SOFONÍAS 1:3 - Enhlit Bible

³ Onatovacsic sat enlhitaoc, najan apnatoscama, asoc navjac, nata, quilasma. Osavojoc sat sicnatovascama enlhit apquilmapsomcaa as nalhpop. Eycaso appayvam Dios Visqui ingac:

SOFONÍAS 1:3 Iomraidhean Croise

GÉNESIS 6:7

Aptomjac nic nat Dios Apyimtalhnamo: —Pac sat osavojo otvacsic aplhamoclhojo enlhitaoc silanay coo. Otvacsic sat aclhamoclhojo ninnatoscama najan asoc alpilhyevaycam nalhpop najan aclhamoclhojo nata. Am colcac evalhoc silanay siclhoc anco aclhamoclhojo asoc— nic nat aptomjac.

ISAÍAS 27:9

Incaymalhquic siclho israelitas eltovacsic altares acyitnamaclha quilaycmasquiscama, colhojoc sat apquiltipilquem mataymong anic. Elsavojoc sat apnatovascama yamit mayayoclha, najan altares apquilvatnamaclha asoc acmasis, yoyam colhic ayaco quilaycmasquiscama acyitsomalhca dios. Colhic sat acmascosa melyascalhma apancaoc najan apquilsilhnanomap apanco, elasicjiclhojoc sat mocjam Visqui ingac.

ISAÍAS 6:11

Ayatingmavoc alhta coo: —Visqui, ¿acvoncaclhojo ya sat cotnejic? — alhta actomjac coo. Apcatingmavoc alhta Visqui ingac: —Acvocmo sat acnim apnatovasomap tingma apvanyam acvocmo mepqui lha tingma, yoyam etnejic aptamopeycaoc tingma.

ISAÍAS 6:12

Acvocmo acnim yoyam colhic alhacjangvocmo mocjay enlhitaoc ayinyema Dios Apyimtalhnamo. Coyaveclhac sat yoclhilhma actamopeycaoc lhalhma anco.

JEREMÍAS 12:4

¿Co sat acvam comascoc sat acyamay olhma as nalhpop, najan comascoc sat ayitsepma ninganma najan ayimjaclha paat? Inquilitsepquic mataa ninatoscama, najan asoc navjac, najan nata. Eycaso ayinyema apquiltemaclha apancaoc enlhit apquilmapsomcaa. Apquilanem enlhitaoc, mepqui lhip apyascamco apquiltemaclha apancaoc — alhta intomjac silmalhnancama.

JEREMÍAS 50:3

Apquililhyacmec cotnaja ingmoc payjoc nilhqueyja, enatovacsic sat yoclhilhma. Mepqui enlhit apuileyvam maa. Apquilinyajamquic apyovoclhojo, najan enlhit najan apnatoscama — alhta aptomjac Visqui ingac.

JEREMÍAS 7:20

Coo sicvisay Dios Visqui apancaoc, olinmelham sat as enlhitaoc naysicsa siclom, olinmelham sat natingma, olinmelham sat apnatoscama, olinmelham sat yamtaa najan ayimjaclha ninganma. Colhojoc sat talha casponeyaclha, ayinyema sicyanmongsayclha apquiltemaclha apancaoc — alhta aptomjac Dios.

JEREMÍAS 9:10

Elyapcalhaoc sat, eliclhangvom sat quellhip apquilvita inquilhe najan yingman ayimjaclha paat acmeta, mepqui enlhit apquileyvam. Paj colngalhcac mocjam alpáyvam apnatoscama. Inquilinyajamquic maa asoc navjac najan nata navjac.

EZEQUIEL 44:12

Apquilsilhnanacpec alhta apanco levitas, naysicsa apquilayo quilaycmasquiscama apquilpasmeyquiclha israelitas. Ellingamcojoc sat acyanmongayclha apquiltemaclha apancaoc levitas. Eycaso sicpayvam sicvisay Visqui apancaoc.

EZEQUIEL 7:19

Cotlhalhcac sat oro najan plata malha asoc ápac, comovan colvomsic tap enlhit naysicsa apyanmongsayclha Dios apquiltemaclha apancaoc. Colapvanquejec eltovamcoc naysicsa mayic ataoc, ayinyema oro actomja siclho acsilhnanoncama enlhit yoyam elsilhnanacpoc.

OSEAS 14:3

Jave singmasma nincoo co Asiria, jave singmasma nolhing apcapaoc najan apquilmaycam. Jave Dios Visqui ingac quilaycmasquiscama ningillanay nincoo. Apvamlha lhip Dios Apyimtalhnamo aptomja singasicjayclha mocjam, malha ningiltomja ningilyeyjeycam — sat eltime elanic — nic nat aptomjac profeta.

OSEAS 14:8

Quellhip apquilmolhama Efraín: Comalhquejec sat mocjam quilaycmasquiscama. ¡Sicvamlha coo sictamilquiscama najan sicmasma quellhip! Sicyitsomalhca coo yamit alhnancoc najan actamila. Elvitac sat mataa acyilhna ayinyema coo — alhta aptomjac Dios Apyimtalhnamo — nic nat aptomjac profeta.

OSEAS 4:3

Ayovsec yoclhilhma mepqui yingmin. Inquilitsepquic asoc navjac, najan nata navjac, najan quilasma — nic nat aptomjac profeta.

ZACARÍAS 13:2

Omascoscomoc sat lhalhma anco acvisay quilaycmasquiscama, colhejec sat ayaco mataa. Omascoscomoc sat profetas apancaoc najan apquiltemaclha apancaoc acmasom. Naso coo sicpayvam sicvisay Visqui sicyimtalhnamo.

SAN MATEO 13:41

Elapajacsic sat ángeles apquilasinancama apvisay Aptiyam Aptomja Enlhit. Elansiclhojoc sat aplhamoclhojo enlhit apquilsilhnanoncama najan enlhit melyascalhma (apquilmapsomcaa).

SAN MATEO 23:39

Actomjac coo silanya quellhip: Mejelviticlhejec sat mocjam acvaycmo acnim, yoyam eltimjic quellhip sicvactamo sat: “Ningilayo aptomja apquilhyam apsoyam apvisay Visqui ingac” —sat eltimjic quellhip —alhta aptomjac Jesús.

EL APOCALIPSIS 2:14

Am colcac evalhoc lhama asoc ayitcoc: Apnam tingma Pérgamo napocja apnaymacoc apquiltomja apquilyiplovquiscama actemaclha ilhnic nat apquillhicmoscama Balaam. Profeta apmopvan amyaa ilhnic nat Balaam. Apcanayquic nic nat Balaam yoyam esilhnana Balac aplhamoclhojo enlhitaoc Israel. Apquilsilhnanacpec nic nat. Aptovcamquic nic nat apitic macmescama quilaycmasquiscama acyitsomalhca Dios. Apquilvajanamquic nic nat actemaclha apquilanatama.