PROVERBIOS 13:10 - Enhlit Bible

¹⁰ Nintemaclha ningilnapomalhca ayinyema ayajamalhco ingvalhoc. Nintemaclha ningyascamco ayinyema conjamalhca ingilvalhoc.

PROVERBIOS 13:10 Iomraidhean Croise

1 REYES 12:16

Apquillingac nic nat aplhamoclhojo enlhitaoc actemaclha melyajayquiclho apvisqui. Apquiltomjac nic nat enlhitaoc apquilanya: Am ongiltamjoc lhip ontimjic visqui ingac David aptavin niptamin. Ellanac sat David aptovana apquiltamjoclha ellana. ¡Quellhip enlhitaoc Israel, eltajiclha! — nic nat apquiltomjac enlhitaoc. Apquiltajaclhec nic nat aplhamoclhojo enlhitaoc Israel.

2 REYES 14:10

Apquilimpocjac alhta quellhip cotnaja ingmoc edomitas. Eycaso ayinyema apyimtalhesacpo apanco lhip. Tasi, coyit sat lhip ayajamalhco apvalhoc, ilha sat tingma pac, mepqui ningilnapomalhca. ¿Tasi ya eticyoc apnaymacoc co Judá najan lhip? — nic nat aptomjac.

PROVERBIOS 13:11

Casilhtojoc sat ningilnatam, ningilpecjesa inlhojo ningansayclha mataa. Colhamiclhac sat ningilnatam, mepqui inlhojo nimpecjescama ningansayclha.

PROVERBIOS 13:9

Ningyitsomalhca nincoo ayitsasquiscamalhma, ningilvisay ningilpeyvomo. Apquilyitsomacpo calevascama acsapona, apquilvisay enlhit apquilmapsomcaa.

PROVERBIOS 17:14

Ningilatingmomalhca acyitsomalhca pongmit represa acyitipsomalhca yingmin acvanyam. ¡Mongilpasmejec mataa nincoo! ¡Pac ongilavojo ningilatingmomalhca!

PROVERBIOS 19:20

Colhic sat acyascamco ingvalhoc, ningyiplovquisa inlhojo singanamaclha najan singascamaclha.

PROVERBIOS 20:18

Ongilpamejitsalhcojoc mataa actemaclha plan, yavamlha ontimjic sat. Avanjec mataa apquilpamejitsomap actemaclha plan, elimpocjac sat cotnaja ingmoc.

PROVERBIOS 21:24

Ningyimtalhnesomalho inganco acvisay ayajamalhco najan acyeyjamelhma ingvalhoc, ayinyema nintemaclha inganco.

PROVERBIOS 25:8

Mongvanquejec ongiltimnasiclhac quilhvoc anco singyicpilquemo, ningvita inlhojo asoc acmasom. Poc sat epeyvescasiclha amyaa, cotnejic ningmovan amyaa, ongilmancangvomoc sat nincoo.

PROVERBIOS 28:25

Ningilatingmomalhca ayinyema ayitsepma ingnenyic asoc altamila. Colhic mataa actamilaycam ingvalhoc, acyitna inlhojo mongyasquiyam Dios.

SAN LUCAS 22:24

Apquilpamejitsacpec alhta apquiltamsoycaoc. Apquilmiyovcoc alhta yoyam etnesacpoc apyimtalhnamo.

1 TIMOTEO 6:4

Eyca as ingyalhing aptomja apyimtalhnesomacpo apanco, am najan eyasamcoc actemaclha amyaa. Avanjec acmayjayo apvalhoc elatingmacpoc poc. Eycaso ayinyema mataa actemaclha ningyasipquiscama najan actemaclha ningilatingmoctamo najan ninlheneycam ingmoc najan ninganem cotnajac nasoc anco.

SANTIAGO 4:1

¿Jalhco ayinyema mataa apquilnapomacpilha nipyesicsa quellhip najan apquilatingmomap? ¿Jave ya ayinyema apquilvalhoc actemaclha alitsepma apnenyaoc? ¿Yitne ya aclhamoclhojo actemaclha aclhanma apquilvalhoc quellhip? Paj inyicje.

JUECES 19:30

Pilapcasquic nic nat apquilvita. Apquiltomjac nic nat: —Cotamalhcac mocjam actema nac lha, ayenmo apquilantiyapma nic nat yoclhilhma Egipto israelitas. Elyasamcojo actemaclha yavamlha ontimjic — nic nat apquiltomjac apquilpamejitsacpo.