PROVERBIOS 19:1 - Enhlit Bible

¹ Intasi inyicje nintemaclha mepqui asoc, acyitna inlhojo singayo ingmoc. Somcoc nintemaclha cascama ningilnatam, acyitna inlhojo ningillhamasomalhca.

PROVERBIOS 19:1 Iomraidhean Croise

SALMOS 26:11

Mepqui sicsilhnanomalhca ajanco. Jeyasicjojo coo. Jevomquis tap coo.

SALMOS 37:26

Am emyavac mataa asoc, apquimlacmoc mataa poc. Apquilpayesayclha apvalhoc poc apquiltomjac mataa apquitquic.

PROVERBIOS 12:26

Nintingyey ingmoc actomja nintemaclha ningilpeyvomo. Ongillhnanmoc amay, acyitna inlhojo acmasom ingvalhoc.

PROVERBIOS 14:2

Ningayoclha Visqui ingac ayinyema nintemaclha ningilpeyvomo. Ningvennéycam Visqui ingac ayinyema nintemaclha inganco acmasom.

PROVERBIOS 15:16

Intasic mataa nintiyascam mepqui asoc naysicsa ningayo Dios, am colhno ayay ingvalhoc naysicsa cascama ningilnatam.

PROVERBIOS 16:8

Actamila anco nintingyey anit asoc acyiplomo nintemaclha acpeyvomo, am colhna nintingyey cascama asoc, acyiplomo nintemaclha mepqui acpeyvomo.

PROVERBIOS 19:22

Incaymalhquic coytic nincoo actamilaycam ingvalhoc naysicsa mepqui asoc. Acmasom mataa nintemaclha ningmovan amyaa.

PROVERBIOS 20:7

Mongilsilhnanalhquejec inganco, acyitna inlhojo actamilaycam ingvalhoc. Apquilinyejemo mataa inquitquic, apquilvita inlhojo nintemaclha acpeyvomo.

PROVERBIOS 28:6

Actamila anco mepqui ningilnatam najan mepqui ningilsilhnanomalhca inganco. Am colhno acma ningilnatam mepqui ningiltamilcasomalhco inganco.

PROVERBIOS 4:24

Noyinimquis nasa poc, notne nasa apmopvan amyaa.

ISAÍAS 59:3

Inquilpaysacmec apmeoc quellhip ema najan apopeoc alpaysacmo apquiltemaclha acmasom. Intipquic apatong quellhip apquilmopvan amyaa najan acmasom apquilpayvam apquilvalhoc quellhip.

SAN MATEO 16:26

Alhto inyicje ningmam ningmetsovjam asoc lhalhma anco acyanmongam ingvalhoc ingac. ¿Soc sat coyanmong nincoo ongmiclhac ingvalhoc ingac?

1 SAMUEL 25:17

Paj cotamila apvalhoc atava lhiya, mongvanquejec ongilpamejitsalhcojo. Coyasamcojo sat lhiya, yavamlha cotnejic. Nasoc anco covac acyimtalhnama, yoyam elngamcojo atava najan ellingamcojo apquilmolhama — nic nat aptomjac apquilancam.

1 SAMUEL 25:25

Notvas nasa Nabal, aptemaclha mataa ayanem. Apvisay apanco Nabal, moc ningiltimem Ayanem, acno aptemaclha apanco. Sicvisay coo silancam lhip. Am alhta otac coo lhip apquilapajascama apnaclha Nabal.