SALMOS 127:1 - Enhlit Bible

¹ Am sat ancoc epasmac Visqui ingac, apquillanay tingma apponquinomap, alhtoc sat cotnejic apquillanay enlhit. Am sat ancoc etamilcasac tingma apvanyam Visqui ingac, alhtoc sat cotnejic apquiljalhneycam enlhit.

SALMOS 127:1 Iomraidhean Croise

1 REYES 5:12

Avanjec nic nat apyascamco apvisqui Salomón ayinyema apyascasingvoyam Dios. Actamilaycam apvalhoc nic nat apvisqui Salomón najan apvisqui Hiram. Apquillanac nic nat pacto ningmiyovmalhca apcanit apquilviscaa.

1 CRÓNICAS 28:10

Nocolvonquim nasa lhip aptomja malyacyescama Dios, ellanac sat lhip tingma apponquinomap apmaclha Dios. ¡Iyimnaticsojo apvalhoc lhip! ¡Ivascap sat aptamjaycam! — nic nat aptomjac David.

1 CRÓNICAS 28:20

Aptomjac nic nat David apcanya Salomón: ¡Iyimnaticsojo apvalhoc! ¡Ivascap sat aptamjaycam! ¡Nongyane nasa coytic ayay apvalhoc, aplhalhma lhip Dios Visqui ingac! ¡Emyovacpoc sat lhip acvaycmo appenescama apquillanay tingma apponquinomap!

1 CRÓNICAS 29:19

Ingyane sat colhic actamilaycam apvalhoc sictamongvoyam Salomón, yoyam esavojo apyiplovquiscama apcanamaclha ayinyema lhip najan singascamaclha. Ellanac sat maa tingma apponquinomap, sictingyasquiscama alhta aclhamoclhojo asoc — nic nat aptomjac apvisqui David.

SALMOS 120:1

Almalhnaquic alhta Visqui ingac naysicsa siclingaycamco acyimtalhnama. Apjalhnoc alhta silmalhnancama.

SALMOS 121:1

Inlhenquic mataa evalhoc naysicsa silaneyo netin inquilhe: —¿Jalhco sat conyema yoyam jepasmoc? — intomjac mataa evalhoc.

SALMOS 122:1

Impayjeclhec alhta evalhoc siclinga apquilpayvam: —Noc, ongilyacsic Visqui ingac tingma apponquinomap — alhta apquiltomjac.

SALMOS 123:1

Visqui ajac. Alanoc mataa lhip aptomja Visqui apna netin (apyimtalhnamo).

SALMOS 124:1

Am alhta ancoc jingmiyavac Visqui ingac — apquiltomjac mataa enlhitaoc Israel.

SALMOS 125:1

Ningilyimnatem ningiltomja mongyasquiyam Visqui ingac. Mepqui acyovjeycam ingvalhoc nincoo, malha inquilhe acvisay Sión. Ontimjic sat ningilyimnatem cotmongvoycamlha nelha.

SALMOS 126:1

Ningvitac alhta apquilvactamo enlhitaoc apquilmomap co Sión. Malha acvitay ningvanmoncama alhta intomjac.

SALMOS 72:1

Dios Visqui ingac. Ingyane sat colhic acyascamco apvalhoc apvisqui rey. Ingyane sat etnejic appeyvomo apvisqui apquitca.

SALMOS 78:69

Innec nic nat alana tingma apponquinomap nitnoc anco. Mepqui nic nat apyovjeycam as tingma apponquinomap apyimnatem.

PROVERBIOS 16:9

Nincoo ayinyema mataa aclhanma ingvalhoc, yavamlha ontimjic. Dios ayinyema mataa singillhinquiscama, yavamlha ongyiplovcasojo.

ECLESIASTÉS 9:11

Acvitac coo mocjam as nalhpop: Jave apquilvoyam apquilmamyi apquiltimesquiscama carrera. Jave apquilyimnatem apquiltimesquiscama apquilimpocjay. Jave enlhit apquilyascamco acyitnama aptoycaoc. Jave enlhit mayayo acma apquilnatam. Jave enlhit apquilmopvancaa, yoyam elmacpoc tacja. Cotlapsic sat mataa, acvaa inlhojo apquillingaycamco acyimtalhnama.

LOS CANTARES 3:3

Acpamejitcasquic alhta apquiltamilquiscama tingma guardia maa: ¿Apquilvita ya quellhip sicponcanma siyasicjayo? — alhta actomjac coo.

LOS CANTARES 5:7

Acvitac coo guardia apquiltamilquiscama tingma, selmam alhta natingma. ¡Elyicpilhquitquic alhta, elyimsasquic alhta, elnatamquic alhta siyalomalhca, apquilvisay apquiltamilquiscama tingma apvanyam!

ISAÍAS 27:3

Coo sicvisay Visqui, sictomja sictamilquiscama najan siyictinquiscama as uva avjac acnim anco najan alhtaa, meltovacsejec sat mataa cotnaja ingmoc.

ISAÍAS 56:10

Mepqui apataoc apquilancam sicnatoscama, am colhenac apquilvalhoc lhama asoc. Apquilyitsomacpo simjing mepqui acpáyvam, mepqui apquiltamilquiscama. Apnatinquic mataa acyiplomo apquilvanmescama. Apnatinquic nasa.

ISAÍAS 62:6

Quellhip co Jerusalén, apquilanyacpec quellhip eltamilsic tingma netin mataymong tingma apjalhtam. Eltimjic sat mataa apquilanya: Noelvatsaoc sat apquilmalhnancama Visqui ingac,

JEREMÍAS 51:12

¡Elmiyasiclha netin asoc monquinatquiscama apquilimpocjay tingma Babilonia! ¡Elvascap sat quellhip guardia! ¡Eltamilquis sat quellhip centinela! ¡Elyilhacpojo quellhip singilpilhtetemo! — alhta apquiltomjac. Yitnec siclhoc alhta aclhanmaclha apvalhoc Dios, yavamlha etnejic nipyesicsa co Babilonia. Quilhvoc ningvita apyanmongsayclha apquiltemaclha maa.

JEREMÍAS 51:31

Apquilinyajamquic (apquinincamquic) apquilsoycam amyaa eltimnasquiclha apvisqui co Babilonia, aptomja aptovasomap tingma apvanyam.

1 CORINTIOS 15:14

Am alhta ancoc elhaticjangvocmoc Cristo, alhtoc alhta cotnejic ninlingascama tasic amyaa. Alhtoc najan cotnejic melyasquiyam quellhip.

1 CORINTIOS 3:7

Jave sicmovan ajanco sictomja siyanayclha. Jave najan apmopvan aptomja apyesquisaycaoc. Apvamlha Dios aptomja apquictinquiscama apvanquic aclhamoclhojo asoc.

GALATAS 4:11

Incacoc enquenyic cotnejic ayajemo sictamjaycam alhta nipyesicsa quellhip.

DEUTERONOMIO 8:18

Colyitnam apatic quellhip Dios Apyimtalhnamo, ayinyemayaclha apquilyimnatem quellhip. Aplhenquic nic nat mepqui apyeycajascaoc Dios napatavo apquilyeyjamcaa, actemaclha ningmiyovmalhca, apquilvitay quellhip as ningvamlha nac jay.

JOSUÉ 2:2

Innec nic nat altimnasquiclho amyaa apvisqui Jericó: Apquilvaac enlhitaoc Israel alhtaa lhcac, yoyam elyilhacpoc elanojoc yoclhilhma — nic nat intomjac amyaa.