RUT 4:13 - Enhlit Bible

¹³ Inquilyimjapquic nic nt Booz, aptimec aptava Rut. Intomjaclhec nic nat inlovso. Yiplovcoc nic nat aptiyam ayitca. Eycaso apyisponcama nic nat Dios.

RUT 4:13 Iomraidhean Croise

GÉNESIS 20:17

Apquilmalhnescasquic nic nat Abraham Dios yoyam etamilquiscomoc apvisqui. Aptamilaclhec nic nat apvisqui Abimelec najan aptava najan quilvanaa altimesaycam yoyam colvitac sat mocjam ayitquic.

GÉNESIS 25:21

Cotay ayitca ilhnic nat Rebeca. Apquilmalhnescasquic nic nat Isaac. Apjalhnoc nic nat Dios apquilmalhnancama. Inlovsoc nic nat intomjac Rebeca.

GÉNESIS 29:31

Apvitac nic nat Dios Apyimtalhnamo actemaclha coliclama apvalhoc Jacob aptava Lea. Aptimescasquic nic nat Dios acvitay ayitca Lea. Aptimescasquic nic nat cotay ayitca Raquel.

GÉNESIS 30:2

Aplovquic nic nat Jacob. Aptomjac nic nat apcanya aptava: —Jave nac coo Dios. Movanqueje coo otacsic ayitca— nic nat aptomjac.

GÉNESIS 33:5

Apvitac nic nat Esaú quilvanaa najan ayitquic. Aptomjac nic nat apcanya: —¿Jalhco alinyema as quilvanaa najan ayitquic?— nic nat aptomjac. Apcatingmavoc nic nat Jacob: —Lhip visqui ajac. Eycaso eyitquic selmescama alhta Dios— nic nat aptomjac.

SALMOS 113:9

Apmascosquic actomjaclha cotay ayitco quilvana. Cotniclhac sat mocjam nalava. Copayjiclhac sat avalhoc congne tingma ac. Innec ayaco Visqui ingac.

SALMOS 127:3

Intiyacmec mataa inquitquic, actomja singilmescama Visqui ingac.

RUT 3:11

Lhiya, nojeya nasa coo. Apquilyasamcoc apyovoclhojo tingma, actemaclha actamilaycam avalhoc lhiya. Omyoc sat mataa lhiya, acno siyanyomalhca otnejic.

RUT 4:12

Etac sat lhip aplhamoc apquitquic. Inquin sat quilhva aptava. Cotnejic sat apmescama Dios. Etac sat apquilmolhama, acno ilhnic nat apquilmolhama Fares, inquin nic nat Tamar, apyap nic nat Judá — nic nat apquiltomjac.

1 SAMUEL 1:27

Almalhnaquic alhta Dios jimquecsic as sictamongvoyam. Apjalhnoc alhta silmalhnancama.

1 SAMUEL 2:5

Apquiltomjaclhec apquiltimesaycam enlhit acma apquilnatam, coytic aptoycaoc. Mayic siclho alnapma enlhitaoc, yiplovcoc acyivey aptoycaoc. Quilvana cotay ayitca, cotimsic sat ayitquic acvaycmo siete. Quilvana nalava siclho, cotniclhac cotay ayitca.