RUT 1:16 - Enhlit Bible

¹⁶ Incatingmavoc nic nat Rut: —Nojeyane nasa oyinyoc lhiya. Otnejic siclhalhma lhiya. Lhiya tingma ac, otnejic sat coo lha sicmaclha. Lhiya anaymacoc, otnejic sat coo lha enaymacoc. Lhiya ayayo Dios Apyimtalhnamo, otnejic sat coo lha siyayo.

RUT 1:16 Iomraidhean Croise

2 SAMUEL 15:21

Apcatingmavoc nic nat Itai: —Olhenic sat napato Dios najan napato lhip, mepqui sicyeycajascaoc: Sicvisay silancam lhip. Moyinyovejec sat mataa lhip visqui ingac acvaycmo sicmatnam — nic nat aptomjac Itai.

SALMOS 45:10

Lhiya eyitca. Caylhojo sicpayvam: —Colvonquim sat anaymacoc najan acmolhama.

PROVERBIOS 17:17

Enlhit aptomja singamliyam mataa apvisay ingmoc. Naysicsa ninlingaycamco acyimtalhnama, eltamjacpoc sat apvisay ingyipma.

ISAÍAS 14:1

Naso, ingyasicjiclhojoc sat mocjam apquilmolhama Israel Visqui ingac. Eltimjic sat mocjam israelitas Dios apquilyacyescama, eltajiclhac sat mocjam apquilaoclha. Elpalhavomoc sat metnaja israelitas nipyesicsa enlhitaoc Israel.

DANIEL 2:47

Aptomjac nic nat apvisqui rey apcanya Daniel: —Naso, apyimtalhnamo apanco Dios Apvisqui apancaoc quellhip, am elhno poc dioses mayayo. Aptomja Apvisqui Apyimtalhnamo nipyesicsa poc apquilviscaa. Apvanquic jingilyascasingvomoc asoc acyilhamalhca, lhip lhac appeyvescasquiclha — nic nat aptomjac apvisqui.

DANIEL 3:29

Actomjac coo silanya quellhip: Noelvennam nasa Dios Visqui apancaoc as apquilyimnanic. Ematong sat aptomjac apvenneycam Dios, etvasacpoc sat tingma pac, aptomja ingmoc, aptomja metnaja nintemó lhama, aptomja cotnaja nimpayvomó lhama. Mepqui poc Dios apmopvan jingilvomsic tap, acno ningvitay lhac — nic nat aptomjac apvisqui.

DANIEL 4:37

Coo sicvisay Nabucodonosor. Actimec coo siyayo Dios apna netin, apvisay Mayayo najan Apyimtalhnamo. Aptomja appeyvomo najan nasoc anco aptemaclha. Apvanquic eyinyovsic (elvatesquisic) apquiltemaclha apancaoc enlhit apquilyimtalhnamo.

OSEAS 13:4

Aptomjac alhta Dios Apyimtalhnamo: Coo sicvisay Dios Visqui apancaoc, siclhoc nat ayenmo apquilyamasma quellhip yoclhilhma Egipto. Sicvamlha coo, mepqui poc Dios. Sicvamlha coo sicvomquiscama tap quellhip, paj poc.

ZACARÍAS 8:23

Eltimjic sat apquillhalhmaa diez metnaja judíos elpatjetic apcalomap lhama judío apanco, eltimjic elanic: Ningillhalhma nincoo lha, ontingyac sat quellhip Dios Visqui apancaoc aptomja apquilmasma, alhta intomjac ninlingay — sat eltimjic maa — nic nat aptomjac profeta.

SAN MATEO 8:19

Yejemoc alhta apvaa lhama apyascamco apquiltemaclha. Aptomjac alhta apcanya: —Singillhicmoscama, pac oyiplovjoc lhip mataa apyasaclha —alhta aptomjac.

SAN JUAN 13:37

Aptomjac alhta Pedro apcanya Jesús: —Visqui, ¿soctomja movanco nac oyiplaclha lhip quilhvo nac jay? Oyinyoc sat coo sicyimnatem acyanmongam lhip —alhta aptomjac.

LOS HECHOS 21:13

Yejemoc alhta apcatingmavo Pablo: —¿Soctomja selinlhacmo nac? ¿Soctomja apyitnocjasa nac evalhoc? Tasic coo, yoyam olpilhquetalhca najan omatong tingma Jerusalén ayinyema apvisay Jesús Visqui ingac —alhta aptomjac.

1 TESALONICENSES 1:9

Ningillhenalhquic nincoo nipyesicsa enlhitaoc maa actemaclha alhta singilmam tacja quellhip. Inlhenalhquic actemaclha apquilhaycaoc quellhip quilaycmasquiscama apquilyitquiscama Dios. Najan actemaclha apquilyanmonquiscama apquilvalhoc quellhip yoyam elanam Dios aptomja apquilmilaneycaoc najan aptomja nasoc anco.

JOSUÉ 24:18

Apquilantipsacpec alhta apyovoclhojo cotnaja ingmoc singilinmelhaycam nalhit amay. Najan maa amorreos, actomja apquilaoclha. Ontimjic sat mataa ningilayo Dios Apyimtalhnamo. Ongiltimesam apvamlha pac lhama, apvisay Dios Apyimtalhnamo — nic nat apquiltomjac.

EL APOCALIPSIS 14:4

Am alhta elanoc quilvana as enlhitaoc, paj najan apquilyipitcaycam quilvana. Malha mepqui apnatamcaa as enlhitaoc. Apquilyiplaclhec mataa apyasaclha Nipquesic Apquitcoc. Apyinyovquic alhta acyanmongam Dios yoyam elvomsacpoc tap as enlhitaoc. Malha asoc amamyi macmescama Dios najan macmescama Nipquesic Apquitcoc alhta as enlhitaoc.

RUT 1:15

Intomjac nic nat Noemí ayanya: —Colanojo lhiya inyamilhco Orfa. Impecjam cotajiclha inquin tingma ac. Cotnejic sat ayayo quilaycmasquiscama acyitsomalhca dios. Cotne sat aclhalhma lhiya — nic nat intomjac inyipyamong.

RUT 1:17

Lhiya ayitsepmaclha otnejic sat coo lha siyatoynamaclhca, sicvocmo inlhojo nelha acnim. Apvanquic Dios Apyimtalhnamo eyanmongsiclha sictemaclha coo, apvita inlhojo sicyamasma lhiya, mongvitsepmaclha mocjam coo.

RUT 2:6

Apcatingmavoc nic nat: —Co Moab as quilvana ayitcoc, aclhalhma alhta Noemí.

RUT 4:15

Epasmoc najan etamilsic mataa lhiya actomjaclha acvanyam. Atapa ayitca nac lha. Avanjec mataa ayasicjayo atapa. Malha acmamnave anco, am elhno siete ayitquic — nic nat inquiltomjac quilvanaa.