OSEAS 4:2 - Enhlit Bible

² Yitnec acmovan amyaa najan apquilyinimquiscama, yitnec apquilnapma poc, najan apquilminyilhma, najan apquilanatama, najan apquilnapomap, najan apquilyanmongsayclha apquiltemaclha acmasom.

OSEAS 4:2 Iomraidhean Croise

GÉNESIS 4:8

Nalhit acnim nic nat intomjac. Apquiltamjoc nic nat Caín eyantamac apyalhing Abel, yoyam etnejic aplhalhma. Apquilvoclhec nic nat amyip. Yejemoc nic nat aplova Caín. Apcajac nic nat apyalhing. Apquitsepquic nic nat Abel.

ISAÍAS 24:5

Ayinyema alhta enlhit apquilsilhnanomap apanco, am alhta elyiplovcasac singanamaclha najan singascamaclha najan pacto ningmiyovmalhquilha ayinyema Dios Visqui ingac.

ISAÍAS 48:1

Aptomjac nic nat profeta: Quip elaylhojo quellhip apquilmolhama Jacob, moc apquilvisay apquilmolhama Israel, moc apquilvisay quellhip aptovana niptamin Judá. Yitne inyicje apquillhanma quellhip napato Dios Apyimtalhnamo. Yitne inyicje apquilmalhnancama quellhip - eyca mepqui apquilayo quellhip najan mepqui acpeyvomo apquilvalhoc.

JEREMÍAS 51:5

Am alhta eyinyavac mataa Dios Visqui apancaoc israelitas najan co Judá: Avanjec alhta apquilinmelhaycam co Babilonia napato Dios Mayayo najan apyimtalhnamo nipyesicsa israelitas.

JEREMÍAS 6:7

Inyangvocmec mataa apquiltemaclha apancaoc, acno yingmin congne yamilquit, mepqui ninsovjomo. Apquiltemaclha apancaoc apquilnapma, najan apquilyicpilhqueteycaoc. Avanjec maa apquilyimsem najan apquilasquiscama apyimpeoc poc.

LAMENTACIÓNES 4:13

Ayinyema alhta apquilsilhnanomap apanco profetas najan sacerdotes. Apquilanyacpec alhta eticyoc enlhit mepqui apquilsilhnanomap apanco.

EZEQUIEL 7:23

Aptomjac alhta mocjam: Itingya sat cadena. Aplhamoc ticyovam yapmayc elnapoc sat enlhit.

OSEAS 10:13

Apquilcaquic alhta quellhip apquiltemaclha acmasom. Apquilvitac alhta acyilhna ápac acvisay apquilyinimquiscama. Aptovcamquic quellhip acyilhna acvisay movan amyaa. Apquillhenquic mataa quellhip cotlaycaoc carros apquilmaycam apquilimpocjay, najan apquilmopvan singilpilhtetemo quellhip.

OSEAS 10:4

Apvanqui inyicje elyatam, apvanqui inyicje jingilyinimsic, apvanqui inyicje ellaná ningmiyovmalhquilha. Aptemaclha appeyvescasquiclha colhojoc sat panatem singajem ayimja amyip — alhta intomjac apquilvalhoc.

OSEAS 11:12

Aptomjac alhta Dios Apyimtalhnamo: Avanjec mataa apquiltemaclha apquilmopvancaa amyaa co Efraín. Avanjec mataa apquiltemaclha selyinimquiscama apquilmolhama Israel. Selyamasma alhta apquilmolhama Judá, apquilyiplayclha mataa quilaycmasquiscama acyitsomalhca dios.

OSEAS 12:14

Aplovquic alhta Dios Apyimtalhnamo, apvita apquiltemaclha apancaoc apquilmolhama Israel. Eyanmongsiclhac sat apquiltemaclha apancaoc. Ellingamcojoc sat acyanmongayclha apquiltemaclha apancaoc, ayinyema alhta apquilsilhnanomap apanco napato Dios Apyimtalhnamo— nic nat aptomjac profeta.

OSEAS 5:2

Apquilmetmec alhta quellhip malhic, payjoc alvata Sitim. Oyanmongsiclhac sat apquiltemaclha apancaoc quellhip.

OSEAS 6:8

Apquilmapsomcaa apyovoclhojo tingma Galaad, acvitamalhca ema lhalhma anco.

OSEAS 6:9

Apquiltemaclha sacerdotes ticyovam yapmayc, apquiljalhneycam elmoc enlhitaoc. Apquilnapquic mataa enlhitaoc amay acyascama tingma Siquem. Somcoc apquiltemaclha.

OSEAS 7:1

Oltamilquiscomoc sat apquilmolhama Efraín najan co Samaria. Cotalhcac sat apquiltemaclha apquilsilhnanomap apanco najan apquiltemaclha apquilmapsomcaa. Apquiltemaclha mataa apquilmopvan amyaa, najan apquilminyilhma moclhama tingma, acyiplomo apquilnapma amay.

OSEAS 7:3

Aptomjac alhta Dios Apyimtalhnamo: Apquiltimescasquic apvisqui rey najan yatapquilviscaa naysicsa apquiltemaclha apancaoc, naysicsa apquilmopvan amyaa.

OSEAS 7:4

Apquiltemaclha apancaoc apquilyamasma. Apquilyitsomacpo malhic acyitna talha acyivey congne. Apquiljalhnec apquillaney pan macyelaquiscama motajap.

MIQUEAS 3:2

Apquiltemaclha apancaoc quellhip apquiltanoncama nintemaclha actamila, apquilasicjayo quellhip apquiltemaclha acmasom. Apquilnapquic mataa quellhip enlhitaoc ajancaoc, apquiljalhyovasa apyimpeoc, apquilyatemena apjapitic, apquilayacmo apilhquipcoc alalhnayo.

MIQUEAS 3:9

Quip elaylhojo quellhip apquilviscaa najan apquilyimtalhnamo enlhitaoc Israel: Apquiltanovquic mataa quellhip nintemaclha acpeyvomo, naysicsa apquilyitnocjascama actemaclha acpeyvomo.

MIQUEAS 6:10

Cascama apquilnatam acminyilhamalhca enlhit apquilmapsomcaa. Yitnec apquilyinimquiscama balanzas apquilyipsateycaoc asoc, apquiltemaclha sictanoncama coo.

MIQUEAS 7:2

Paj mataa enlhit apquilpeyvomo napato Dios. Paj mataa mepqui apquilyeycajascama apquillhanma enlhit lhalhma anco. Inlhenquic mataa apquilvalhoc elnapoc poc najan elyinimsic poc, malha trampa singilmam intomjac.

SOFONÍAS 3:1

¡Quellhip layi co Jerusalén, apquiltemaclha quellhip apquilinmelhaycam najan apquilyimtalhnesomacpo apanco, apquiltomja apquilmapsomcaa!

ZACARÍAS 5:3

Aptomjac alhta seyanya: Yitnec actalhesomalhca apyanmongsayclha Dios nintemaclha inganco lhalhma anco. Anit nicja intomjac actalhesomalhca. Elngamcojoc sat apyanmongsayclha aptemaclha apanco apminyilhma najan aptemaclha apyinimquiscama, acno apmopvan amyaa.

ZACARÍAS 7:9

Eycaso siyanama coo: Elyiplovcasojo quellhip actemaclha acpeyvomo najan actemaclha ningapeycam. Elasicjacpojo mataa nipyesicsa quellhip.

SAN MATEO 23:35

Elsilhnanacpoc sat quellhip. Coyanmomentac sat acyanmongayclha apticyovam enlhit apquilpeyvomo as nalhpop. Siclhoc nic nat apmatnam Abel appeyvomo najan poc aplhamoclhojo, acvocmo apmatnam nic nat Zacarías, Berequías apquitca. Apmatnec nic nat napocja tingma apponquinomap acpayjo acvatnamalhquilha.

LOS HECHOS 7:52

¿Soc nic nat profeta Dios aplingascama metaya macyamascam? Apquilnapmec nic nat apquilyeyjamcaa. Apticyovquic nic nat najan profetas Dios apquillingascama. Apquillhanma ilhnic nat, yoyam eva Visqui Appeyvomo. Quellhip alhta apquiltanoncama najan apquilajem as Visqui Appeyvomo.

DEUTERONOMIO 5:11

Mongvanquejec ongvennam apvisay Dios Visqui ingac. Eyanmongsiclhac sat actemaclha ningvenneycam apvisay apanco.

DEUTERONOMIO 5:18

Mongvanquejec ontovacsic actemaclha singilyimjapma.

DEUTERONOMIO 5:19

Mongvanquejec ongminyilhic.

1 TESALONICENSES 2:15

Apmatnec alhta Visqui ingac Jesús, judíos alhta apquilajem. Apticyovquic nic nat najan apnaymacoc profetas, judíos nic nat apquilajem. Ingilminlhinquic alhta nincoo lha judíos. Am colcac apvalhoc Dios apquiltemaclha judíos. Am colcac apquilvalhoc aplhamoclhojo enlhitaoc apquiltemaclha judíos.

EL APOCALIPSIS 17:6

Acyicpilcoc alhta as quilvana actomja anmin ato ayinyema acyam ema apancaoc Dios apmolhama najan acyam ema apancaoc apquiltomja apquillingascama apvisay Jesús. Pilapcasquic alhta sicvita as quilvana.