RUT 4:6 - Enhlit Bible

⁶ Aplingac nic nat apmolhama apmamyi, aptomja apcanya: —Movanquejec omoc amyip. Yitnec coo amyip ajanco, casomcojoc sat actomja ajanco. Ima sat lhip as amyip. Ayinyema siclhanma coo: Booz apvisay apmolhama apmamyi, yoyam emoc as amyip — nic nat aptomjac.

RUT 4:6 Iomraidhean Croise

GÉNESIS 38:8

Aptomjac nic nat Judá apcanya apquitca Onán: —Ipatjetamcojo sat lhip apyamilhco actomja tampeyi quilhva. Incaymalhquic lhip etingyasquisic apquitquic apipma apquitsepma— nic nat aptomjac.

LEVÍTICO 25:25

Aptomjac sat ancoc mepqui asoc enlhit israelita. Apyinyovquic sat ancoc nicja amyip acyanmongam solyayem, apvanquic lhama apmolhama eyinyoc acyanmongam etajicsojoc mocjam nicja amyip.

DEUTERONOMIO 25:7

Am sat ancoc coyacmoc colyimjapiclha inyipyay, emiclha tampe quilhva. Cotingyac sat enlhit apquilvanyam apquilyicpilquemo, cotnejic sat canic tampe quilhva: Etanovquic coo eyipyay. Apquiltamjoc yoyam comascoc apvisay apanco apyalhing ninga nipyesicsa enlhitaoc Israel. Coyacmoc eyipyay jetnejic aptava.

DEUTERONOMIO 25:8

Ingyanyacpoc sat quilvana inyipyay evotac elpamejitsacpoc apquilvanyam apquilyicpilquemo. Am sat ancoc coyacmoc emiclha tampe quilhva.

DEUTERONOMIO 25:9

Incaymalhquic quilvana tampe quilhva coyoclhojo inyipyay napatavo apquilvanyam. Colcoc sat lhama zapato tiyayipejic inyipyay, cotnejic sat canic naysicsa ayilhpajay aymanong napaat: ¡Enlhit apmapsom nac lhip! Apmiyovquic lhip etingyasquisic apquitquic apyalhing ninga — sat cotnejic tampe quilhva.

RUT 2:20

Incatingmavoc nic nat Noemí: —Epasmoc sat Dios as enlhit. Aptomjac lhac singimlaycmo nincoo. Aptomjac alhta apquimlaycmo apquilmasquingvoyam. Aptomja nasoc anco ningmolhama, yoyam jingmeyvoc mataa — nic nat intomjac.

RUT 3:13

Colha siclho alhtaa nac jay. Ongvanic sat poc apmolhama, emyoc mataa lhiya, acno apcanyomap etnejic. Am sat ancoc coyacmoc poc, coo sat opasmoc lhiya, naysicsa siclhanma apvisay Dios. Cotyin siclho, colhaticja secaseclha — nic nat aptomjac Booz.

RUT 3:9

Aptomjac nic nat Booz: —¿So acvisay qui? — nic nat aptomjac. —Coo sicvisay Rut, sictimesaycam lhip. Sicmolhama nac lhip, yoyam jemyoc mataa coo. Altamjoc lhip jeyalacsic manto pac — nic nat intomjac.