PROVERBIOS 26:3 - Enhlit Bible

³ Mongvanquejec mepqui ningiltamescama nolhing, mongvanquejec ongillhingsic yamelyeyjaycoc mepqui atong, copvanquejec acyeyjamelhma mepqui malyicpilhquetem.

PROVERBIOS 26:3 Iomraidhean Croise

SALMOS 32:9

Noellhojo nasa aptemaclha nolhing najan actemaclha yeyjaycoc coltamay. Innec mataa altamesa ningatquiscama atong najan nintetem tama. Jingilyiplaclhac sat.

PROVERBIOS 10:13

Nintemaclha ningyascamco ayinyema mataa acyascamco ingvalhoc. Colhic sat acyanmongseclho nintemaclha inganco, ayinyema acyeyjamelhma ingvalhoc.

PROVERBIOS 17:10

Lhama singascama asoc, comoc sat ingvalhoc ningiltomja ningilyascamco. Comejec sat ingvalhoc cien singilyicpilhqueteycaoc, ningiltomja inlhojo acyeyjamelhma.

PROVERBIOS 19:25

Pac ongilyicpilhquetic ingmoc naysicsa apyimtalhnesomacpo apanco, elyasingvomoc sat enlhit mepqui apquilyascamco. Pac ongiltamsamcoc ingmoc apyascamco, coyangvomoc sat aptemaclha apyascamco.

PROVERBIOS 19:29

Onlingamcojoc sat singilyicpilhqueteycaoc, acyitna ningyimtalhnesomalhco inganco najan nintemaclha mongilyascalhma.

PROVERBIOS 27:22

Ningalhimcasquic sat ancoc ninticlhiclhamaclha enlhit acyeyjamelhma, malha nintipilquem actic, comasquejec sat aptemaclha apanco acyeyjamelhma.

1 CORINTIOS 4:21

¿Jalhco sat otnejic coo ovoclhac nipyesicsa quellhip? ¿Pa ya oyanmongsiclhac apquiltemaclha quellhip? ¿Pa ya olasicjojo quellhip acyiplomo actamilaycam evalhoc? Paj inyicje.

2 CORINTIOS 10:6

Elyasamcojo quellhip. Ingvanquic nincoo ongilmascocsic actemaclha melilyajayquiclho nipyesicsa quellhip. Ningiltamjoc yoyam elpenacsojo quellhip actemaclha apquilyajayquiclho Cristo.

2 CORINTIOS 13:2

Altimnasquic alhta quellhip sicvoclho alhta nipyesicsa. Altimnasquic mocjam quilhvo naysicsa sictalhesquiscama quellhip. Actomjac coo silanya quellhip apquiltomja apquilsilhnanomap apmamyi najan lha apquilanomacpo ingilyalhinga: Movanquejec omyoc lhama ingyalhing aptomja apsilhnanomap.