PROVERBIOS 3:6 - Enhlit Bible

⁶ Lhip sictamongvoyam: Colhen sat lhip apvalhoc Dios naysicsa apyiplovquiscama, colhic sat acyantamaclho lhip nintemaclha acpeyvomo, acno amay acpeyvomo.

PROVERBIOS 3:6 Iomraidhean Croise

1 CRÓNICAS 28:9

Lhip sictamongvoyam Salomón, iyasingvom sat lhip aptemaclha Dios Visqui ingac. Iltimesam sat lhip mataa ayinyema actamilaycam apvalhoc. Apyipconquic mataa Dios, apyasamcoc mataa actemaclha alquitamsama ingilvalhoc. Aptingyac sat ancoc lhip Dios, etacpoc sat. Apyinyovquic sat ancoc lhip Dios singmasma, eyinyovacpoc sat lhip cotmongvoycamlha nelha.

ESDRAS 7:27

Eycaso ilhnic nat apquilmalhnancama Esdras: Innec ayaco lhip Dios Visqui ingac najan ningilyeyjamcaa apvisqui apancaoc. Apcasinaquic alhta lhip apvisqui rey, colhic allanayclha mocjam tingma apponquinomap payjoc tingma Jerusalén.

NEHEMÍAS 1:11

Lhip Dios, ingyeylhojo silmalhnancama sictomja lhip apquilancam. Ingyeylhojo apquilmalhnancama lhip apquilancam apquiltomja apquilayo lhip apvisay. Itnesquis sat actemaclha actamila anco. Ingyane sat jeyasicjojoc as enlhit — alhta actomjac silmalhnancama. Actomjac alhta sictamilquiscama apvisqui co Persia, sicsayclha mataa aptom najan apyinaycaoc.

NEHEMÍAS 2:4

Aptomjac alhta apvisqui seyanya: —¿Soc asoc aclhanma apvalhoc lhip? — alhta aptomjac. Yejemoc alhta sicpamejitsa Dios apna netin.

NEHEMÍAS 7:5

Ayanyalhquic alhta ayinyema Dios, yoyam ongvansiclha aplhamoclhojo ningayo najan apquilimja apmamyi najan poc enlhitaoc. Altamjoc alhta colhic acnatalhesa apquilvisay apyovoclhojo enlhitaoc. Acvitac alhta vaycajac macnatalhescama apquilvisay apquilmomap siclho apquilvactama mocjam. Eycaso alhta apquilvisay:

SALMOS 32:8

Intomjac alhta Dios appayvam: —Pac oyascasingvomoc lhip actemaclha amay yoyam eyiplovcasojoc lhip. Olanojoc sat mataa lhip naysicsa sicyascasingvoyam— alhta aptomjac Visqui.

PROVERBIOS 11:5

Ningyiplovcasquic mataa nintemaclha acpeyvomo, ningilvisay ningilpeyvomo. Etvasacpoc sat enlhit apmapsom naysicsa aptemaclha apanco apmapsom.

PROVERBIOS 16:3

Ongiltimnacsic sat Dios acyovoclhojo aclhanma mataa ingvalhoc. Memyovejec sat Visqui ingac actomjaclha aclhanma ingilvalhoc.

PROVERBIOS 16:9

Nincoo ayinyema mataa aclhanma ingvalhoc, yavamlha ontimjic. Dios ayinyema mataa singillhinquiscama, yavamlha ongyiplovcasojo.

PROVERBIOS 23:17

Noyasipquis nasa lhip apquiltemaclha enlhit melyascalhma. Ivascap sat mataa etnejic apcayo Dios.

ISAÍAS 26:7

Peyvoc mataa amay apquilyiplayclha enlhit apquilpeyvomo. Lhip Visqui ingac aptomja appeyvescasquiclha amay.

ISAÍAS 30:21

Apquilpecjam sat ancoc quellhip elyitnocjac lhama nicja najan moc nicja. Cotlapsic sat apquillinga inlhojo appayvam ayinyema apcapoc: Amay as'i, elyiplovjo amay — sat cotnejic appayvam.

ISAÍAS 45:13

Coo alhta siyeveycam apvisqui Ciro sictomja sicpeyvomo. Opasmoc sat mataa, malha sicpeyvescasquiclha amay pac. Ellaniclhac sat mocjam tingma apvanyam aptovasomap alhta. Enalantac sat mocjam enlhitaoc apquilmomap alhta. Mepqui acyanmongam sat cotnejic najan mepqui ningmescama nasa — alhta aptomjac Dios Apvisqui Apyimtalhnamo.

ISAÍAS 48:17

Eycaso appayvam apanco Dios singvomquiscama tap, apvisay Dios Mayayo nipyesicsa enlhitaoc Israel: Coo sicvisay Dios quellhip Visqui apancaoc, sictomja sicyascasingvoyam quellhip, sictomja sicnalayclha amay quellhip.

JEREMÍAS 10:23

Aptomjac mocjam profeta: Visqui ajac, copvanquejec enlhit emyovacpojo apanco. Mepqui apyascamco, yavamlha etnejic.

JEREMÍAS 42:3

Ilmalhna sat lhip Dios Visqui ingac, jingillhicmocsic sat yavamlha ontimjic — nic nat apquiltomjac.

NÚMEROS 9:20

Apquilvitac nic nat anit acnim ayajapma yipjopay. Apquilyiplovcasquic nic nat apcanama Dios, yoyam elimpiclha mocjam. Moc nic nat mataa apcanama, yoyam ellhniclha.

1 CORINTIOS 10:31

Actomjac coo silanya quellhip: Eltime sat mataa apquilayo Dios naysicsa aptoycaoc najan naysicsa apyinaycaoc najan naysicsa apquiltingyey moc asoc.

2 CORINTIOS 8:16

Inpayjeclhec evalhoc sicvita actemaclha apvascapma ingyalhing Tito. Apquiltamjoc mataa epasmoc quellhip acno sictemaclha mataa coo. Eycaso actemaclha ningvascapma ayinyema Dios.

FILIPENSES 4:6

Nocollhenam nasa apquilvalhoc asoc. Eliltimnas sat Dios Ingyapam actemaclha allhanma apquilvalhoc naysicsa apquililmalhnancama. Elilmalhna sat asoc, eltime sat gracias asoc apquillhoy.

COLOSENSES 3:17

Collhen sat mataa apquilvalhoc Visqui ingac Jesús naysicsa apquiltamjaycam najan naysicsa apquilpameteycam. Eltime sat gracias Dios Ingyapam naysicsa apquilayo Visqui ingac.

COLOSENSES 3:23

Eltamjam sat mataa quellhip malha Visqui ingac apquilancam, jave enlhit apquilancam.

SANTIAGO 1:5

Incaymalhquic sat ancoc ongilyasamcojo asoc, pac ongilmalhnac sat Dios Ingyapam. Dios Ingyapam sat jingilyascasingvomoc mepqui apmasma najan mepqui aplhanvayclho. Ningilyascamco sat ontimjic ningiltomja ningilmalhnaycam.

1 SAMUEL 30:8

Aptomjac nic nat David apquilmalhnaycam Dios: —¿Ingvanqui ya ongminlhinam as enlhitaoc apquilmapsomcaa najan apquilminyilhma? ¿Ingvanqui ya ongilmoc? — nic nat aptomjac David. Apcatingmavoc nic nat Dios: —¡Elminlhinaoc maa! Elvomquis tap apnaymacoc najan quilvanaa almomalhca — nic nat aptomjac.