PROVERBIOS 3:5 - Enhlit Bible

⁵ Lhip sictamongvoyam: Nongyane nasa colhic ayaco lhip apvalhoc, ingyane sat colhic ayaco Dios.

PROVERBIOS 3:5 Iomraidhean Croise

ESDRAS 8:23

Eycaso alhta ningilmalhnacama mepqui nintom, yoyam jingilmeyvoc nalhit amay. Apjalhnoc alhta Dios ningilmalhnancama.

JOB 13:15

Ongvatingmojoc sat napato Dios, jeyajic sat lhaja, omatong sat maa.

SALMOS 125:1

Ningilyimnatem ningiltomja mongyasquiyam Visqui ingac. Mepqui acyovjeycam ingvalhoc nincoo, malha inquilhe acvisay Sión. Ontimjic sat ningilyimnatem cotmongvoycamlha nelha.

SALMOS 37:3

Itne sat apcayo Visqui ingac. Iyiplovcasojo actemaclha actamila. Ilha sat mataa apcaoclha acyiplomo aptamilcasomacpo apanco.

SALMOS 37:5

Itne sat mataa lhip apcanyomap ayinyema Visqui ingac. Itne sat mataa apcayo. Apyasamcoc Visqui ingac yoyam etnejic.

SALMOS 37:7

Ivanma sat lhip napato Visqui ingac, itne sat apcayo. Noyasipquis nasa apvita sat enlhit aptemaclha apmapseve, aptomja apsilhnanoncama poc.

SALMOS 62:8

Quellhip enaymacoc, elyilhanmiclha mataa Visqui ingac. Elsavojo ellhenic actemaclha aclaneyo apquilvalhoc. Visqui ingac aptomja singmasma nincoo.

PROVERBIOS 22:19

Actomja singyascasingvoyam quilhvo nac jay, yoyam colhejec acyascacmo appayvam Visqui ingac.

PROVERBIOS 23:4

Notingya nasa lhip cascama apquilnatam, apyasamcoc lhip yavamlha cotnejic.

PROVERBIOS 28:26

Acyeyjamelhma nincoo, ningyiplovquisa inlhojo aclheneycam ingvalhoc. Ongmiyovalhcac sat nincoo, ningyiplovquisa inlhojo actemalcha acyascamco ingvalhoc.

PROVERBIOS 3:7

Lhip sictamongvoyam: Nongyane nasa colhic ayaco lhip apyascamco apanco, itne sat apcayo Dios, noyiplovquis nasa nintemaclha acmasom.

ISAÍAS 12:2

Dios aptomja sevomquiscama tap, mepqui sicyasquiyam coo, mepqui siyay coo. Visqui ingac aptomja sevomquiscama tap, sictomja sicyilhanmeycam, aptomja seyimnatescama.

JEREMÍAS 10:23

Aptomjac mocjam profeta: Visqui ajac, copvanquejec enlhit emyovacpojo apanco. Mepqui apyascamco, yavamlha etnejic.

JEREMÍAS 9:23

Aptomjac alhta mocjam Visqui ingac: Incaymalhquic meyimtalhnesacpec apanco enlhit apyascamco. Incaymalhquic melhenacpecjec apanco enlhit apyimnatem, melhenacpejec apanco enlhit acma apquilnatam.

NÚMEROS 9:20

Apquilvitac nic nat anit acnim ayajapma yipjopay. Apquilyiplovcasquic nic nat apcanama Dios, yoyam elimpiclha mocjam. Moc nic nat mataa apcanama, yoyam ellhniclha.

NÚMEROS 9:22

Mepqui ilhnic nat apquilquimpayclha mocjam, apquilvita inlhojo yipjopay ayajapma carpa apponquinomap, anit acnim, lhama piltin, lhama año. Invoncapaclhec nat ancoc yipjopay, yejemoc nic nat apquilquimpaclho mocjam.

ROMANOS 12:16

Noelyeycajas nasa moc apquilvalhoc. Noelyimtalhnesacpojo nasa apanco. Ellhnasojo sat mataa poc aptomja mepqui ayajamalhco apvalhoc. Noellhenacpojo nasa apanco apquiltomja apquilyascamco.

EFESIOS 1:12

Ningiljalhanmec nat nincoo yoyam evac Cristo singvomquiscama tap. Quilhvo eyca pac ontimjic ningilayo Dios aptomja apyimtalhnamo apanco.