingyac lhip nipyesicsa ingilyalhinga yoyam eltimjic apquilimja apmamyi moclhama tingma Jesucristo apmolhama. Eycaso siyanya alhta etnejic lhip.

TITO 1:5 Iomraidhean Croise

1 CRÓNICAS 6:32

Apquilminaycmasquic nic nat payjoc carpa apponquinomap acvaycmo apquillanay tingma apponquinomap apvisqui Salomón tingma Jerusalén. Apquilantalhnec nic nat, apquilvita inlhojo appenesomap tingma apponquinomap apyivey apanco.

ECLESIASTÉS 12:9

Apyascamco apanco ilhnic nat Predicador, aptomja apyascasingvoyam enlhitaoc. Aptalhosquic nic nat aclhamoclhojo proverbios ayinyema apyascamco apanco.

ISAÍAS 44:7

¿Soc enlhit selhno coo? Itnimiclha netin, jeltimnas siclho. ¿Soc enlhit aptomja ilhnic nat aplingascama asoc yoyam colvac sat? ¿Soc nic nat enlhit apvitasquiscama asoc yoyam colvac sat?

LEVÍTICO 14:42

Ellaniclhac sat moc mataymong (yatipjaymacaoc) apvalhoc tingma najan moc ayimpeoc paredes tingma.

LOS HECHOS 11:30

Apquilansaclhec alhta solyayem. Apquilasinacpec alhta Bernabé najan Saulo, yoyam elsaclhac solyayem. Apquillhovamquic alhta apquilimja apmamyi apnaycam yoclhilhma Judea (tingma Jerusalén).

LOS HECHOS 14:23

Apquilyacyesquic alhta Pablo najan Bernabé enlhit, yoyam etnejic apquinimsomap apmamyi moclhama Jesucristo apmolhama (iglesia). Yejemoc alhta apquililmalhnam actemaclha melmajay aptoycaoc. Apquilmalhnescasquic alhta as enlhitaoc. Am alhta elyascacmoc Visqui ingac as enlhitaoc.

LOS HECHOS 2:11

Najan co Creta najan co Arabia. Ninpayvamo lhama enlhitaoc nac maa. Ninlingac aclhenomalhca mataa apmopvan aptamjaycam Dios Ingyapam —alhta apquiltomjac.

LOS HECHOS 27:12

Invocmec alhta invierno mepqui lha nintom. Am alhta ongvanac onlhic acvaycmo mocjitma. Apquilpecjam alhta aplhamoclhojo, yoyam ongilquimpiclha mocjam barco. Ongilvoclhojo sat tingma Fenice nicja acyayem inquilhe Creta. Intasic ongnaclhac maa tingma alyilhningvaclha piyam acvocmo mocjitma.

LOS HECHOS 27:13

Yamapquilhcajayam alhta intomjac piyam. Apquilpecjam alhta ellhong mocjam. Apquilquimpaclhec alhta mocjam. Incamquitvoclhec alhta nicja acyayem inquilhe Creta.

LOS HECHOS 27:21

Acvoncaclho alhta mongilmajay ontovamcoc. Yejemoc alhta apquiningvoclho Pablo nipyesicsa. Aptomjac alhta apquilanya: —Enaymacoc. Intasic alhta inyicje melyascomoc quellhip sicpayvam siclhena alhta, yoyam onlhic mocjam acyayem inquilhe Creta. Yoyam alhta mongitsilhnanalhqueje najan mongitsilhnanejec ningilnatam.

LOS HECHOS 27:7

Intamilsamcoc alhta aclhingam barco aclhamoclhojo acnim. Avanjec alhta ningiltamjaycam ninlhinquiscama. Ningilvoclhec alhta tingma Gnido. Ningiltajanyaac alhta mocjam piyam. Ningilyeycajangvoclhec alhta yoclhilhma Salmón. Ningilvoclhec alhta nicja acyayem inquilhe acvisay Creta.

1 CORINTIOS 11:34

Incajac sat ancoc mayc ingyalhing, itov siclho tingma pac. Yoyam meyanmongsiclhejec sat Dios apquiltemaclha quellhip. Altamjoc ollaniclhac moc asoc sicvoclho sat nipyesicsa quellhip.

1 CORINTIOS 14:40

Elsavojo sat actemaclha nintamilquiscama nintemaclha.

1 CORINTIOS 4:17

Pac ongvapajacsic sat ingyalhing Timoteo nipyesicsa quellhip. Aptomja malha sictamongvoyam ayinyema meyasquiyam Cristo. Ayasicjavoc coo Timoteo aptomja apquilyajayquiclho. Elhicmocsic sat yoyam elyasingvoclhojoc quellhip sictemaclha mataa sicyiplovquiscama sictimem moyasquiyam Cristo. Elhicmocsic sat actemaclha mataa sillhicmoscama coo aclhamoclhojo apcaneyquiclhilha Jesucristo apmolhama.

COLOSENSES 2:5

Am olhnac coo nipyesicsa quellhip. Acvamlha sicvanmoncama acna nipyesicsa quellhip. Inpayjeclhec evalhoc sicvita quellhip apquiltomja coyeycajamalhca moc apquilvalhoc najan aptemaclha apquilyimnatescama apquilvalhoc naysicsa melyasquiyam Jesucristo.

1 TIMOTEO 1:3

Naysicsa yoyam olhong alhta yoclhilhma Macedonia actomjac alhta siyanya lhip: Ilhniclha sat mocjam lhip as tingma Efeso. Imyov sat ellhicmocsic napocja enlhit moc actemaclha apquillhicmoscama yoyam elsilhnanac.

2 TIMOTEO 2:2

Aplingac alhta mataa lhip amyaa actomja nasoc anco. Altimnasquic alhta mataa napatavo apquiltomja apquilvitaycamco. Ilasina sat lhip poc enlhitaoc apquilpeyvomo apquilmopvan ellhicmocsic apnaymacoc.

TITO 1:12

Apnec alhta yoclhilhma Creta lhama profeta nipyesicsa apquilmopvancaa amyaa. Eycaso appayvam apquillhenamap apnaymacoc: “Co Creta apquiltomja apquilmopvancaa amyaa. Apquiltomja malha asoc navjac aclom. Apquiltomja mengyascama elmaja aptoycaoc najan apquiljalhomap” —alhta aptomjac.