PROVERBIOS 26:12 - Enhlit Bible

¹² ¿Apne ya enlhit aplhenacpo apanco apyascamco? Aplhenacpec apanco enlhit acyeyjamelhma.

PROVERBIOS 26:12 Iomraidhean Croise

PROVERBIOS 12:15

Ongiltimesalhcac inganco ningilpeyvomo, acyitna inlhojo nintemaclha acmasom. Ningiljalhnoc mataa singiltamescama, acyitna inlhojo acyascamco ingvalhoc.

PROVERBIOS 22:29

Enlhit apyascamco aptamjaycam, etnejic sat aptimesaycam apvisqui rey. Melhejec sat mocjam nipyesicsa mepqui apquilyimtalhnamo.

PROVERBIOS 26:16

Ningiltomja perezoso jingilyacmoc ongiltamjam, ninganem ningyascamco inganco, am elhno poc siete enlhit apquilyascamco.

PROVERBIOS 26:5

Ongilatingmojoc sat appayvam acyeyjamelhma, yoyam emancangvomoc sat.

PROVERBIOS 28:11

Ninganayquic mataa ningyascamco nincoo, acyitna inlhojo cascama ningilnatam. Apyasamcoc enlhit mepqui apquilnatam actemaclha ingvalhoc, ayinyema acyascamco apvalhoc apanco.

PROVERBIOS 28:26

Acyeyjamelhma nincoo, ningyiplovquisa inlhojo aclheneycam ingvalhoc. Ongmiyovalhcac sat nincoo, ningyiplovquisa inlhojo actemalcha acyascamco ingvalhoc.

PROVERBIOS 29:20

Ningiltanovalhquic nincoo ayinyema acyeyjamelhma ingvalhoc. Coyangvomoc sat ningiltanovmalhca, acyitna inlhojo ningilyataycam mepqui ningilvatseycaoc.

PROVERBIOS 3:7

Lhip sictamongvoyam: Nongyane nasa colhic ayaco lhip apyascamco apanco, itne sat apcayo Dios, noyiplovquis nasa nintemaclha acmasom.

ISAÍAS 5:21

¡Quellhip layi apquiltimesomacpo apanco apquilyascamco!

SAN MATEO 21:31

Aptomjac alhta Jesús: —¿Soc apquitca aptomja apquilyajayquiclho actomja apmayjayoclha apyap? —alhta aptomjac. Apquilatingmavoc alhta enlhitaoc: —Apsilhyo —alhta apquiltomjac. Aptomjac alhta Jesús apquilanya enlhitaoc: —Actomjac coo silanya quellhip: Naso, elpalhavomoc sat apquilmamyi Visqui netin apquilnancascama enlhit apquilmam tacja solyayem najan quilvanaa alanatama, am colhno quellhip.

SAN LUCAS 18:11

Aplhapcoc nic nat apquiningvocmo apquilmalhna fariseo: “O Dios Ingyapam. Actomjac coo gracias lhip. Am olhno coo enaymacoc apquiltomja apquilminyilhma, najan apquilmapsomcaa najan apnatovascama alyimjapma. Am olhno coo as enlhit apquilmam solyayem.

SAN LUCAS 7:44

Natamin apquilano Jesús quilvana. Aptomjac alhta Jesús apcanya Simón: —¿Apvita ya lhquip as quilvana? Actalhningvaa lhac lhip tingma pac. Am jimcasac yingmin ninliclama ingmancoc. Ateyingmenic acsipquinayquinta intomjac as quilvana aclica emancoc. Ava intomjac aclica emancoc.

SAN JUAN 9:41

Apcatingmavoc alhta Jesús: —Apquiltimec lhac ancoc ellhenic quellhip: Mepqui ingataoc nincoo, melsilhnanacpejec sat quellhip. Apquiltomjac lhac quellhip: Ingataoc innac nincoo. Naso, elsilhnanacpoc sat quellhip —alhta aptomjac.

ROMANOS 12:16

Noelyeycajas nasa moc apquilvalhoc. Noelyimtalhnesacpojo nasa apanco. Ellhnasojo sat mataa poc aptomja mepqui ayajamalhco apvalhoc. Noellhenacpojo nasa apanco apquiltomja apquilyascamco.

EL APOCALIPSIS 3:17

Aptomjac lhip aplhenacpo apanco: Acma silnatam nac coo, cascama silnatam. Paj coyitnac lhama asoc ayaymomalhca —alhta aptomjac lhip. Am eyca eyasamcoc lhip aptemaclha apanco. Lhip aptomja aptanovmap, aptomja mepqui apcasicjamap, aptomja mepqui apquilnatam, aptomja mepqui apataoc najan mepqui aptalhnama.