PROVERBIOS 7:1 - Enhlit Bible

¹ Lhip sictamongvoyam, ingyeylhojo sicpayvam comoc sat apvalhoc siltamescama.

PROVERBIOS 7:1 Iomraidhean Croise

JOB 22:22

Coma sat apvalhoc Dios appayvam, iyiplovcasojo sat singanamaclha actamila.

PROVERBIOS 1:8

Lhip sictamongvoyam: Ingyeylhojo mataa apyap appayvam najan inquin acpayvam, yoyam eltamsacpoc lhip.

PROVERBIOS 10:14

Mepqui mataa ningyimtalhnesomalhco inganco, ayinyema acyascamco ingvalhoc. Ninlingaycamco acmasom ayinyema ningilyataycam acyeyjamelhma ingvalhoc.

PROVERBIOS 3:1

Lhip sictamongvoyam: Iyiplovcasojo mataa actemaclha singiltamsoycaoc. Coyit mataa apvalhoc siyanamaclha coo.

PROVERBIOS 4:21

Coma sat apvalhoc sicpayvam. Noyinyov nasa, noncolvonquim nasa sicpayvam.

PROVERBIOS 5:5

Ongitsapoc ningyiplaclho inlhojo as quilvana, ongatoynalhcac sat malhic.

PROVERBIOS 6:20

Lhip sictamongvoyam: Iyiplovcasojo mataa actemaclha singiltamsoycaoc. Coyit mataa apvalhoc siyanamaclha coo.

PROVERBIOS 6:35

Comasquejec mataa aplom pac enlhit, apvita inlhojo apmescama nasa asoc, ayinyema enlhit apsilhnanomap apanco, apyoyam quilvana cotnaja aptava.

SAN LUCAS 11:28

Apcatingmavoc alhta Jesús: —Apquilinyejemoc anco apquiltomja apquiljalhenmo najan apquilyiplovquiscama Dios appayvam —alhta aptomjac.

SAN LUCAS 8:15

Poc enlhit eyca acyitsomalhco mayinayclha actic actamila lhopactic. Apquillingac ancoc amyaa, yejemoc almam apquilvalhoc. Inlhamaclhec anco apyilhna enlhit actemaclha apquilinlhanyam —alhta aptomjac Jesús.

SAN JUAN 14:23

Apcatingmavoc alhta Jesús: —Eyasicjavoc sat ancoc enlhit, eyiplovcasojoc sat sicpayvam. Ingyasicjojoc sat coo Tata. Ongnam sat lhama as enlhit, coo Tata najan coo.

SAN JUAN 15:20

Collhen apquilvalhoc (colyit apatic) quellhip sictomjaclha alhta silanya: “Apyimtalhnamo nac apvisqui, am elhno apquilancam.” Actovasalhquic alhta coo, elnatovasacpoc sat quellhip lha nipyesicsa enlhit lhalhma anco. Apquilyiplovcasquic alhta enlhit coo sicpayvam, colhic sat acyiplovcaso actemaclha apquilpayvam quellhip.

DEUTERONOMIO 11:28

Apquillingaycamco acyimtalhnama quellhip, conyemac sat apquilayo quellhip quilaycmasquiscama acyitsomalhca dios. Conyemac sat mepqui apquilyajayquiclho najan mepqui apquilyiplovquiscama singanamaclha Dios, siltimnascama quellhip as acnim nac jay.

EL APOCALIPSIS 1:3

Apquilinyejemoc enlhit apquilyipsatem aptomja aplingascama as appayvam. Apquilinyejemoc enlhitaoc apquiltomja apquiljalhenmo najan apquilyiplovquiscama actemaclha singillhicmoscama as appayvam. Ayinyemaclha incamquitvaac actamongvomlha nelha aclhanmaclha appayvam.

EL APOCALIPSIS 22:9

Aptomjac alhta ángel seyanya coo: —Notne nasa. Coo najan sictimem silancamo lhama lhip najan sictimem silancam lhip apquilyalhinga najan silancam profetas Dios apquillingascama najan silancam apquiltomja apquilyiplovquiscama Dios appayvam acnatalhesomalhca as vaycajac. Ipayicsojo sat Dios —alhta aptomjac.