RUT 2:13 - Enhlit Bible

¹³ Incatingmavoc nic nat Rut: —Aptasi nac lhip. Payjeclhec evalhoc coo siclhinga lhip appayvam. Inquiltasic anco quilvanaa altimesaycam, molhno coo — nic nat intomjac.

RUT 2:13 Iomraidhean Croise

GÉNESIS 32:6

Apquiltimnasquic nic nat amyaa. Aptajavoc nic nat mocjam apquilsovm amyaa apnaclha Jacob. Apquiltomjac nic nat apquilanya: —Ningilvoclhec nincoo apnaclha lhip apipma Esaú. Aplhingacmec lhac yoyam elamyilham lhip. Apquitlhalhmaa 400 enlhitaoc— nic nat apquiltomjac.

GÉNESIS 33:10

Apcatingmavoc nic nat Jacob: —Ilma sat apanco asoc sicmescama lhip. Actamilaycam apvalhoc innac lhip. Acvitac coo lhip napaat, malha actomja Dios napaat. Intasic anco aptomja lhip semam tacja coo.

GÉNESIS 33:15

Aptomjac nic nat Esaú apcanya: —Tasi. ¿Apquiltamjo ya lhquip elpasmoc siclho napocja enlhit ajancaoc?— nic nat aptomjac. Apcatingmavoc nic nat Jacob: —Lhip visqui ajac. Am oltamjoc jelpasmoc enlhit— nic nat aptomjac.

GÉNESIS 33:8

Aptomjac nic nat Esaú apcanya Jacob: —¿Jalhco sat etnejic apnatoscama sictajanyaa lhac coo?— nic nat aptomjac. Apcatingmavoc nic nat Jacob: —Lhip visqui ajac. Altamjoc lhip coytic actamilaycam apvalhoc— nic nat aptomjac.

GÉNESIS 34:3

Avanjec nic nat acliclamo apvalhoc quilvana ayitcoc. Apquilinlhanacmec nic nat appamejitquiscama quilvana ayitcoc.

GÉNESIS 43:14

Dios Apyimtalhnamo sat epasmoc quellhip yoyam colhic ayasicjavo quellhip napato apvisqui. Yoyam melmiyovacpejec sat elquilhyemoc apquilpipma Simeón najan apquilyalhing Benjamín. Am sat ancoc elvoctac eyitquic, cotamalvomejec sat mataa evalhoc. Ayinyemaclha mepqui eyitquic sat jetnejic— nic nat aptomjac.

2 SAMUEL 16:4

Apcatingmavoc nic nat apvisqui David: —Itne sat lhip apanco acyovoclhojo apquilnatam Mefi-boset — nic nat aptomjac David. Apjalhec nic nat Siba, acticlhicvocmo nalhpop payjaclha napaat, aptomja apcanya: —Visqui ajac, aptasi nac lhip seyimlayquiclho coo — nic nat aptomjac.

PROVERBIOS 15:33

Ongilyasingvomoc sat actemaclha ningyascamco, acyitna inlhojo ningayo Dios. Colhic sat singaco, acyitna inlhojo conjamalhca ingilvalhoc.

OSEAS 2:16

Cotnejic sat jeyanic: Lhip etava coo. Comascoc sat seltemo: Visqui coo Baal — alhta intomjac. Eycaso sicpayvam sicvisay Dios Visqui apancaoc Israel.

FILIPENSES 2:3

Elvatsaoc sat apquiltemaclha apquilatingmomap najan apquilyimtalhnesomacpo apanco. Eltimesquis sat mataa apyimtalhnamo poc.

JUECES 19:3

Appecjam nic nat levita esovjam quilvana acyamasma, eyantamenta sat mocjam. Apcanyacpec nic apquilancam etnejic aplhalhma, enaliclha anit apnatoscama yamelyeyjaycoc. Invitac nic nat quilvana apvactama atava. Inmec nic nat tacja inyap tingma pac.

RUT 2:12

Epasmoc sat lhiya Dios Apyimtalhnamo, etnejic apasma lhiya, ayinyema ayayo mataa lhiya. Colhcac sat lhiya acyanmongam, ayinyema Dios Apyimtalhnamo, apvita inlhojo actemaclha actamila alhta lhiya — nic nat aptomjac.

RUT 2:14

Apcaneclhec nic nat yoyam eltovamcoc. Aptomjac nic nat Booz apcanya Rut: —Colhing, jingiltasomoc sat nincoo. Cotov pan acyiplomo ayingmenic — nic nat aptomjac. Innaclhec nic nat Rut apnaycamcaclha enlhit apquiltimesaycam. Apcamquic nic nat Booz actic macyilhnayam. Intovquic nic nat Rut mepqui acsovjomo. Intamilcasquic nic nat actic ayaymomalhca.

1 SAMUEL 1:18

Impayvasquic nic nat siclho Ana, cotajiclhac mocjam. Intajavoc nic nat ayinyemayaclha Ana. Intovquic nic nat actom. Inmasquec nic nat acmayovsa avalhoc.

1 SAMUEL 25:41

Injalhec nic nat Abigail acticlhicvocmo nalhpop payjaclha naat. Intomjac nic nat ayatingmavo: —Silancam coo mepqui sicyimtalhnamo. Apquiltamjoc sat ancoc David, evanquic olcoc yingmin apmancaoc apquiltimesaycam — nic nat intomjac.