PROVERBIOS 16:1 - Enhlit Bible

¹ Nincoo ayinyema aclhanma ingilvalhoc yavamlha ontimjic. Apyasamcoc Visqui ingac actomjaclha nelha ningiltomjaclha.

PROVERBIOS 16:1 Iomraidhean Croise

2 SAMUEL 7:5

—Iyas sat apnaclha David aptomja selancam coo. Iltimnas sat actomjaclha sicpayvam: ¿Apquiltamjo ya lhquip ellanac tingma yoyam olhic coo?

2 CRÓNICAS 18:31

Pilapcasquic nic nat capitanes apquilvita Josafat. Apquilvocjac nic nat, yoyam elmoc. Apyimnatasquic nic nat appayvam Josafat, apcanama elpasingvota apnaymacoc.

ESDRAS 7:27

Eycaso ilhnic nat apquilmalhnancama Esdras: Innec ayaco lhip Dios Visqui ingac najan ningilyeyjamcaa apvisqui apancaoc. Apcasinaquic alhta lhip apvisqui rey, colhic allanayclha mocjam tingma apponquinomap payjoc tingma Jerusalén.

NEHEMÍAS 1:11

Lhip Dios, ingyeylhojo silmalhnancama sictomja lhip apquilancam. Ingyeylhojo apquilmalhnancama lhip apquilancam apquiltomja apquilayo lhip apvisay. Itnesquis sat actemaclha actamila anco. Ingyane sat jeyasicjojoc as enlhit — alhta actomjac silmalhnancama. Actomjac alhta sictamilquiscama apvisqui co Persia, sicsayclha mataa aptom najan apyinaycaoc.

JOB 17:11

Invocmec nelha sictiyascam coo, inmasquec aclhanma evalhoc, inquilvonquipquic maa.

SALMOS 10:17

Visqui ingac. Apjalhnoc lhip apquilmalhnancama enlhit conjamalhca apquilvalhoc. Aptamilquiscacmec lhip apquilvalhoc.

SALMOS 119:36

Ingyane sat colhenic mataa evalhoc singanama. Colcac evalhoc ayitsepma ingnenyic.

ÉXODO 4:15

Ipamejitquis sat lhip apipma. Illhicmos sat lhip appayvam yoyam elyatam. Coo sat olhicmocsic sicpayvam yoyam elyatam lhip najan yoyam elyatam apipma. Coo sat olyascasingvomoc yoyam eltimjic quellhip.

PROVERBIOS 15:33

Ongilyasingvomoc sat actemaclha ningyascamco, acyitna inlhojo ningayo Dios. Colhic sat singaco, acyitna inlhojo conjamalhca ingilvalhoc.

PROVERBIOS 16:9

Nincoo ayinyema mataa aclhanma ingvalhoc, yavamlha ontimjic. Dios ayinyema mataa singillhinquiscama, yavamlha ongyiplovcasojo.

PROVERBIOS 19:21

Avanjec mataa aclhanma ingvalhoc, Dios eyca apyasamcoc yavamlha cotnejic.

PROVERBIOS 20:24

Visqui ingac aptomja singillhinquiscama, paj ongilyasamcoc yavamlha ongillhong (acpayjoclha ongillhong).,

PROVERBIOS 21:1

Ingvanquic ongillhingsic ayinyem yingmin, ningillana inlhojo yingmin atamnic. Dios Visqui ingac aptomja aplhinquiscama actemaclha apvalhoc apvisqui rey.

JEREMÍAS 10:23

Aptomjac mocjam profeta: Visqui ajac, copvanquejec enlhit emyovacpojo apanco. Mepqui apyascamco, yavamlha etnejic.

2 CORINTIOS 8:16

Inpayjeclhec evalhoc sicvita actemaclha apvascapma ingyalhing Tito. Apquiltamjoc mataa epasmoc quellhip acno sictemaclha mataa coo. Eycaso actemaclha ningvascapma ayinyema Dios.

FILIPENSES 2:13

Epasmoc sat Dios yoyam eliltamjoc quellhip actemaclha actamila yoyam elpenacsojo quellhip. Eycaso actomja apmayjayoclha Dios Ingyapam.