PROVERBIOS 1:10 - Enhlit Bible

¹⁰ Lhip sictamongvoyam: ¡Nongyane nasa esilhnanacpoc lhip nipyesicsa melyascalhma, nopasmiclha nasa lhip!

PROVERBIOS 1:10 Iomraidhean Croise

GÉNESIS 37:20

Noc, ongilajic sat. Ongyinyoc sat congne malhic. Ongillhenic sat actomja ayajem asoc navjac aclom. Ongilyasamcojoc sat actemaclha acvanmescama alhta— nic nat apquiltomjac.

SALMOS 1:1

Apquilinyejemoc anco enlhit aptomja aptamilcasomacpo apanco. Aptomja mevjaneycaoc apquiltemaclha enlhit apquilmapsomcaa. Aptomja meyiplovquiscama apquiltemaclha enlhit melyascalhma. Aptomja mepalhaviyam apnaymacoc apquilvennéycam nintemaclha actamila.

SALMOS 50:18

Appasmec mataa lhip apvita enlhit apminyilhma. Appasmec mataa lhip apvita enlhit aptovascama actemaclha singilyimjapma.

PROVERBIOS 13:20

Coyangvomoc sat ningyascamco, ningilpalhavocmo inlhojo nipyesicsa apquilyascamco. Coyangvomoc sat acyeyjamelhma, ningilpalhavocmo inlhojo nipyesicsa acyeyjamelhma apquilvalhoc.

PROVERBIOS 16:29

Ningyinimcasquic nincoo ingmoc, acyitna inlhojo ningyimtalhnesomalhco inganco. Eyantamacpoc sat ingmoc amay acmasom.

PROVERBIOS 20:19

Ninlingasquic asoc acyilhamalhca, ningiltomja inlhojo ningillhamasomalhca. Mongvanquejec ongilpalhavomoc enlhit apquillhamasomap.

PROVERBIOS 24:2

Yitnec alquitamsama apquilvalhoc enatovacsic lhalhma anco, somcoc mataa apquilpayvam.

ISAÍAS 33:15

Elmiyovacpoc sat apquiltomja apquilpeyvomo, apquillhanma actomja nasoc anco. Apquiltomja mepqui apquilansayclha apquilnatam, ayinyema apquilyimtalhnescama apquiltimesaycam enlhit. Apquiltomja mepqui apquilyinyovmap apanco ayinyema apquilmescama nasa poc. Apquiltomja mepqui apquilpasmeyquiclha ticyovam yapmayc apquilpamejitsomap. Apquiltomja mepqui apquilaneyo apquiltemaclha apancaoc apquilmapsomcaa.

ROMANOS 16:18

Am colhenac mataa apquilvalhoc as enlhitaoc yoyam elanam Jesucristo Visqui ingac. Inlhenquic mataa acvamlha apquilvalhoc nintom yoyam elyipcanmojo. Apquiltamilsam mataa apquilpayvam as enlhitaoc yoyam elvajansic ingilyalhinga apquiltomja apquiltamilcasomacpo apanco.

EFESIOS 5:11

Noelvajaniclhojo nasa apquiltemaclha apancaoc enlhitaoc apquileyvam yatescamalhma. Elninquiniclha sat ayitsayoclhilhma apquiltemaclha apancaoc yoyam colvitalhca.

DEUTERONOMIO 13:8

Noelyiplovcasojo nasa apquiltemaclha apquilayo quilaycmasquiscama, noelpasmiclha nasa quellhip, elninquin sat ayalhnaclhojo aptemaclha apsilhnanoncama.