PROVERBIOS 1:5 - Enhlit Bible

⁵ Ongilaylhojoc sat mataa ningiltomja inlhojo ningyascamco, coyangvomoc sat acmam ingvalhoc.

PROVERBIOS 1:5 Iomraidhean Croise

2 CRÓNICAS 25:16

Naysicsa appamejitquiscama profeta, aptomjac nic nat apcanya apvisqui: —¡Vamlha itne! ¿Apcanyacpe ya lhquip jeyascasingvomoc sicvisay visqui? ¿Pa ya lhquip ematong? — nic nat aptomjac apvisqui. Apquilvatasquic inyicje profeta aptomja mocjam apcanya: —Acyasamcoc coo melyajayquiclho sicpayvam lhip. Etvasacpoc sat lhip, ayinyema apsilhnanomap apanco napato Dios, aptomja apcayo as quilaycmasquiscama — nic nat aptomjac profeta.

JOB 34:10

Quip elaylhojo quellhip apquilyascamco: Copvanquejec mataa Dios apyimtalhnamo etnejic asoc acmasom, copvanquejec esilhnanacpoc apanco Dios.

JOB 34:16

Lhip Job, ¿yitne ya lhquip acyascamco apvalhoc? Ingyeylhojo sat sicpayvam.

JOB 34:34

Jeltimnacsic sat quellhip apquilyascamco najan apquiljalhenmo sicpayvam:

PROVERBIOS 12:1

Coyangvomoc sat actemaclha ningyascamco, ningyiplovquisa inlhojo singiltamescama. Acyeyjamelhma mataa ingvalhoc, ningiltanova inlhojo singiltamescama acpeyvomo.

PROVERBIOS 14:6

Mongvityejec mataa acyascamco ingvalhoc, ningiltomja inlhojo ningvennéycam poc. Quilhvoc ningvitay acyascamco ingvalhoc, ayinyema ningilyasingvoyam.

PROVERBIOS 18:15

Inlhenquic mataa ingvalhoc, yoyam coyangvomoc actemaclha ningyascamco. Ningiljalhnoc mataa singyascasingvoyam, comoc sat ingilvalhoc.

PROVERBIOS 19:25

Pac ongilyicpilhquetic ingmoc naysicsa apyimtalhnesomacpo apanco, elyasingvomoc sat enlhit mepqui apquilyascamco. Pac ongiltamsamcoc ingmoc apyascamco, coyangvomoc sat aptemaclha apyascamco.

PROVERBIOS 21:11

Ongilyasingvomoc mataa, ningvita inlhojo acyanmongayclha aptemaclha apanco apmapsom. Yitnec sat ancoc acyascamco ingvalhoc, quilhvoc sat comoc ingvalhoc asoc singyascasingvoyam.

PROVERBIOS 8:33

Elyiplovcasojo sicpayvam siltamescama, noeltanov nasa actemaclha ningyascamco.

PROVERBIOS 9:8

Etanovacpoc mataa enlhit, aptomja apquiltamescama enlhit apmapsom. Ingyasicjacpoc mataa enlhit, aptomja apquiltamescama enlhit apyascamco.

PROVERBIOS 9:9

Ningyascasingvocmec sat ancoc enlhit apyascamco, coyangvomoc sat aptemaclha apyascamco. Ningyascasingvocmec sat ancoc enlhit aptamila, coyangvomoc sat aptemaclha apyascamco.

ECLESIASTÉS 9:11

Acvitac coo mocjam as nalhpop: Jave apquilvoyam apquilmamyi apquiltimesquiscama carrera. Jave apquilyimnatem apquiltimesquiscama apquilimpocjay. Jave enlhit apquilyascamco acyitnama aptoycaoc. Jave enlhit mayayo acma apquilnatam. Jave enlhit apquilmopvancaa, yoyam elmacpoc tacja. Cotlapsic sat mataa, acvaa inlhojo apquillingaycamco acyimtalhnama.

1 CORINTIOS 10:15

Quellhip apquiltomja apquilyascamco. Elyasamcojo sat quellhip actemaclha siclhanma.

DEUTERONOMIO 4:6

Elyiplovcasojo quellhip, noelyitnocjas nasa apcanamaclha. Elyasamcojoc sat metnaja apquiltemolhama, acyitna quellhip actemaclha apquilyascamco najan apquilyicpilquemo. Eltimjic sat apquillhenacpo quellhip: ¡Apquilyascamco najan apquilyicpilquemo nac as enlhitaoc! — sat eltimjic.