PROVERBIOS 10:6 - Enhlit Bible

⁶ Ongillhocac asoc altamila ayinyema Dios, acyitna inlhojo actamila ingvalhoc. Cotnejic ningvenneycam Dios, acyitna inlhojo ningyimtalhnesomalhco inganco.

PROVERBIOS 10:6 Iomraidhean Croise

ESTER 7:8

Aptajavoc nic nat mocjam nipyesicsa apcanayclha fiesta. Apvitac nic nat apticlha aptapnaoc Amán acnaclha avisqui Ester, payjoc acyitnamaclha. Aptomjac nic nat apvisqui apyimnatesa appayvam: —¿Lhip ya apyoyam etava quilhvo nac jay najato coo, congne tingma ajac? — nic nat aptomjac apvisqui. Yejemoc nic nat apmacpo Amán. Singilpilhtetemo apquilviscaa apquilpilhqueta ilhnic nat apava apcatic. Lhama ilhnic nat apvisay Harbona, aptomja apcanya: —Inquinmec maa yamit nitno veintidós metros acvinatem payjoc Amán tingma pac. Appenasquic alhta, yoyam ingyilhnesacpoc Mardoqueo, enlhit mayayo napato apvisqui. Aptomjac nic nat apcanya apvisqui: —¡Elquilhnes sat maa Amán! — nic nat aptomjac.

JOB 29:13

Innec alhta selaco ayinyema sicpayesayclha apquilvalhoc enlhit najan quilvanaa lhintampaa.

SALMOS 107:42

Inpayjeclhec apquilvalhoc apquilvita enlhitaoc apquilpeyvomo. Inyamasquic apquilvalhoc enlhit apquilmapsomcaa.

PROVERBIOS 10:11

Colhic acyimnatesa apnenyic poc, ayinyema ninlhanma nintemaclha acpeyvomo. Ontimjic ningmasom napato ingmoc, acyitna inlhojo ningyimtalhnesomalhco inganco.

PROVERBIOS 10:5

Ningilvascapma naysicsa acmocjitmaclha acyilhna, ayinyema nintemaclha ningyascamco. Nintiyanma naysicsa acmocjitmaclha acyilhna, ongvenalhcac sat.

PROVERBIOS 11:26

Ningmiyovquic sat ancoc acyilhna naysicsa mayic ataoc, ongiltanovalhcac sat. Colhic sat singaco, acyitna inlhojo ningillhacjam acyilhna acma acyanmongam.

PROVERBIOS 24:25

Aptasic mataa enlhit apyicpilquemo, mepqui apmasma enlhit apmapsom, colhic sat acyanmongseclho aptemaclha apanco. Colhic sat ayaco enlhit apyicpilquemo nipyesicsa enlhitaoc.

PROVERBIOS 28:20

Colhic sat singaco, acyitna inlhojo ningiltamilcasomalhco inganco. Onlingamcojoc sat acyanmongayclha, nintingya inlhojo cascama ningilnatam.

PROVERBIOS 3:33

Apquiltanovacpec ingnaymacoc ningmolhama, acyitna inlhojo apquiltemaclha acmasom. Innec ayaco mataa ningmolhama, acyitna inlhojo aptemaclha acpeyvomo.

ISAÍAS 3:10

Apquilinyejemo enlhit apquilpeyvomo, colpayjiclhac sat apquilvalhoc ayinyema apquiltemaclha apquilpeyvomo.

ABDÍAS 1:10

Aptomjac alhta Dios Visqui ingac: Ellingamcojoc sat quellhip apquilmancactama, enatovasacpoc sat maa, ayinyema alhta apnatovascama najan apquilnapma apquilyalhinga quellhip, Jacob aptovana.

ROMANOS 3:19

Ningyasamcoc nincoo, inpeyvoc aclhanma singanamaclha actalhesomalhca. Apquillhenacpec enlhitaoc acyitna singanamaclha. Copvanquejec lhama etnejic appayvam: “Mepqui sicsilhnanomalhca coo”. Ayinyemaclha aplhamoclhojo enlhitaoc lhalhma anco apquiltomja apquilsilhnanomap napato Dios.

DEUTERONOMIO 28:2

Ellhovamcoc sat quellhip cotlaycaoc asoc altamila ayinyema Dios, apquiltomja inlhojo apquilyajayquiclho quellhip.