RUT 2:12 - Enhlit Bible

¹² Epasmoc sat lhiya Dios Apyimtalhnamo, etnejic apasma lhiya, ayinyema ayayo mataa lhiya. Colhcac sat lhiya acyanmongam, ayinyema Dios Apyimtalhnamo, apvita inlhojo actemaclha actamila alhta lhiya — nic nat aptomjac.

RUT 2:12 Iomraidhean Croise

SALMOS 17:8

Jetamilquis mataa coo, malha ningiltamilquiscama ingatic. Jeyane sat oyilhanmoc apnaclha lhip malha coning aplhimpancoc.

SALMOS 19:11

Coo sictomja silancam lhip. Lhip appayvam actomja seyascasingvoyam. Ningvitac mataa acyanmongam ningiltomja ningyiplovquiscama.

SALMOS 36:7

Lhip aptemaclha singasicjayo. Sas anco, am colhno lhalhma anco. Lhip aptomja singyilhanmeycam, malha coning aplhimpancoc.

SALMOS 57:1

Lhip o Dios, jeyasicjiclhojo sat mocjam. Jemyov coo. Acyilhanmam coo mataa lhip. Oyilhanmoc sat apnaclha lhip, malha coning aplhimpancoc. Oyilhanmoc sat acvocmo seyeycajay asoc yoyam jetvacsic.

SALMOS 58:11

Onlingac sat amyaa: —Ongillhocac sat acyanmongam ningilvisay ningilpeyvomo — sat cotnejic amyaa. Naso, Dios Visqui ingac aptomja apyicpilquemo appeyvomo as nalhpop.

SALMOS 61:4

Altamjo inyicje olhic mataa lhip tingma pac apponquinomap. Jemyoc sat mataa lhip. Malha sicyilhanmeycam coning aplhimpancoc.

SALMOS 63:7

Lhip aptomja mataa sepasmom. Ayitsovasoc mataa napatoc lhip, malha coning aplhimpancoc.

SALMOS 91:4

Apyilhanmomaclha sat etnejic. Mengyacyejec sat lhip coning aplhimpancoc. Malha apcajapsomap sat cotnejic ayinyema actomja nasoc anco.

PROVERBIOS 11:18

Ongilyinimsalhcac sat ningillhoy acyanmongam, acyitna inlhojo acmasom ingvalhoc. Ongillhocac sat actamila acyanmonga, ningyiplovquisa inlhojo nintemaclha acpeyvomo.

PROVERBIOS 23:18

Emyovacpoc sat lhip, aptomja inlhojo apcayo Dios. Comasquejec mataa lhip aptemaclha meyasquiyam Dios.

JEREMÍAS 31:16

Aptomjac Visqui ingac apcanya: Lhiya Raquél, noncoveyin nasa lhiya. Jave alhta acvanimquiscama ayitquic lhiya, elvotac sat mocjam ayitquic apquilmomap nipyesicsa cotnaja ingmoc. Eycaso sicpayvam sicvisay Visqui — alhta aptomjac.

SAN MATEO 23:37

‘¡Co Jerusalén layi, co Jerusalén layi! Innamquic apquilnapma quellhip, apquilajac profetas Dios apquillingascama. Apquilyicnacpec mataymong soycam amyaa Dios apquilnancascama. Altamjoc alhta inyicje mataa ongvansiclhac quellhip co Jerusalén. Malha inyicje tataa ayansayclha ayitcaoc coning alhimpancoc. Am alhta eyca colyavocmoc quellhip.

SAN MATEO 5:12

Elitsovacsojo quellhip, colpayjiclha sat apquilvalhoc. Coyangvomoc sat quellhip acyanmongam netin. Innoc actema ilhnic nat malminlhinaycam profetas Dios apquillingascama apquilictingam apmamyi —alhta aptomjac Jesús.

SAN MATEO 6:1

‘Eltamilsojo quellhip. Elyiplovcasojo apquiltamjaycamcaclha altamila. Apquillhicmosquic sat ancoc mataa nipyesicsa enlhitaoc, melmecsejec sat acyanmongam Ingyapam apna netin.

SAN LUCAS 6:35

Nincoo eyca, pac ongilasicjojo cotnaja ingmoc. Pac ongimlimojo najan ongmesic asoc inganco apmaycaoc poc enlhit. Colhenejec sat ingvalhoc acyanmongayclha. Avanjec sat cotnejic acyanmongam netin. Ontimjic sat nincoo Dios Ingyapam netin apquitquic. Apquimlaycmojo mataa enlhit colhanma apquilvalhoc najan apquilmapsomcaa.

COLOSENSES 2:18

Innec alhta ayaco Visqui ingac apyimnatem. Apquilposquic mataa actemaclha apquilyimtalhnesomacpo apanco as enlhitaoc. Eyca apquilyiplovcasquic mataa apquiltemaclha apancaoc. Apquiltamjoc mataa as enlhitaoc yoyam elpayicsojo quellhip ángeles. Apquilanayquic mataa colvitac apquilvanmoncama asoc mongvitay nincoo. Inquilquitamquic mataa apquilvalhoc apquiltemaclha apancaoc naysicsa alajamalhco apquilvalhoc as enlhitaoc.

2 TIMOTEO 1:18

Altamjoc coo yoyam elimliclhojo Visqui ingac napato Dios actamongvomlha nelha acnim. Ingilpasmec nincoo mataa tingma Efeso ingyalhing Onesíforo. Apyasamcoc lhip lha aptemaclha alhta ingyalhing.

2 TIMOTEO 4:8

Inpensalhquic acyanmongam yoyam olhcac sat acvisay actemaclha acpeyvomo ayinyema Dios. Jimquesic sat Visqui ingac acvocmo sat acnim. Visqui ingac aptomja singyicpilquemo appeyvomo. Jave sicvamlha coo yoyam olhcac acyanmongam. Ellhovac sat najan aplhamoclhojo apquiltomja apquiljalhanma apvoyctamlha naysicsa acpayjayclha apquilvalhoc.

HEBREOS 11:26

Apquiltamjoc nic nat Moisés elngamcojo apquilasmescama enlhitaoc aplhenamap Cristo, actomja malha acyiviy anco ningilnatam, am colhno acyovoclhojo apquilnatam acnaycaoc yoclhilhma Egipto. Ayinyemaclha inlhenquic nic nat apvalhoc Moisés Dios apmescama yoyam covac sat.

HEBREOS 11:6

Am sat ancoc coyitnac mongyasquiyam, mongvityejec sat yoyam jingyispac Dios. Ningiltamjoc sat ancoc ongilyoclhojo Dios, incaymalhquic colhic mongyasquiyam Dios apna netin, aptomja apyanmonquiscama mataa actemaclha ningilquitamsama Dios.

HEBREOS 6:10

Dios aptomja appeyvomo. Colvonquemejec mataa Dios apquiltemaclha alhta quellhip apquilasicjayo najan apquilpasmom ingilyalhinga ayinyema apvisay apanco. Najan actemaclha apquilpasmom ingilyalhinga quellhip quilhvo nac jay.

RUT 1:16

Incatingmavoc nic nat Rut: —Nojeyane nasa oyinyoc lhiya. Otnejic siclhalhma lhiya. Lhiya tingma ac, otnejic sat coo lha sicmaclha. Lhiya anaymacoc, otnejic sat coo lha enaymacoc. Lhiya ayayo Dios Apyimtalhnamo, otnejic sat coo lha siyayo.

RUT 2:11

Apcatingmavoc nic nat Booz: —Acyasamcoc coo actemaclha acpasmom lhiya inyipyamong, niptamin atava ninga. Inyinyovquic alhta lhiya inyap najan inquin. Inyinyovquic alhta ayaoclha, yoyam copalhavota nincoo, mongiltomja nintemolhama lhiya.

RUT 2:13

Incatingmavoc nic nat Rut: —Aptasi nac lhip. Payjeclhec evalhoc coo siclhinga lhip appayvam. Inquiltasic anco quilvanaa altimesaycam, molhno coo — nic nat intomjac.

RUT 4:15

Epasmoc najan etamilsic mataa lhiya actomjaclha acvanyam. Atapa ayitca nac lha. Avanjec mataa ayasicjayo atapa. Malha acmamnave anco, am elhno siete ayitquic — nic nat inquiltomjac quilvanaa.

1 SAMUEL 24:19

Paj mataa lhama enlhit aptomja apmasma cotnaja ingmoc. Elhcac sat lhip acyivey acyanmongam ayinyema Dios, aptomja lhip semasma as acnim nac jay.

1 SAMUEL 24:20

Acyasamcoc coo, lhip sat etnejic visqui rey apyimtalhnamo. Cotamiliclhac sat apquileyvam enlhitaoc lhalhma anco.