PROVERBIOS 21:2 - Enhlit Bible

² Ninganayquic mataa actamila anco ningiltomjaclha lhalhma anco. Apyasamcoc Visqui ingac actemaclha anco ingilvalhoc.

PROVERBIOS 21:2 Iomraidhean Croise

JOB 31:6

Apyipconquic mataa Dios evalhoc coo. Mepqui sicsilhnanomalhca ajanco.

SALMOS 36:2

Ayajamalhco apvalhoc apanco. Apposquic mataa aptemaclha apsilhnanomap apanco. Apcanayquic mataa cotamalhca apvalhoc apanco.

PROVERBIOS 12:15

Ongiltimesalhcac inganco ningilpeyvomo, acyitna inlhojo nintemaclha acmasom. Ningiljalhnoc mataa singiltamescama, acyitna inlhojo acyascamco ingvalhoc.

PROVERBIOS 16:2

Ninganayquic mataa nincoo, actomja actamila nintemaclha inganco. Apyasamcoc Dios actemaclha ingvalhoc, epquiniclhac ayalhnaclhojo ingvalhoc.

PROVERBIOS 16:25

Ninganayquic mataa acpeyvomo amay ningyiplayclha. Yitne inyicje ningitsepma actamongvamlha nelha.

PROVERBIOS 17:3

Talha actomja ayalhnascama plata najan oro alyinmom. Visqui ingac aptomja appiquinayclha ayalhnaclhojo ingilvalhoc nincoo.

PROVERBIOS 20:6

Ningillhenalhqui inyicje inganco nintemaclha ningiltamila, am eyca etacpoc mataa lhama aptomja aptamila apanco.

PROVERBIOS 24:12

¿Am ya alhta eyasamcoc lhip? Apvanquic Dios epquiniclha ayalhnaclhojo lhip apvalhoc. Apyasamcoc Dios actemaclha ingvalhoc nincoo, eyanmongsiclhac sat nintemaclha inganco.

PROVERBIOS 30:12

Apquiltemaclha enlhit: apquilanem ayalhnayo apquilvalhoc, mepqui mataa apquilalhnascama.

JEREMÍAS 17:10

Coo sicvisay Visqui sicyascamco actemaclha anco apquilvalhoc enlhit, najan alquitamsama apquilvalhoc enlhit. Oyanmongsiclhac sat mataa apquiltemaclha apancaoc enlhit, apquiltomja inlhojo apquilmapsomcaa. Ellhovamcoc sat acyanmongam enlhit apquiltamila.

DANIEL 5:27

TEKEL - ningiltimem apquilyipsatomap lhip balanza, covocmo inlhojo kilo pac.

SAN LUCAS 16:15

Aptomjac alhta apquilanya Jesús: —Quellhip fariseos, apquillhenacpec apanco mataa apquilpeyvomo nipyesicsa apnaymacoc. Dios Ingyapam eyca apyasamcoc apquilvalhoc quellhip. Aptanovquic mataa Dios Ingyapam actomja apquilayoclha enlhit —alhta aptomjac.

GALATAS 6:3

Apyimtalhnesacpec sat ancoc apanco ingyalhing yoyam elyinimsam apnaymacoc. Eyca as ingyalhing aptomja apyinimsomap apanco.

SANTIAGO 1:22

Elyiplovquis sat mataa actemaclha Dios appayvam. Noeltime nasa acvamlha apquiljalhenmo Dios appayvam. Elyinimsacpoc sat apanco apquiltomja acvamlha apquiljalhenmo.

EL APOCALIPSIS 2:23

Olnajapsic sat ayitquic as quilvana. Elyasingvomoc sat aplhamoclhojo Jesucristo apmolhama actemaclha sicmovan olyicpilcojo apquilvalhoc apancaoc. Oyanmongsiclhac sat apquiltemaclha moclhama quellhip.

1 SAMUEL 16:7

Aptomjac nic nat Dios apcanya profeta: —Noncolhen nasa apvalhoc lhip actemaclha apvitay apyovoclhojo najan aptemaclha apvinatem. Am alhta olyacyasac coo. Moc actemaclha ningilyacyescama nincoo moc actemaclha apquilyacyescama Dios. Ningilanoc mataa apyovoclhojo ningvita enlhit. Dios eyca apquilanoc mataa apvalhoc enlhit — nic nat aptomjac.