RUT 2:4 - Enhlit Bible

⁴ Tingma Belén nic nat apquinyicta Booz. Appayvasquic nic nat enlhit apquiltimesaycam: —Epasmoc sat quellhip Dios Apyimtalhnamo — nic nat aptomjac. —Epasmoc sat lhip lha Dios Apyimtalhnamo — nic nat apquiltomjac apquilatingmavo.

RUT 2:4 Iomraidhean Croise

GÉNESIS 18:19

Acyacyesquic coo Abraham, yoyam elanic sat mataa apquitquic najan aptovana elilyejiclhojo siyanamaclha. Yoyam elyiplovcasojo actemaclha actamila najan actemaclha acpeyvomo. Yoyam elhcac sat Abraham aclhamoclhojo asoc siclhanma olmesic— nic nat intomjac apvalhoc.

GÉNESIS 28:3

Altamjoc coo epasmoc sat lhip Dios Apyimtalhnamo. Elhamascasiclhac sat lhip aptovana. Elhamiclhac sat lhip apquileyvam lhalhma anco.

1 CRÓNICAS 2:51

Salma aptomja apvisqui co Belén. Haref apvisqui nic nat co Bet-gader.

SALMOS 118:26

Ningilayo aptomja apquilhyam apsoyam apvisay Visqui ingac. Ningilayo quellhip, ayinyema Visqui ingac tingma pac apponquinomap.

SALMOS 134:3

Elpasmoc sat quellhip Visqui ingac, apna tingma Sión. Aptomja apquilantipquiscama nic nat netin najan nalhpop.

JEREMÍAS 31:23

Eycaso appayvam Dios Apyimtalhnamo nipyesicsa Israel. Aptomjac alhta apquilanya: Olmeyvoc sat mocjam apquilmolhama Judá. Elhnam sat mocjam apquilaoclha nano najan tingma apquilvanyam nano. Eltimjic sat mocjam enlhitaoc apquilpayvam: ¡Colhic sat mataa ayaco as inquilhe apanco Dios, aptomja appeyvomo apanco!

NÚMEROS 6:24

Epasmoc sat lhip Dios, emyovacpoc sat lhip.

SAN LUCAS 1:28

Aptalhningvocmo alhta ángel Dios apcasinancama acnaclha quilvana. Appayvasquic alhta: —Lhiya nac. Quilinyejemo nac anco lhiya. Aplhalhma aptomjac lhiya Visqui ingac. Apquimlaycmoc lhiya Dios Ingyapam, colhno innaymacoc —alhta aptomjac.

2 TESALONICENSES 3:16

Actamilaycam ingvalhoc ayinyema Visqui ingac. Ningiltamjoc nincoo yoyam ellhovac quellhip mataa actamilaycam apquilvalhoc najan aclhamoclhojo actemaclha. Ningiltamjoc yoyam epasmoc quellhip Visqui ingac.

1 TIMOTEO 6:2

Apquillhenacpec apquilviscaa apquiltomja Jesucristo apmolhama. Incaymalhquic apquilancam elavojo mataa apquilviscaa apancaoc. Ayinyemaclha apquiltomja malha apquilpipma. Dios najan aptomja apquilasicjayo. Incaymalhquic coyangvomoc apquiltamjaycam apquilancam yoyam colhic ayasicjavo. Eycaso illhicmos sat lhip najan iyascasingvom ingilyalhinga.

2 TIMOTEO 4:22

Altamjoc coo etnejic aplhalhma lhip Jesucristo Visqui ingac. Altamjoc yoyam epasmoc Dios Ingyapam aplhamoclhojo quellhip. Amén.

JOSUÉ 24:15

Am sat ancoc colyacmoc quellhip, elyasamcojo quilhvo nac jay, yavamlha eltimjic: ¿Naso ya eltimjic apquilayo quellhip quilaycmasquiscama, apquilmaycam nic nat apquilyeyjamcaa tap vatsam Éufrates? Inlhojo eyca laa, eltimjic apquilayo quellhip quilaycmasquiscama apancaoc amorreos, actomja apquilaoclha as yoclhilhma. Coo eyca najan apyovoclhojo sicmolhama, ontimjic mataa ningilayo Dios Apyimtalhnamo — nic nat aptomjac Josué.

JUECES 6:12

Pilapcasquic nic nat apvita ángel Dios apcasinancama, aptomja apcanya: —Apyimnatem apanco nac lhip. Aplhalhma lhip Dios Visqui ingac — nic nat aptomjac.

JUECES 6:16

Aptomjac nic nat Dios apcanya: —Otnejic sat siclhanma lhip. Elnapoc sat lhip madianitas apyovoclhojo. Malha apcajem lhip lhama enlhit sat cotnejic — nic nat aptomjac.

RUT 2:3

Inmiyaclhec nic nat Rut ayimjaclha cebada, apquiltamjaycamcaclha enlhit. Incansaclhec nic nat acyilhna acpaliyam nalhpop, apquilsovjomo apquilyatemenma. Inyasingvocmec nic nat Rut actomja amyip apanco Booz, apmolhama ilhnic nat inyipyata ninga.

RUT 2:5

Aptomjac nic nat Booz apcanya apquilancam apquiltimesaycam: —¿Soc enlhit acmolhama as quilvana ayitcoc? — nic nat aptomjac.

RUT 4:11

Apquilatingmavoc nic nat apnaycamó lhama: —Eje, ningvitac lhac nincoo. Epasmoc sat mataa Dios. Lhip tingma pac colhic sat quilvana. Colhojoc sat ningilyeyjamcaa Raquel najan Lea. Appintalhnama atovana natamin israelitas. Lhip Booz, itne sat apyimtalhnamo najan appeyvomo tingma Efrata, moc ningiltimem Belén.

1 SAMUEL 17:37

Aptomjac nic nat mocjam David apcanya: —Dios aptomja semasma naysicsa silnapomalhca alhta yamacmeyva najan oso aso navjac aclom. Jemyoc sat najan naysicsa silnapomalhca enlhit filisteo apvinatem — nic nat aptomjac. Apcatingmavoc nic nat Saúl: —Ingva, ilhing. Aplhalhma sat etnejic lhip Dios — nic nat aptomjac.