TITO 1:10 - Enhlit Bible

¹⁰ Apnam eyca aplhamoclhojo apquillhamasomap najan apquilmopvancaa amyaa apquiltomja melilyajayquiclho Dios appayvam. Apmamyi anco apquillhenamap judíos apquiltomja Jesucristo apmolhama.

TITO 1:10 Iomraidhean Croise

SAN MATEO 23:14

‘¡Quellhip layi, fariseos najan apquilyascamco apquiltemaclha! ¡Apquilaycmascam nac quellhip! Apquilsovjoquic quellhip lhintampaa tingma ancaoc (alnatam). Ayajemo apquilvinatescama quellhip apquililmalhnancama, yoyam elpocsic apquiltemaclha. Yimtilhec sat cotnejic acyanmongayclha apquiltemaclha quellhip.

LOS HECHOS 11:2

Lhama alhta apvoclho Pedro tingma Jerusalén. Yejemoc alhta apquilpamejitsaclho mataa judíos melyasquiyam tasic amyaa.

LOS HECHOS 15:1

Apquilvaac alhta napocja enlhit tingma Antioquía. Yoclhilhma Judea alhta apquilinyemac. Apquililtimnam alhta nipyesicsa apquilyalhinga: “Am sat ancoc eltingyac quellhip asoc monquinatquiscama ingyimpejic actemaclha ilhnic nat singanama Moisés, melvomsacpejec tap quellhip” —alhta apquiltomjac.

LOS HECHOS 15:24

Ninlingac nincoo apquilvisay apquilvocmo enlhit maa. Apquilyasa olhma alhta nipyesicsa quellhip. Apquilsilhnanaquic alhta nipyesicsa quellhip. Apquiltamjoc alhta elyiplovcasojoc singanamaclha Moisés, yoyam eltimjic quellhip asoc monquinatquiscama ingyimpejic. Jave nincoo ningilapajascama as enlhitaoc.

LOS HECHOS 20:29

Acyasamcoc coo lha. Acvoncapaclhec sat ancoc coo, elvac sat poc. Elnatovacsic sat Jesucristo apmolhama, malha asoc navjac aclom ayilhpanquiscama nipquesic.

GALATAS 2:4

Nasoc alhta apquilantalhningvactamo naysicsa ninganeyquiclhilha napocja ingilyalhinga apquilmopvan amyaa. Apquililtamjoc yoyam eltingyasquisic asoc monquinatquiscama apyimpeoc metnaja judíos. Apquilyilhacpoc alhta yoyam elyasamcojo actemaclha ningyamasma singanamaclha Moisés. Mongiltomja mocjam ningmomalhca ayinyema ninpasmeyquiclha Cristo Jesús. Apquililtamjoc alhta yoyam ongilyiplovcasojo actemaclha singanamaclha Moisés, yoyam ongiltimjic mocjam malha ningmomalhca.

GALATAS 3:1

Quellhip elyalhinga co Galacia. ¡Alyeyjamelhma nac quellhip! ¿Soctomja apquilvatsamco nac apquilyiplovquiscama actamila, malha apyojolhma apquilvatesquiscama? Allhicmosquic alhta quellhip aptemaclha Jesucristo apquitsepma asoc timyescama, malha apquilvitay alhta intomjac quellhip.

EFESIOS 4:14

Quip elaylhojo. Mongvanquejec ontimjic nincoo mongyasquiyam malha sicaa. Mongvanquejec nincoo ongiltimesic mongyasquiyam, malha yingmin alyayajayam acyingam lhcajayam. Mongvanquejec nincoo ongilyejiclhojo aclhamoclhojo actemaclha amyaa yoyam jingilsilhnana. Apquiltamjoc mataa poc enlhit jingilsilhnana.

1 TIMOTEO 1:4

Yoyam elvatsamcoc actemaclha apquillhanma amyaa nano najan apquillheneycam apquilinyemayaclha siclhoc anco apquilyeyjamcaa —alhta actomjac coo. Eycaso ayinyema mataa apquilatingmomap nipyesicsa enlhitaoc. Eyca as asoc altomja singilyascamalhma ongillhicmocsic actemaclha aptamjaycam Dios ayinyema actemaclha mongyasquiyam.

1 TIMOTEO 1:6

Apquillhinganacmec alhta napocja. Am alhta elyiplovcasac asoc siclhanma lhac. Apquilyiplovcasquic alhta actemaclha apquillhamasomap.

1 TIMOTEO 1:9

Ningyasamcoc nincoo apquillhenamap apquilmapsomcaa ayinyema singanamaclha. Eyca acyitna singanamaclha Dios apquillhenamap: enlhit melilyajayquiclho najan enlhit apquilyasquiyam najan enlhit apquilmapsomcaa najan enlhit melyascalhma najan enlhit apquilajayclha apyap najan inquin najan ticyovam yapmayc.

2 TIMOTEO 3:13

Inmasquec alamco acyangvocmo apquiltemaclha acmasom enlhit apquilmopvancaa amyaa. Apquilyinimcasquic mataa poc. Apquilyinimsacpec mataa nipyesicsa.

2 TIMOTEO 4:4

Elvonquepoc sat acyitnaclha singillhicmoscama actomja nasoc anco. Elyiplovcasojoc sat apquiltemaclha amyaa nano.

TITO 1:6

Incaymalhquic cotnejic actamila actemaclha apquimja apmamyi, etnejic mesilhnanomap. Najan lha cotnejic acvamlha lhama aptava. Incaymalhquic eltimjic apquitquic apquilyanmonquiscama apquilvalhoc. Eltimjic sat najan apquiltamilcasomacpo apanco actemaclha mongilsilhnanomalhca.

SANTIAGO 1:26

Ninlhenquic sat ancoc nintemaclha ningiltamilcasomalhco inganco, eyca acyitna mocjam ninlhamasomalhca, ongilyinimsalhcac sat inganco. Ayajemo ninlhanma ningiltamilcasomalhco inganco.

1 SAN JUAN 2:18

Quellhip eyitquic. Invocmec acvamlha acnim. Apquillinga alhta quellhip yoyam eva Metnaja Cristo aptomja apquinmelhaycam Cristo. Najan lha quilhvo aplhameclhec enlhitaoc apquiltomja apquilinmelhaycam Cristo. Ningyasamcoc nincoo acvocmo acvamlha acnim.

1 SAN JUAN 2:4

Aptomjac sat ancoc ingyalhing elhenic: “Acyicpilcangvocmec coo Dios”. Am sat ancoc elyajaclhoc actemaclha singanamaclha, eyca as aptomja apmopvan amyaa. Am coyitnac apvalhoc actomja nasoc anco.

1 SAN JUAN 4:1

Quellhip silasicjayo. Elyasquim sat quellhip apquilpayvam napocja enlhit. Noelquinatquis nasa ayinyemayaclha mayasinancama. Nasoc lhaja ayinyema Dios Espíritu apanco, jave lhaja. Ayinyemaclha apnam lhalhma anco aplhamoclhojo apquilmopvancaa amyaa. Apquillhenquic mataa ayinyema Dios apcasinancama.

EL APOCALIPSIS 2:14

Am colcac evalhoc lhama asoc ayitcoc: Apnam tingma Pérgamo napocja apnaymacoc apquiltomja apquilyiplovquiscama actemaclha ilhnic nat apquillhicmoscama Balaam. Profeta apmopvan amyaa ilhnic nat Balaam. Apcanayquic nic nat Balaam yoyam esilhnana Balac aplhamoclhojo enlhitaoc Israel. Apquilsilhnanacpec nic nat. Aptovcamquic nic nat apitic macmescama quilaycmasquiscama acyitsomalhca Dios. Apquilvajanamquic nic nat actemaclha apquilanatama.

EL APOCALIPSIS 2:6

Inlicavoc evalhoc moc asoc: Aptanovquic lhip apquiltemaclha apmolhama Nicolás. Actanovquic coo lha.