PROVERBIOS 3:2 - Enhlit Bible

² Lhip sictamongvoyam: Etyisam sat lhip acvoncaclhojo aclhamoclhojo años, acyiplomo actamilaycam lhip apvalhoc.

PROVERBIOS 3:2 Iomraidhean Croise

1 REYES 3:14

Apyiplovcasquic sat ancoc lhip aclhamoclhojo siyanamaclha najan siyascamaclha coo, acno alhta apyiplovquiscama apyeyjamcaa David. Ovinaticsojoc sat aptiyascam lhip as nalhpop— nic nat aptomjac Dios.

JOB 5:26

Etyisam sat lhip aptomjaclha apvanyam, comoc sat nelha acnim aptiyascam lhip. Eyitsacpoc sat lhip acmocjitmaclha acyilhna.

SALMOS 119:165

Avanjec mataa acpayjayclha apquilvalhoc apquiltomja apquilasicjayo appayvam. Melingamquejec mataa acyimtalhnama (melvatsamquejec mataa).

SALMOS 128:6

Ongvitac sat intovana aplhamoclhojo. Colhic sat actamilaycam apquilvalhoc Israel apquilmolhama.

SALMOS 21:4

Apjalhnoc mataa lhip apquilmalhnaycam macyimnatescama apnenyic. Ajolhec mataa acyimnatem apnenyic rey.

SALMOS 91:16

Ovinaticsojoc sat aptiyascam. Etac sat lhip actemaclha sicvomquiscama tap — alhta aptomjac Visqui ingac.

PROVERBIOS 10:27

Ajolhec mataa ningileyvam, ningiltomja inlhojo ningilayo Visqui ingac. Colhic sat acyavatesa apquileyvam enlhit apquilmapsomcaa.

PROVERBIOS 16:31

Acmopoy ingva acyitsomalhca nimpocanma corona, ayinyema nintemaclha ningiltamilcasomalhco inganco aclhamoclhojo años.

PROVERBIOS 4:10

Aptomjac mocjam tata seyanya coo: Lhip sictamongvoyam, coma sat apvalhoc sicpayvam. Etyisam sat lhip acvoncaclhojo, aclhamoclhojo años.

PROVERBIOS 4:4

Aptomjac alhta tata seyanya coo: Lhip, coma sat apvalhoc sicpayvam, iyiplovquis sat mataa siyanamaclha, colhic sat lhip acyimnatem apnenyic.

PROVERBIOS 9:11

Acyascamco ingvalhoc actomja acyimnatescama ingnenyic. Acyascamco ingvalhoc actomja acvinatescama nintiyascam aclhamoclhojo años.

ISAÍAS 32:17

Actemaclha acpeyvomo cotnesquisic mataa actamilaycam ingvalhoc najan mepqui ningyasquiyam.

ROMANOS 14:17

Am conyemac actemaclha nintom najan actemaclha ningyam yoyam ongilpalhavomoc Dios apquilnancascama. Eyca ayinyema ningyiplovquiscama actemaclha acpeyvomo najan actemaclha actamilaycam ingvalhoc najan acpayjayclha ingvalhoc ayinyema Espíritu Santo.

ROMANOS 15:13

Dios ayinyema aljalhneycam ingvalhoc. Altamjoc coo yoyam epayesiclha apquilvalhoc Dios najan emquesic actamilaycam apquilvalhoc quellhip naysicsa melyasquiyam. Yoyam coyangvomoc aljalhneycam apquilvalhoc ayinyema apmopvan apanco Espíritu Santo.

ROMANOS 5:1

Ningiltimesalhquic nincoo ningilpeyvomo napato Dios ayinyema mongyasquiyam. Yiplovcoc najan actamilaycam ingvalhoc napato Dios ayinyema Jesucristo Visqui ingac.

DEUTERONOMIO 11:21

Ajolhec sat cotnejic apquileyvam quellhip najan apquitquic as yoclhilhma aplhanma ilhnic nat Dios, ellhovamcoc apquilyeyjamcaa quellhip. Colhojoc sat mepqui acmasquingvoyam netin, cotningvomejec sat nelha apquileyvam quellhip as nalhpop.

DEUTERONOMIO 5:32

Naso, elyiplovcasojo quellhip appayvam apcanamaclha Dios mepqui apquilyeycajascaoc.

1 TIMOTEO 4:8

Yamactamila ongilactesquisic alyiptetaclha, eyca actamila anco actemaclha ningiltamilcasomalhco inganco. Actomja malha ningilmaycam actamila as nalhpop najan ningilmaycam actamila cotmongvoycamlha nelha.