PROVERBIOS 13:1 - Enhlit Bible

¹ Ningyispaquic mataa singiltamescama tata ingac, acyitna inlhojo acyascamco ingvalhoc nincoo. Colcac mataa ingvalhoc singiltamescama tata ingac, acyitna inlhojo acyeyjamelhma ingvalhoc nincoo.

PROVERBIOS 13:1 Iomraidhean Croise

1 REYES 22:43

Impeyvoc nic nat aptemaclha Josafat, apno ilhnic nat apyap ninga Asa. Impeyvoc nic nat apquiltomjaclha napato Dios Visqui ingac. Am nic nat conatovasalhcac quilaycmasquiscama najan alvatnamaclha macmescama quilaycmasquiscama. Am nic nat enatovasacpoc tingma acyitnamaclha quilaycmasquiscama.

PROVERBIOS 10:1

Singiltamsoycaoc ayinyema apvisqui Salomón: Payjeclhec apvalhoc apyap, apvita inlhojo apquitca aptemaclha apyascamco. Inlingamcoc apvalhoc apyap, apvita aptemaclha apquitca acyeyjamelhma.

PROVERBIOS 12:15

Ongiltimesalhcac inganco ningilpeyvomo, acyitna inlhojo nintemaclha acmasom. Ningiljalhnoc mataa singiltamescama, acyitna inlhojo acyascamco ingvalhoc.

PROVERBIOS 14:6

Mongvityejec mataa acyascamco ingvalhoc, ningiltomja inlhojo ningvennéycam poc. Quilhvoc ningvitay acyascamco ingvalhoc, ayinyema ningilyasingvoyam.

PROVERBIOS 15:12

Ningiltanovquic mataa singiltamescama, acyitna inlhojo acyeyjamelhma ingvalhoc. Am ongilpalhavocmoc mataa nipyesicsa ingnaymacoc apquilyascamco.

PROVERBIOS 15:20

Colhic mataa ayaco tata ingac najan meme ingac, acyitna inlhojo acyascamco ingvalhoc. Innec mataa acvená, acyitna inlhojo acyeyjamelhma ingvalhoc.

PROVERBIOS 15:5

Ningiltanovquic singiltamescama tata ingac, acyitna inlhojo acyeyjamelhma ingvalhoc. Ningyispaquic mataa singiltamescama tata ingac, acyitna inlhojo acyascamco ingvalhoc.

PROVERBIOS 7:24

Lhip sictamongvoyam, ingyeylhojo sicpayvam, coma sat apvalhoc coo sicpayvam.

1 SAMUEL 2:25

Yitnec sat ancoc amyaa apquilinmelhaycam mataa poc. Etnejic sat appeyvescasquiclha Dios. Yitnec sat ancoc amyaa, enlhit apvennéycam Dios. Mepqui apmasma sat cotnejic — nic nat aptomjac Elí. Am nic nat eljalhnoc apquilyap appayvam. Inlhenquic nic nat apvalhoc Dios elnapoc sat apcanit.