PROVERBIOS 10:7 - Enhlit Bible

⁷ Comasquejec mataa mayayo ningilvisay, acyitna inlhojo actamilaycam ingvalhoc. Comascoc mataa apvisay apanco enlhit, acyitna inlhojo acmasom aptemaclha.

PROVERBIOS 10:7 Iomraidhean Croise

1 REYES 11:36

Etnejic sat apvisqui nipyesicsa lhama tribu apquilmolhama Israel Salomón apquitca. Casponejec sat mataa calevascama apvisay David payjoc tingma Jerusalén najato coo. Sicmaclha coo apvisay as tingma silyacyescama coo.

2 REYES 19:34

Coo sat omyoc as tingma, olvomsic tap apyovoclhojo. Ayinyema siclhanma apvisay David, silancam alhta. Ayinyema coo sicvisay Dios — alhta aptomjac Dios — nic nat aptomjac profeta Isaías.

2 CRÓNICAS 24:16

Apcatoynacpec nic nat tingma Jerusalén, moc apvisay Tingma David, payjoc apcatoynamacpilha apquilviscaa. Aptemaclha ilhnic nat aptamila nipyesicsa enlhitaoc Israel, najan napato Dios najan tingma apponquinomap.

2 CRÓNICAS 32:33

Apquitsepquic nic nat Ezequías, apcatoynacpec nic nat apcatoynamacpilha apquilmolhama David, acvisay panteón. Apquiltimec nic nat apquilayo enlhitaoc co Judá najan co Jerusalén. Aptimesacpec nic nat apquitca Manasés, etnejic apvisqui apya'monquiscama apyap ninga.

JOB 18:17

Comascoc sat apvisay apanco as nalhpop, colhenalhquejec sat mataa apvisay maa.

JOB 24:20

Paj colhanma apvisay apanco inquin, yapa sat eltovamcoc apyovoclhojo congne malhic, melhenacpejec sat mocjam. Malha yamit acyatemenamalhca aptomjac enlhit apmapsom.

JOB 27:23

Eyamasacpoc sat naysicsa alhcajayam acvanyam, actimesquiscama ayay apvalhoc — nic nat aptomjac Zofar.

SALMOS 109:13

Enatovasacpoc sat apyovoclhojo aptovana. Colhenalhquejec sat apvisay apanco.

SALMOS 109:15

Colvoncamejec sat mataa Visqui ingac apquiltemaclha apancaoc. Comascoc sat apquilvisay apancaoc as nalhpop.

SALMOS 112:6

Mongilsilhnanalhquejec sat inganco. Colvoncamejec mataa ningilvisay ningilpeyvomo.

SALMOS 34:16

Aptanovquic mataa Visqui ingac apquiltomja apquilmapsomcaa. Comascoc sat apquillhenamap niptamin.

SALMOS 34:17

Apjalhnoc Visqui ingac apquilmalhnaycam enlhit apquilpeyvomo. Apmascosquic mataa actemaclha ayay apquilvalhoc.

SALMOS 41:5

Apquiltomjac mataa selinmelhaycam sellhena coo: —¿Quilhvo ya ingyitsapoc? ¿Quilhvo ya comascoc apvisay apanco? — apquiltomjac.

PROVERBIOS 22:1

Tasic anco colhic singaco, am colhno cotlaycaoc oro najan plata.

ECLESIASTÉS 8:10

Acvitac alhta coo enlhit apquilmapsomcaa apquilantalhnama congne tingma apponquinomap. Apquilantipsacpec alhta enlhit apquilpeyvomo. Paj colhenalhcac mocjam apquilvisay enlhit apquilpeyvomo. Alhto inyicje as apquiltemaclha.

ISAÍAS 14:22

Eycaso appayvam Visqui ingac: Ongvinmelham sat apquiltemaclha apancaoc, omascocsic sat apvisay tingma Babilonia, osavojoc sat silnapma enlhitaoc, najan apquitquic, najan aptovana.

JEREMÍAS 17:13

Lhip Visqui apancaoc israelitas najan apquilmasma. Elmancangvomoc sat apquiltomja apquilyamasma lhip. Apquilyitsomacpo as enlhit, acyitna acnatalhesomalhca apquilvisay lhopactic, yoyam colmascosalhca. Ayinyema apquiltemaclha apquilyamasma lhip, apvisay actiyapmaclha yingmin actamila, aptomja singmasma.

SAN MARCOS 14:9

Actomjac coo siyanya quellhip: Naso, inquiltimnasalhquic sat ancoc tasic amyaa lhalhma anco, colhenalhcac sat najan actomjaclha lhac as quilvana, acno actemaclha colvoncayam —alhta aptomjac.

SAN LUCAS 1:48

Coo sictomja silancam moyimtalhnamo. Jelanoc sictemaclha Dios Ingyapam. Jeltimjic sat mataa selinyejemo aplhamoclhojo enlhitaoc aptovana niptamin.