PROVERBIOS 2:6 - Enhlit Bible

⁶ Visqui ingac ayinyema nintemaclha ningyascamco. Appayvam apanco ayinyema nintemaclha ningyascamco najan nintemaclha ningyicpilquemo.

PROVERBIOS 2:6 Iomraidhean Croise

1 REYES 10:24

Apquilpecjam nic nat poc enlhitaoc elvita apvisqui najan elaylhojo aptemaclha apyascamco, ayinyema Dios apmescama.

1 REYES 3:12

Acjalhnoc lhac lhip apquilmalhnancama. Otnesquisic sat apvalhoc acyascamco yoyam eyasamcojo aclhamoclhojo asoc. Am colngamalhca mocjam apvisqui aptema nac jay. Cotalhquejec sat mataa niptamin lhip aptema nac jay.

1 REYES 3:9

Coo sictomja lhip apquilancam. Jimques sat acyascamco evalhoc yoyam ongvanic mataa enlhitaoc, yoyam motnatsejec mataa actomja actamila najan actomja acmasom. ¿Soc sat enlhit apmopvan yoyam etnejic apcanem as enlhitaoc appintalhnama, apquiltomja lhip enlhitaoc apancaoc? — nic nat aptomjac apvisqui Salomón.

1 REYES 4:29

Apyascamco apanco ilhnic nat Salomón ayinyema Dios. Acyascamco anco ilhnic nat apvalhoc Salomón, apyicpilquemo aclhamoclhojo asoc, mongmovan ongilyipsitic.

1 CRÓNICAS 22:12

Colhic sat acmesa lhip acyascamco apvalhoc najan apyascamco apanco lhip. Etnesacpoc sat lhip apvisqui nipyesicsa enlhitaoc Israel. Iyiplovcasojo sat mataa apcanamaclha Dios.

ESDRAS 7:25

Lhip Esdras, apyascamco nac lhip ayinyema Dios. Itingyasquis sat lhip enlhit apquilyicpilquemo najan yatapquilviscaa, colhic acyiplovquisa nintemaclha acpeyvomo nipyesicsa enlhitaoc apquileyvam yoclhilhma nicja vatsam Éufrates, nipyesicsa enlhitaoc apquilyascamco singanamaclha Dios. Elyascasingvom sat enlhitaoc melyascamco singanamaclha Dios.

NEHEMÍAS 7:5

Ayanyalhquic alhta ayinyema Dios, yoyam ongvansiclha aplhamoclhojo ningayo najan apquilimja apmamyi najan poc enlhitaoc. Altamjoc alhta colhic acnatalhesa apquilvisay apyovoclhojo enlhitaoc. Acvitac alhta vaycajac macnatalhescama apquilvisay apquilmomap siclho apquilvactama mocjam. Eycaso alhta apquilvisay:

JOB 12:13

Apyascamco apanco Dios Visqui ingac, apmopvan innac najan aclhanma apvalhoc, yoyam epenacsojo moclhama asoc.

JOB 12:16

Apyascamco apanco Dios, apmopvan innac mataa. Apancavo nac enlhit apquilyimtalhnamo najan mepqui apquilyimtalhnamo.

JOB 22:22

Coma sat apvalhoc Dios appayvam, iyiplovcasojo sat singanamaclha actamila.

JOB 32:8

Acyascamco apquilvalhoc innac apyovoclhojo enlhit, ayinyema Dios Visqui apyimtalhnamo apmescama espíritu apanco, colhic sat apquilvalhoc enlhit.

SALMOS 119:104

Lhip appayvam actomja acyascasingvoyam evalhoc. Actanovquic coo apquiltemaclha apquilmopvancaa amyaa.

SALMOS 119:34

Ingyane sat comoc evalhoc singillhicmoscama. Pac oltamsalhcac sat coo.

SALMOS 119:98

Sicyascamco anco jetnescasac lhip appayvam. Am colhnoc apquilyascamco cotnaja ingmoc. Siclhalhma actomjac mataa lhip appayvam.

SALMOS 19:7

Actamila anco singanamaclha Dios appayvam. Actomja acpayesayclha ingvalhoc. Mepqui apyeycajascama alhanma Dios. Aptomja apyascasingvoyam enlhit meyascamco.

SALMOS 19:8

Inpeyvoc anco singanamaclha Dios appayvam. Actomja acpayesayclha ingvalhoc. Mepqui lhama asoc acyipitcay singanamaclha. Sintimesquiscama yoyam ongvitac nintemaclha actamila.

SALMOS 51:6

Apyispaquic lhip actomja nasoc anco ingvalhoc. Lhip aptomja apyascasingvoyam evalhoc coo.

SALMOS 94:10

Apquiltamescama Dios enlhitaoc. ¿Mepqui ya apyanmongsayclha apquiltemaclha apancaoc? Singiltamescama nincoo Dios, yoyam ontimjic ningilyascamco.

ÉXODO 31:3

Espíritu de Dios apnac apvalhoc, najan acyascamco apvalhoc, najan acyicpilquemo apvalhoc najan apvascapma as enlhit.

PROVERBIOS 6:23

Naso, calevascama ayapongmatem acyitsomalhca singanamaclha singiltamescama. Naso, amay actemaclha acyimnatem ingnenyic acyitsomalhca ningiltamsomalhca.

ECLESIASTÉS 2:26

Dios mataa aptimesquiscama ningyascamco najan acpayjayclha ingilvalhoc, aptomja inlhojo singilyacyescama. Evascapoc mataa aptamjaycam enlhit meyascalhma. Etingyac sat cotlaycaoc asoc enlhit meyascalhma, yoyam emiclhac sat Dios apquilyacyescama. Alhto inyicje aptemaclha apvascapma, acyitsomalhca appatjetma alhcajayam.

ISAÍAS 54:13

Oyascasingvomoc sat quellhip apyovoclhojo, colhic sat actamilaycam apquilvalhoc.

ISAÍAS 8:20

Colhic sat singiltimnasa amyaa, yoyam ongilyasamcojo — sat cotnejic amyaa. Acyeyjamelhma apquilpayvam sat cotnejic apquiljalhenmo quellhip.

DANIEL 1:17

Cuatro ilhnic nat apquilyimnanic. Inyangvocmec nic nat apquilyascamco ayinyema Dios. Inmec nic nat apquilvalhoc actemaclha singyascasingvoyam aclhamoclhojo vaycajac. Apyascamco ilhnic nat innac Daniel actemaclha acvitay ningvanmoncama najan moc singvanmescama.

DANIEL 2:21

Lhip ayinyema acnim acya'monquiscama moc acnim, najan año acya'monquiscama moc año. Lhip aptomja apyinyovquiscama aptimem apvisqui, najan aptomja aptimesquiscama apjalhnancoc. Lhip ayinyema apquilyascamcolhma, eltimjic apquilyascamco enlhit. Lhip ayinyema actemaclha ningyimtalhnamo, eltimjic apquilyimtalhnamo enlhit.

DANIEL 2:23

Gracias lhip Dios, Visqui apancaoc sicyeyjamcaa, sictomja siyayo lhip. Lhip alhta setnesquiscama sicyascamco najan sicyimnatem. Eyascasingvocmec lhip asoc ningilmalhnaycam lhac nincoo. Ingilyascasingvocmec lhip asoc alquitameycaoc apvalhoc apvisqui rey — nic nat aptomjac Daniel.

SAN LUCAS 21:15

Olmesic sat apquilpayvam najan apquilyascamcolhma quellhip. Colapvanquejec sat cotnaja ingmoc elatingmojo najan elyacsilhma apquilpayvam.

SAN JUAN 6:45

Alhta intomjac apnatalhescama profetas Dios apquillingascama: “Dios Ingyapam sat ellhicmocsic aplhamoclhojo enlhitaoc” —nic nat intomjac vaycajac. Jeyotac sat moclhama enlhit apquiltomja apquiljalhenmo coo Tata najan apquiltomja apquilyasingvoyam.

SANTIAGO 1:17

Aclhamoclhojo asoc altamila najan actomja nasoc anco alinyema netin. Alinyema Dios Ingyapam aptomja apquillanay nic nat alitsasquiscamalhma netin. Lhama mataa aptemaclha apanco Dios Ingyapam. Metnejec malha yatescamalhma acyanmongsaycaoc mataa ayitsayolhma.

SANTIAGO 1:5

Incaymalhquic sat ancoc ongilyasamcojo asoc, pac ongilmalhnac sat Dios Ingyapam. Dios Ingyapam sat jingilyascasingvomoc mepqui apmasma najan mepqui aplhanvayclho. Ningilyascamco sat ontimjic ningiltomja ningilmalhnaycam.