TITO 1:1 - Enhlit Bible

^1-4 Coo nac Pablo sictomja Dios apquilancam. Sictomja najan apóstol siyapajasomalhca ayinyema Jesucristo. Inlhenquic evalhoc lhip Tito, ayinyemaclha lhip aptomja malha sictamongvoyam ayinyema mongyasquiyam actomja seyipitquiscama lhip. Altamjoc coo yoyam epasmoc lhip Dios Ingyapam najan Jesucristo Visqui ingac aptomja singvomquiscama tap yoyam najan ingyimlimojo najan coytic actamilaycam apvalhoc. Eyasinaquic alhta Dios yoyam otnejic sicsoycam actemaclha mongyasquiyam nipyesicsa Dios apquilyacyescama. Yoyam elyasingvomoc actemaclha amyaa actomja nasoc anco najan actemaclha ningiltamilsomalhco inganco. Yoyam coytic aljalhneycam apquilvalhoc actemaclha acyimnatem ingnenyic cotmongvoycamlha nelha. Metnejec apmopvan amyaa Dios. Aplhenquic nic nat Dios siclhoc anco yicpintama apquillanay as nalhpop yoyam jingilmesic acyimnatem ingnenyic. Ingmesquic quilhvoc as ningvamlha nac jay yoyam ongilyasingvomoc actemaclha acyimnatescama ingnenyic. Eyasinaquic alhta yoyam opayecsic as amyaa. Ayinyema alhta seyanama Dios aptomja singvomquiscama tap.

TITO 1:1 Iomraidhean Croise

1 CRÓNICAS 6:49

Apquilvatnec nic nat Aarón najan aptovana asoc macmescama Dios netin altar acvatnamalhquilha. Apquilvatnec nic nat talha asoc acmasis netin acvatnamalhquilha. Apquiltimesam nic nat congne aplhancoc apponquinomap apanco, actemaclha mayasicjayquiclha mocjam enlhitaoc napato Dios. Acno ilhnic nat apcanama Moisés ayinyema Dios.

SAN LUCAS 18:7

Najan apquiltemaclha Dios apquitquic apquilyacyesomap. Apquilpalhamam mataa apquililmalhnancama acnim najan alhtaa. ¿Apquiltamjo ya Dios Ingyapam elpeyvescasiclha napatavo apquilinmelhaycam? ¿Yejeme ya epasmoc apquitquic Dios Ingyapam?

LOS HECHOS 13:48

Lhama alhta apquillinga amyaa. Apquilitsovasoc alhta metnaja judíos. Apquilacoc alhta Visqui ingac appayvam (Dios appayvam). Am alhta elyascacmoc aplhamoclhojo apquiltomja apquilyacyesomap ayinyema Dios Ingyapam, yoyam colhic acyimnatem apnenyaoc.

ROMANOS 1:1

Coo nac Pablo, sictimem silancam Jesucristo najan sictimem apóstol siyapajasomalhca ayinyema Dios. Eponquincasquic alhta Dios yoyam otnejic siclingascama tasic amyaa.

2 CORINTIOS 1:1

Coo nac Pablo, sictimem apóstol siyapajasomalhca ayinyema Jesucristo. Eycaso actomja apmayjayoclha Dios. Najan siclhalhma ingyalhing Timoteo. Actalhescasquic as vaycajac actema aclhanma evalhoc apquiltomja Dios apmolhama apnaycam tingma Corinto. Najan aplhamoclhojo apquiltomja Dios apquilyacyescama apnaycam yoclhilhma Acaya.

EFESIOS 2:8

Lhama mocjam siclhanma: Apquilvomsomap tap quellhip ayinyema apcasicjayo Dios, ayinyema najan melyasquiyam quellhip. Jave apquiltimem apanco quellhip, eyca actomja singmescama Dios.

FILIPENSES 1:1

Coo nac Pablo najan Timoteo ningiltomja Jesucristo apquilancam. Ningiltalhescasquic as vaycajac actemaclha aclhanma ingvalhoc aplhamoclhojo Jesucristo apmolhama apnaycam tingma Filipos. Najan maa apquilimja apmamyi najan apquiltomja apquilancam. Ayinyemaclha aplhamoclhojo apquiltomja apquilpasmeyquiclha Cristo Jesús.

COLOSENSES 2:2

Altamjoc coo mataa yoyam colyimnac acliclamo apquilvalhoc. Yoyam eltimjic lhama apquilpasmeyquiclha. Yoyam najan elyasingvomoc actemaclha cotlaycaoc asoc altamila, acvisay asoc acyilhomalhca ayinyema Dios. Eycaso apvisay Cristo.

1 TIMOTEO 2:4

Apquiltamjoc Dios yoyam elvomsacpoc tap aplhamoclhojo enlhitaoc. Apquiltamjoc yoyam elyasingvomoc actomja nasoc anco.

1 TIMOTEO 3:16

Nasoc anco acyiviy actomja acyilhomalhca actemaclha mongyasquiyam: Apvaac nat Jesucristo aptomja enlhit apanco. Innec nat actimesa appeyvomo ayinyema Espíritu apanco Dios. Apquilvitac nat ángeles Dios apquilasinancama. Inlingasalhquic nat apvisay nipyesicsa enlhitaoc lhalhma anco. Am nat elyascacmoc enlhitaoc as nalhpop. Innec nat acmiyasiclho netin yoyam colhic ayaco ayinyema Dios.

1 TIMOTEO 6:3

Am sat ancoc elhicmosac ingyalhing amyaa acpeyvomo ayinyema Jesucristo Visqui ingac. Am sat ancoc elhicmosac actemaclha yoyam ongilavojo Dios.

2 TIMOTEO 2:10

Aclingamco inyicje acmasca. Altamjo eyca opasmoc apquiltomja Dios apquilyacyescama. Yoyam elvitac sat ningilvomsomalhca tap cotmongvoyam nelha ayinyema ninpasmeyquiclha Cristo Jesús.

2 TIMOTEO 2:23

Nopasmiclha nasa apquiltemaclha apquilatingmomap, malha ayanem appayvam. Coyiplovjoc sat mataa acyimtalhnescama ingvalhoc.

2 TIMOTEO 2:25

najan naysicsa aptamilquiscasquiclha apquilvalhoc enlhit apquiltomja apquillom. Apvanquic Dios eltimesquisic yoyam elyanmongsic apquilvalhoc as enlhitaoc. Yoyam najan elyicpilcangvomoc actomja nasoc anco.

SANTIAGO 1:1

Coo nac Santiago sictomja Dios apquilancam najan Jesucristo Visqui ingac. Inlhenquic evalhoc Dios apmolhama apquilhpaneycam lhalhma anco.

2 SAN PEDRO 1:3

Apmopvan innac Dios. Ingilmasquic aclhamoclhojo asoc alaymomalhca nincoo yoyam ongiltimjic nasoc anco ningilayo Dios. Ningilyicpilcangvocmec nincoo Dios aptomja apyimtalhnamo, aptomja singilanem ongilyoclhojo apnaclha.

2 SAN PEDRO 3:11

Colmasquingvomoc sat aclhamoclhojo asoc. Collhen sat mataa apquilvalhoc quellhip asoc yoyam colvac sat. Eltamilsacpojo apanco quellhip, elavojo sat mataa Dios Ingyapam.

1 SAN JUAN 2:23

Mongiltomja Ingyapam apquitquic naysicsa ninganem colhic acyascacmo Apquitca. Eyca ninlhenquic sat ancoc apvisay Apquitca, ongiltimjic sat Ingyapam apquitquic.

EL APOCALIPSIS 1:1

Eycaso actemaclha apvitay asoc Jesucristo ayinyema Dios. Apquiltamjoc Jesucristo elhicmocsic asoc acyilhomalhca yoyam elyasamcojo apquilancam. Yoyam cotlapsic sat colva. Apcapajasquic alhta apcasinancama Jesucristo lhama ángel apnaclha Juan yoyam elhicmocsic asoc yoyam colvac sat.