PROVERBIOS 5:2 - Enhlit Bible

² Comoc sat lhip apvalhoc actemaclha ningyascamco, apmopvan eyascasingvomoc mataa poc.

PROVERBIOS 5:2 Iomraidhean Croise

SALMOS 119:13

Evanqui inyicje olhenic aclhamoclhojo singanamaclha ayinyema lhip.

SALMOS 45:2

Aptamila apanco lhip, am elhno poc nipyesicsa ingnaymacoc. Inyispalhquic mataa lhip appayvam. Mayayo nac lhip ayinyema Dios Visqui ingac cotningvoyam nelha.

SALMOS 71:15

Pac olhenic mataa lhip aptemaclha appeyvomo. Najan aptomja singvomquiscama tap acyovoclhojo acnim. Movanquejec coo osavojoc oyasingvomoc.

PROVERBIOS 10:21

Ingvalhoc acpeyvomo copayesiclhac sat apquilvalhoc ingnaymacoc. Ingvalhoc acyeyjamelhma jingajic sat, yoyam ongitsapoc.

PROVERBIOS 15:2

Cotnejic sat ningilyataycam actamila, ayinyema actemaclha ingvalhoc acyascamco. Najan ningilyataycam acmasom, ayinyema actemaclha ingvalhoc acyeyjamelhma.

PROVERBIOS 15:7

Ningilyascasingvocmec mataa ningyascamco, ayinyema ingvalhoc acyascamco. Mepqui mataa ningyascasingvoyam ingmoc, acyitna inlhojo acyeyjamelhma ingvalhoc.

PROVERBIOS 16:23

Altamila mataa ningilyataycam, ayinyema acyascamco ingilvalhoc. Colmoc sat apquilvalhoc ingnaymacoc actemaclha ningiltimnascama.

PROVERBIOS 20:15

Ningvitac mataa cascama oro alyinmom najan mataymong acmamnave. Asilhtec mataa ningvitay enlhit apyascamco, aptomja apquilyataycam.

PROVERBIOS 3:21

Lhip sictamongvoyam, coyit sat mataa acyascamco apvalhoc, itne sat mataa apyascamco.

LOS CANTARES 4:11

Lhiya sicponcanma, malha yamyovjene actomja atong lhiya. ¡Malha yamyovjene najan leche avalhoc lhiya coning alhcoc! ¡Malha acpaniyam ayinyema Líbano, actomja acpaniyam ayinyema apava alantalhnama lhiya!