PROVERBIOS 10:1 - Enhlit Bible

¹ Singiltamsoycaoc ayinyema apvisqui Salomón: Payjeclhec apvalhoc apyap, apvita inlhojo apquitca aptemaclha apyascamco. Inlingamcoc apvalhoc apyap, apvita aptemaclha apquitca acyeyjamelhma.

PROVERBIOS 10:1 Iomraidhean Croise

1 REYES 4:32

Tres mil nic nat apquillanay appayvam proverbios Salomón najan mil cinco appayvam poemas.

PROVERBIOS 1:1

Appayvam singiltamsoycaoc aplhanma ilhnic nat Salomón, David apquitca apvisqui co Israel.

PROVERBIOS 13:1

Ningyispaquic mataa singiltamescama tata ingac, acyitna inlhojo acyascamco ingvalhoc nincoo. Colcac mataa ingvalhoc singiltamescama tata ingac, acyitna inlhojo acyeyjamelhma ingvalhoc nincoo.

PROVERBIOS 15:20

Colhic mataa ayaco tata ingac najan meme ingac, acyitna inlhojo acyascamco ingvalhoc. Innec mataa acvená, acyitna inlhojo acyeyjamelhma ingvalhoc.

PROVERBIOS 17:21

Mepqui acpayjayclha ingvalhoc, ningvita inlhojo inquitca (nintamongvoyam) acyeyjamelhma. Inlingamcoc mataa ingvalhoc, ningvita nintamongvoyam aptemaclha meyascalhma (ayanem).

PROVERBIOS 17:25

Avanjec mataa aclingaycamco ingvalhoc, ningvita inlhojo nintamongvoyam acyeyjamelhma apvalhoc (meyascalhma).

PROVERBIOS 19:13

Ninlingaycamco acmasom ayinyema nintamongvoyam acyeyjamelhma. Intava aclhamasomalhca najan ayatingmomalhca, colhojoc yingmin ayitcoc acyeysoma asoc ingac.

PROVERBIOS 25:1

Mocjam singiltamsoycaoc apnatalhescama nic nat apvisqui Salomón. Apquilansaclhec nic nat apquiltimesaycam apnaclha Ezequías, apvisqui co Judá:

PROVERBIOS 27:11

Payjeclhec ingilvalhoc ningvita (inquitca) nintamongvoyam apyascamco. Ingvanquic mataa ongilatingmojo apquiltomja singvenéycam.

PROVERBIOS 29:15

Colhic sat nincoo acyascamco ingvalhoc, ayinyema singilyicpilhquetma naysicsa singiltamescama. Singmanquescama aptomja nintamongvoyam mepqui apyasingvoyam asoc.

PROVERBIOS 29:17

Pac ongiltamacsic nintamongvoyam acyiplomo ningyicpilhquetem. Copayjiclhac sat mataa ingilvalhoc naysicsa nintiyascam cotmongvoyam nelha.

PROVERBIOS 29:3

Nintamongvoyam apyascamco aptomja appayesayclha ingilvalhoc. Nintamongvoyam apquilanatama (alanatama quilvana) apsovjoc mataa solyayem ingac.

ECLESIASTÉS 12:9

Apyascamco apanco ilhnic nat Predicador, aptomja apyascasingvoyam enlhitaoc. Aptalhosquic nic nat aclhamoclhojo proverbios ayinyema apyascamco apanco.

ECLESIASTÉS 2:19

Etnejic sat apyascamco lhaja, etnejic sat mepqui apyascamco lhaja. Emiclhac sat netamin coo aclhamoclhojo asoc sictingyey coo naysicsa sictemaclha sicyascamco, najan naysicsa sicvascapma sictamjaycam. Alhto inyicje as nintemaclha as nalhpop.