PROVERBIOS 11:3 - Enhlit Bible

³ Nintemaclha acpeyvomo ayinyema mataa ingvalhoc acpeyvomo. Etvasacpoc mataa enlhit apyinimquiscama, ayinyema apvalhoc copeyvomo.

PROVERBIOS 11:3 Iomraidhean Croise

SALMOS 25:21

Jemyov coo naysicsa sictamilcasomalhco ajanco, naysicsa sictemaclha acpeyvomo. Sictomja mataa siyayo lhip najan sicyilhanmeycam.

SALMOS 26:1

Visqui ingac. Ipeyvescasiclha sictomjaclha. Mepqui sicsilhnanomalhca ajanco. Mepqui sicyasquiyam lhip.

PROVERBIOS 11:5

Ningyiplovcasquic mataa nintemaclha acpeyvomo, ningilvisay ningilpeyvomo. Etvasacpoc sat enlhit apmapsom naysicsa aptemaclha apanco apmapsom.

PROVERBIOS 13:6

Actemaclha acpeyvomo actomja singmasma, acyitna inlhojo actamila ingvalhoc. Etvasacpoc mataa enlhit apmapsom ayinyema aptemaclha meyascalhma.

PROVERBIOS 19:3

Ongillhnanmoc sat ayinyema acyeyjamelhma ingvalhoc. Ongilpejescomoc sat Visqui ingac, ninganem jingilsilhnana nincoo.

PROVERBIOS 2:22

Elantipsacpoc najan enatovasacpoc sat enlhit apquilmapsomcaa najan apquilsilhnanomap apanco — alhta intomjac appayvam apyascamco apanco.

PROVERBIOS 21:7

Ongnatovasalhcac sat ayinyema nintemaclha inganco, mepqui inlhojo ningyiplovquiscama actemaclha acpeyvomo.

PROVERBIOS 22:12

Apquilanoc mataa Visqui ingac, jingilmeyvoc ningiltomja ningyascamco. Jingiltanovac sat ningilyataycam, acyitna inlhojo ningmovan amyaa.

PROVERBIOS 28:18

Ongmiyovalhcac sat mataa, mepqui inlhojo ningilsilhnanomalhca inganco. Mongmiyovalhquejec sat, acyitna inlhojo anit ingilvalhaoc.

ECLESIASTÉS 7:17

Mongvanquejec ongilyeycajacsic nintemaclha ningmasom, mongilyeycajacsejec sat najan nintemaclha acyeyjamelhma. ¿Ningiltamjo ya ongitsapoc quilhvo?

ISAÍAS 1:28

Enatovasacpoc sat aplhamoclhojo colyavemeycaoc najan enlhitaoc apquilmapsomcaa. Enatovasacpoc sat apquiltomja apquilyamasma Dios Visqui ingac.

NÚMEROS 31:8

Apquilnapquic nic nat cinco apquilviscaa madianitas, apquilvisay: Evi, najan Requem, najan Zur, najan Hur, najan Reba. Apquilajac nic nat mocjam Balaam, Beor apquitca.

SAN JUAN 7:17

Apquiltamjoc sat ancoc enlhit eyiplovcasojo apmayjayoclha Ingyapam, metnatsejec sat sellhicmoscama. Naso nac ayinyema Dios Ingyapam, jave ayinyema sillhicmoscama ajanco.