PROVERBIOS 21:4 - Enhlit Bible

⁴ Ayajamalhco ingvalhoc najan ningajamalhco inganco. Ayapongmatem nipyesicsa apquilmapsomcaa acvisay melyascalhma.

PROVERBIOS 21:4 Iomraidhean Croise

JOB 18:5

Naso, comascoc sat apvitay ayitsay olhma enlhit apmapsom, metejec sat talha pac.

JOB 18:6

Casponac sat calevascama, comascoc sat ayapongmatem, comascoc sat aptiyascam maa.

SALMOS 10:4

Yitnec aplhanma enlhit apyimtalhnesomap apanco: —Paj lhama Dios. Colhejec mataa acyanmongseclho nintemaclha — intomjac mataa alquitamsama apvalhoc.

SALMOS 101:5

Onavesam sat apquilmapsomcaa apquilvenneycam mataa poc. Actanovquic coo aptomja apyimtalhnesomacpo apanco najan ayajamalhco apquilvalhoc.

SALMOS 131:1

Visqui ajac. Mepqui ayajamalhco evalhoc coo.

PROVERBIOS 15:8

Aptanovquic mataa asoc macmescama Dios, acyitna inlhojo ingvalhoc acmasom. Apyispquic mataa Dios ningilmalhnancama, ningiltomja inlhojo ningilpeyvomo.

PROVERBIOS 21:27

Intanovalhquic asoc macmescama Dios ayinyema nincoo ningilvisay ningilmasomcaa, ningilposca inlhojo nintemaclha ningilmasom.

PROVERBIOS 24:20

Comascoc sat apquileyvam, malha acsaponay calevascama, melmiyovacpejec sat maa.

PROVERBIOS 30:13

Apquiltemaclha enlhit: apquilanem apquilyimtalhnamo, apquilvenam mataa poc.

PROVERBIOS 6:16

Am eyispac mataa Dios nintemaclha inganco, acvaycmo seis najan siete:

PROVERBIOS 6:17

Actemaclha ayajamalhco ingvalhoc, ayinyema ingataoc inganco. Actemaclha mepqui acpeyvomo ingvalhoc, ayinyema ingatong actipquiscama ningmovan amyaa. Actemaclha acmasom najan aclom ingvalhoc, ayinyema ningilnapma enlhit mepqui apquilsilhnanomap apanco.

PROVERBIOS 8:13

Ningayo Dios Visqui ingac, acvisay nintanoncama asoc acmasom. Actanovquic coo ayajamalhco ingvalhoc najan ningyimtalhnesomalhco inganco, najan ningmovan amyaa najan nintemaclha acmasom.

ISAÍAS 10:12

Aptomjac alhta Visqui ingac: Osavojoc sat siclhanma, yavamlha otnesquisic netin inquilhe Sión najan natingma Jerusalén. Natamin oyanmongsiclhac sat mocjam aptemaclha apanco apvisqui co Asiria, aptemaclha ayajamalhco apvalhoc najan aptemaclha apyimtalhnesomacpo apanco — alhta aptomjac — nic nat aptomjac profeta.

ISAÍAS 2:11

Comascoc sat apquiltemaclha apancaoc apquilyimtalhnesomap, comascoc sat ayajamalhco apquilvalhoc. Apvamlha pac lhama Visqui ingac etnejic apyimtalhnamo apanco, acvocmo sat acnim.

ISAÍAS 2:17

Enatovasacpoc sat apquilyimtalhnesomap apanco najan ayajamalhco apquilvalhoc. Etacpoc sat Dios Visqui ingac apvamlha pac lhama apyimtalhnamo, acvocmo sat acnim.

ISAÍAS 3:16

Aptomjac alhta mocjam Visqui ingac: Yitnec mataa altemaclha ancaoc quilvanaa co Jerusalén, acyeyjamelhma avalhoc, acsicjayclha mataa netin najan lhama nicja najan moc nicja, altaycam mataa aclhingam lapingyovam.

SAN LUCAS 11:34

Ingataoc actomja ayitsasquiscamalhma ningyovoclhojo. Inquiltasic ancoc ingataoc, colsacsic sat ilhma ningyovoclhojo. Almasomcaa ancoc ingataoc, coyinatesic sat ilhma ningyovoclhojo.

SAN LUCAS 18:14

Actomjac coo siyanya quellhip: Aptajaclhec nic nat tingma pac apquilmam solyayem. Inmascosalhquic nic nat meyascalhma. Am nic nat elhnoc poc. Ongvanalhcac sat nintimesomalhco inganco ningyimtalhnamo. Colhic sat sintimesa ningyimtalhnamo ningiltomja ningvanamalhca inganco —alhta aptomjac Jesús.

ROMANOS 14:23

Aptovquic sat ancoc lhip naysicsa apyasquiyam, esilhnanacpoc sat napato Dios. Ayinyemaclha am eyiplovcasac lhip actemaclha acyascamco apvalhoc. Aclhamoclhojo asoc ningyiplovquiscama naysicsa ningyasquiyam actomja mongyascalhma.

1 SAN PEDRO 5:5

Actomjac coo silanya quellhip quilyimnanic: Elilyejiclhojo sat mataa ingilyipmaa apquilvanyam. Actomjac coo silanya quellhip elyalhinga: Noelyimtalhnesacpojo apanco nipyesicsa. Elpasim sat mataa poc, malha apquilancam. Eycaso actomja actalhesomalhca: Apquilyasquic mataa olhma Dios yoyam eyimtalhnesacpojo apanco enlhit. Dios eyca epasmoc sat mataa enlhit aptomja meyimtalhnesomap apanco —nic nat intomjac vaycajac.