PROVERBIOS 4:4 - Enhlit Bible

⁴ Aptomjac alhta tata seyanya coo: Lhip, coma sat apvalhoc sicpayvam, iyiplovquis sat mataa siyanamaclha, colhic sat lhip acyimnatem apnenyic.

PROVERBIOS 4:4 Iomraidhean Croise

GÉNESIS 18:19

Acyacyesquic coo Abraham, yoyam elanic sat mataa apquitquic najan aptovana elilyejiclhojo siyanamaclha. Yoyam elyiplovcasojo actemaclha actamila najan actemaclha acpeyvomo. Yoyam elhcac sat Abraham aclhamoclhojo asoc siclhanma olmesic— nic nat intomjac apvalhoc.

1 CRÓNICAS 28:9

Lhip sictamongvoyam Salomón, iyasingvom sat lhip aptemaclha Dios Visqui ingac. Iltimesam sat lhip mataa ayinyema actamilaycam apvalhoc. Apyipconquic mataa Dios, apyasamcoc mataa actemaclha alquitamsama ingilvalhoc. Aptingyac sat ancoc lhip Dios, etacpoc sat. Apyinyovquic sat ancoc lhip Dios singmasma, eyinyovacpoc sat lhip cotmongvoycamlha nelha.

SALMOS 119:11

Yitnec acmam evalhoc lhip appayvam, yoyam mosilhnanalhquejec napato lhip.

SALMOS 119:144

Impeyvoc mataa lhip appayvam singanama. Jeyascasingvom sat lhip, yoyam coytic acyimnatem enquenyic.

SALMOS 119:168

Alyajaclhoc coo mataa lhip apcanamaclha najan apcascamaclha. Apyasamcoc lhip sictemaclha coo najan evalhoc coo.

PROVERBIOS 22:6

Pac ongiltamsamcoc inquitquic apquitcavoc najan ayitcavoc, colmiyovalhcac sat alyiplovquisa nintemaclha actamila.

PROVERBIOS 23:26

Lhip sictamongvoyam: Ingyeylhojo mataa sicpayvam, jelanojo coo, ivjanaoc sictemaclha coo.

PROVERBIOS 3:1

Lhip sictamongvoyam: Iyiplovcasojo mataa actemaclha singiltamsoycaoc. Coyit mataa apvalhoc siyanamaclha coo.

PROVERBIOS 3:2

Lhip sictamongvoyam: Etyisam sat lhip acvoncaclhojo aclhamoclhojo años, acyiplomo actamilaycam lhip apvalhoc.

PROVERBIOS 7:2

Iyiplovcasojo sat mataa siyanamaclha najan siltamescama, colhojoc sat lhip aptamilquiscama apataoc, etyisam sat acvoncaclhojo.

ISAÍAS 55:3

Appaycaoc innac quellhip. Jelyota, elaylhojo sicpayvam yoyam coytic acyimnatem apnenyaoc. Ongillanac sat asoc monquinatquiscama sicmayjayoclha cotmongvoycamlha nelha. Opalhaquiscaclhac sat quellhip David apmolhama niptamin.

JEREMÍAS 38:20

Apcatingmavoc nic nat profeta Jeremías: —Lhip apvisqui rey. Memacpejec sat lhip nipyesicsa judíos. Ingyeylhojo sat appayvam ayinyema Dios siltimnascama quilhvo nac jay. Emyovacpoc sat lhip mepqui ayasquiscama apyimpejic.

SAN JUAN 12:50

Acyasamcoc coo apcanamaclha coo Tata. Apquiltemoc cotmongvomeje nelha acyimnatem ingnenyic. Acyiplovcasquic coo quilhvo siltimnaycam nac aso, actemaclha seyanama coo Tata, yoyam otnejic —alhta aptomjac.

EFESIOS 6:4

Quellhip apquilyapmayc. Noellovquis nasa apquitquic. Elvanimquis najan eltamsaoc yoyam melyascamejec Visqui ingac.

DEUTERONOMIO 4:9

Eltamilsojo quellhip, noncolvonquim nasa asoc apquilvitay quellhip. Noelvatsaoc nasa apquilyiplovquiscama acmam apquilvalhoc quellhip. Elyascasingvom sat apquitquic quellhip najan aptovana quellhip — nic nat aptomjac Moisés.

DEUTERONOMIO 6:6

Colma sat apquilvalhoc aclhamoclhojo siltimnascama lhac quellhip.

2 TIMOTEO 1:5

Acyasingvoclhoc najan acyitna lhip meyasquiyam actomja nasoc anco. Innoc actemaclha alhta coyasquiyam apyama nasa acvisay Loida najan inquin alhta acvisay Eunice. Acyasamcoc coo acyitna lhip lha alhnancoc meyasquiyam.

2 TIMOTEO 3:15

Apyasamcoc lhip tasic amyaa ayenmo aptemaclha apquitcoc. Eycaso actomja acyascasingvoyam lhip actemaclha ningilvomsomalhca tap ayinyema mongyasquiyam Cristo Jesús.

HEBREOS 5:9

Apsovjoc alhta Cristo aclhamoclhojo asoc. Eycaso ayinyema ningilvomsomalhca tap ningiltomja ningilyajayquiclha.

JUECES 13:12

Aptomjac nic nat Manoa apcanya: —Nasoc sat ancoc etyamoc sicaa, aplhanma alhta lhip. ¿Jalhco actema, yoyam ongilvanimsic? — nic nat aptomjac.