SOFONÍAS 1:1 - Enhlit Bible

¹ Eycaso amyaa Dios appayvam aplingascama ilhnic nat Sofonías naysicsa aptimem apvisqui Josías, Amón apquitca nipyesicsa co Judá. Sofonías apyap ninga Cusi, apyap ninga Gedalías, apyap ninga Amarías, apyap ninga Ezequías.

SOFONÍAS 1:1 Iomraidhean Croise

JEREMÍAS 1:2

Appamejitcasquic nic nat Dios Apyimtalhnamo apcanyacpo Jeremías. Invocmec nic nat trece años aptimem apvisqui Josías, Amón apquitca, nipyesicsa apquilmolhama Judá.

2 SAN PEDRO 1:19

Yitnec nincoo quilhvo actomja nasoc anco aclhanma profetas apnatalhescama nano, ayinyema ningvitay alhta. Ellhnasojo sat quellhip lha actema nac nincoo. Elyiplovquis sat mataa as amyaa, actomja malha calevascama ningvitay naysicsa yatescamalhma. Eyca as amyaa cotnejic sat ayitsasquiscamalhma apquilvalhoc, malha apyova apyiviy aptiyapma acvocmo ayitsaca.

OSEAS 1:1

Amyaa ayinyema Dios Apyimtalhnamo aplingascama profeta Oseas, Beeri apquitca. Apvisqui rey nic nat Uzías, poc nic nat Jotam, poc nic nat Acaz, poc nic nat Ezequías, apquiltimem nic nat apquilviscaa co Judá. Aptimec nic nat apvisqui rey nipyesicsa enlhitaoc Israel tingma Jerusalén apvisay Jeroboam, Joas apquitca.

JEREMÍAS 25:3

Ayenmo alhta 13 años aptimem apvisqui Josías, Amón apquitca, nipyesicsa co Judá acvaycmo as ningvamlha nac jay, acvaycmo 23 años aptomja sepamejitquiscama Visqui ingac. Am olvatasac mataa siclingascama appayvam nipyesicsa quellhip, am eyca eljalhnoc mataa quellhip.

2 TIMOTEO 3:16

Aclhamoclhojo tasic amyaa ayinyema Espíritu apanco Dios. Eycaso actomja singillhicmoscama actomja nasoc anco actemaclha yoyam ongilyasingvomoc ningilsilhnanomalhca. Najan actemaclha yoyam ongilpeyvescasiclha ingmoc. Najan actemaclha yoyam ongiltamilsalhcojoc inganco actemaclha acpeyvomo.

2 REYES 21:18

Apquitsepquic nic nat Manasés, apcatoynacpec nic nat ayimjaclha ilhnamoc apvisqui tingma pac, acvisay amyip apanco Uza. Aptimesacpec nic nat apquitca Amón, etnejic apvisqui apya'monquiscama apyap ninga.

2 CRÓNICAS 33:20

Apquitsepquic nic nat, apcatoynacpec nic nat amyip ayitcoc apvisqui tingma pac. Aptimesacpec nic nat apquitca Amon, etnejic apvisqui apya'monquiscama apyap ninga.

2 REYES 21:26

Apcatoynacpec nic nat amyip apanco Uza. Aptimesacpec nic nat apvisqui apquitca Josías, apya'monquiscama apyap ninga.