PROVERBIOS 12:1 - Enhlit Bible

¹ Coyangvomoc sat actemaclha ningyascamco, ningyiplovquisa inlhojo singiltamescama. Acyeyjamelhma mataa ingvalhoc, ningiltanova inlhojo singiltamescama acpeyvomo.

PROVERBIOS 12:1 Iomraidhean Croise

SALMOS 119:27

Comoc sat evalhoc lhip apayvam, oyiplovcasojo. Inquitamquic evalhoc asoc simpilapquiscama.

SALMOS 141:5

Aptasi nac enlhit appeyvomo seltamescama coo. Malha asoc masis intomjac appayvam seyascama coo. Motanovejec mataa seltamescama. Olmalhnesquisic sat mataa siclinga inlhojo seyascama coo.

SALMOS 32:9

Noellhojo nasa aptemaclha nolhing najan actemaclha yeyjaycoc coltamay. Innec mataa altamesa ningatquiscama atong najan nintetem tama. Jingilyiplaclhac sat.

SALMOS 50:17

Am eltamjoc lhip eyiplovcasojo actemaclha siyanamaclha. Apvennéycam aptomjac lhip sicpayvam.

SALMOS 92:6

Paj elyasamcoc mataa enlhit acyeyjamelhma. Paj elyasamcoc enlhit ayanem.

PROVERBIOS 10:8

Inmec mataa ingvalhoc singanamaclha, acyitna inlhojo acyascamco ingvalhoc. Ongiltovasalhcac naysicsa nintemaclha inganco, actomja acyeyjamelhma ingvalhoc.

PROVERBIOS 11:31

Colhic sat singmesa acyanmongam as nalhpop, ningilvisay inlhojo ningilpeyvomo. Coyangvomoc sat acyanmongsayclha nintemaclha inganco acmasom najan nintemaclha ningilsilhnanomalhca inganco.

PROVERBIOS 12:2

Innec singaco napato Dios, apvita inlhojo actamilaycam ingvalhoc. Ingiltanovquic mataa Dios, apvita inlhojo acyeyjamelhma ingvalhoc.

PROVERBIOS 15:10

Onlingamcojoc sat acyanmongayclha nintemaclha, ningyinyova inlhojo amay actamila. Ongitsapoc sat, ningiltanova inlhojo singascamaclha.

PROVERBIOS 18:1

Ningiltamjoc mataa colhic singaco, acyitna inlhojo ayajamalhco ingvalhoc. Ongilinmelham sat mataa, singiltamesa inlhojo ingmoc asoc actamila.

PROVERBIOS 30:2

Paj coo acyascamco evalhoc, malha ayanem coo nipyesicsa enlhit.

PROVERBIOS 8:17

Ayasicjavoc mataa enlhit aptomja seyasicjayo sicvisay sicyascamco. Elvitaclhec mataa enlhit aptomja setamsama coo.

PROVERBIOS 8:32

Quip elaylhojo sicpayvam, quellhip eyitquic. Jelvajanaoc sictemaclha coo, colhic sat acpayjayclha apquilvalhoc quellhip.

PROVERBIOS 8:36

Enlhit seyamasma coo, elngamcojoc sat acmasom, enlhit setanoncama coo, etac sat apquitsepma.

ISAÍAS 1:3

Pac oyitsic actemaclha nintoscama: Inyicpilcoc mataa avtip vayqui acyinyovascama. Inyicpilcoc mataa actoycamcolha yamelyeyjaycoc avtip tingma pac. Am jelyicpilcac mataa enlhitaoc Israel. Eltanongvocmec alhta enlhitaoc ajancaoc.

LEVÍTICO 13:10

Eyipconic siclho sacerdote, apvita inlhojo hinchazón blanca, actomjayclho acmopoy ava apyimpejic, acvitalhco inlhojo apitic naysicsa hinchazón.

2 TESALONICENSES 2:10

Elsilhnanac sat mongyascalhma inyap yoyam elnatovasacpoc sat enlhitaoc. Cotnejic sat acyanmongayclha melyiplovquiscama actomja nasoc anco. Am alhta elasicjac actomja asoc anco. Ayinyemaclha avanquic colvomsic tap as enlhitaoc actomja nasoc anco.