RUT 2:20 - Enhlit Bible

²⁰ Incatingmavoc nic nat Noemí: —Epasmoc sat Dios as enlhit. Aptomjac lhac singimlaycmo nincoo. Aptomjac alhta apquimlaycmo apquilmasquingvoyam. Aptomja nasoc anco ningmolhama, yoyam jingmeyvoc mataa — nic nat intomjac.

RUT 2:20 Iomraidhean Croise

2 SAMUEL 2:5

Apquilapajasquic nic nat David soycam amyaa, eliltimnacsic appayvam: Epasmoc sat quellhip Dios ayinyema apquilatoynma alhta quellhip Saúl apmatnam.

2 SAMUEL 9:1

Aptomjac nic nat David apquilmalhnaycam: —¿Apne ya mocjam lhama apcaymomap apquilmolhama niptamin Saúl? Altamjoc ongvimlimojoc apcaymomap, ayinyemaclha sictimem emoc alhta Jonatán — nic nat aptomjac.

JOB 19:25

Acyasamcoc coo, apjalhnancoc semasma coo, aptomja semasma as nalhpop.

PROVERBIOS 17:17

Enlhit aptomja singamliyam mataa apvisay ingmoc. Naysicsa ninlingaycamco acyimtalhnama, eltamjacpoc sat apvisay ingyipma.

LEVÍTICO 25:25

Aptomjac sat ancoc mepqui asoc enlhit israelita. Apyinyovquic sat ancoc nicja amyip acyanmongam solyayem, apvanquic lhama apmolhama eyinyoc acyanmongam etajicsojoc mocjam nicja amyip.

FILIPENSES 4:10

Avanjec alhta acpayjayclha evalhoc selapajasquiscama asoc selmescama quellhip. Apquililtamjo inyicje mataa quellhip jelapajasquisic selmescama. Am eyca colapvancaac.

RUT 2:21

Intomjac nic nat Rut ayanya: —Aptomjac lhac seyanya opalhavomoc enlhit apquiltimesaycam. Acvaycmo ninsovjomo ningyatemenma acyilhna — nic nat intomjac.

RUT 3:12

Naso, sicmolhama nac lhiya. Apnec maa poc, apvisay apmolhama lhiya.

RUT 4:14

Yitnec nic nat alpayvam quilvanaa alanya Noemí: —Innec ayaco Dios. Apmescama lhiya atavin, etnejic aptamilquiscama lhiya. Etnejic sat apyimtalhnamo nipyesicsa co Israel.

RUT 4:4

Apvanquic lhip emoc as amyip. Ayinyema alhta apmolhama lhip Elimelec. Ilhen sat actomja nasoc anco napatavo apquilvitaycamco najan napatavo mayayo apquilvanyam. Am sat ancoc emac lhip, coo sat omoc. Ayinyema alhta coo lha sicvisay sicmolhama Elimelec apmasquingvoyam — nic nat aptomjac Booz. Apcatingmavoc nic nat apmolhama apmamyi: —Omoc sat amyip coo — nic nat aptomjac.

RUT 4:6

Aplingac nic nat apmolhama apmamyi, aptomja apcanya: —Movanquejec omoc amyip. Yitnec coo amyip ajanco, casomcojoc sat actomja ajanco. Ima sat lhip as amyip. Ayinyema siclhanma coo: Booz apvisay apmolhama apmamyi, yoyam emoc as amyip — nic nat aptomjac.