OSEAS 3:1 - Enhlit Bible

¹ Aptomjac alhta Dios Apyimtalhnamo seyanya coo: Ilhing maa, itne sat aptava quilvana alanatama, actomja alaneyo poc. Acno Dios Apyimtalhnamo apcasicjayo enlhitaoc Israel, naysicsa apquilasicjayo quilaycmasquiscama eltimjic apquilayo. Apquilyispaquic mataa aptoycaoc ningilpayescama uva acyilhna — alhta aptomjac Dios Apyimtalhnamo.

OSEAS 3:1 Iomraidhean Croise

2 SAMUEL 6:19

Apmilasquic nic nat nintom nipyesicsa aplhamoclhojo enlhitaoc najan naysicsa quilvanaa. Apquillhocac nic nat moclhama enlhit lhama nilpayescama sepo yompac najan nicja apitic najan lhama pan apmapsis. Apquiltajaclhec nic nat aplhamoclhojo enlhitaoc. Apquilmiyaclhec nic nat tingma apancaoc.

2 REYES 13:23

Aptomjac nic nat Dios Visqui ingac apquilmasma israelitas, ayinyema aptemaclha apcasicjayo najan apcamliyam. Najan ayinyema apquillanay nic nat pacto ningmiyovmalhca napatavo ningilyeyjamcaa Abraham, najan Isaac, najan Jacob. Apmiyovquic nic nat Dios, yoyam melnatovasacpejec sat israelitas, acvaycmo as ningvamlha nac jay.

1 CRÓNICAS 16:3

Innec nic nat acmesa moclhama enlhit najan quilvanaa lhama pan najan acyamay apyilhna yatipaang najan moc acyilhna alyamay, yoyam eltovamcoc.

NEHEMÍAS 9:31

Naso, am nic nat eticyavac apyovoclhojo ayinyema lhip apmasma, mepqui ilhnic nat apyamasma apyovoclhojo. Lhip nac Dios aptomja singasicjayo najan singamliyam.

SALMOS 123:2

Dios Visqui ingac. Ningilanoc lhip, malha ningmoncalhneycam apnaclha lhip. Malha ningiltimesaycam, ningilaneyo Visqui singilanya yavamlha ontimjic. Ningiljalhnec mataa yoyam jingimlimojo (jingilasicjojo).

ÉXODO 32:6

Moc acnim nic nat intomjac. Apnalantac nic nat apnatoscama enlhitaoc, eticyoc sat. Lhama cotnejic mataa ningvatnama talha nintoscama acmatnam macmescama Dios. Moc cotnejic mataa nintoscama acmatnam napato Dios, yoyam cotovalhca. Apquilnaclhec nic nat enlhitaoc, yoyam eltovamcoc najan elyinamcoc. Yiplovcoc nic nat apquilinyem vaynca netin.

LOS CANTARES 2:5

Jelmesaoc sat tortas uva acyilhna, najan acyilhna manzanas, colhic sat mocjam sicyimnatem. Avanjec acliclamo evalhoc, malha yoyam ongvitsapoc.

ISAÍAS 45:22

Elyanmonquis sat apquilvalhoc yoyam elvomsacpoc tap quellhip apquileyvam lhalhma anco. Coo sicvamlha Dios, paj poc lhalhma anco.

JEREMÍAS 3:20

Apquilyitsomacpo quellhip quilvana acyamasma atava, acmayclha poc enlhit. Quellhip apquiltomja selyamasma coo. Eycaso sicpayvam Visqui apancaoc — alhta aptomjac.

JEREMÍAS 31:20

Malha sictamongvoyam siyasicjayo apquilvisay co Efraín, avanjec siyasicjayo. Inlhenquic mataa evalhoc sicvita sictamongvoyam, intamjam coo evalhoc: opasmoc sat quilhvo nac jay — intomjac evalhoc. Eycaso sicpayvam sicvisay Visqui — alhta aptomjac.

OSEAS 11:8

¿Evanqui ya otlhaoc quellhip co Efraín? ¿Evanqui ya otamopamcoc quellhip co Israel? ¿Evanqui ya onatovacsic quellhip, acno alhta tingma Adma najan tingma Zeboím? Avanjec alipvoyam evalhoc coo, ayinyema silasicjayo quellhip.

OSEAS 2:5

Inquin acvisay alanatama, mepqui ayayo. Intomjac avalhoc inquin: Otingyac sat mocjam apquilanatama, selaycaoc mataa nintom najan yingmin, najan nipquesic apva, najan ajac tamamá, najan olivo ayingmenic, najan actemaclha ningyam — intomjac avalhoc.

OSEAS 4:11

Aptomjac alhta Dios Apyimtalhnamo: Comascoc actemaclha apquilyascamco, ayinyema apquilanatama najan apyinaycaoc anmin.

OSEAS 7:5

Naysicsa fiesta mactimesquiscama rey apvisqui, apquilyinamco acyivey anmin yatapquilviscaa. Apquilyinamquic alhta lhama apvisqui najan apquiltomja apquilinmelhaycam.

AMÓS 2:8

Apquiltajanamquic mataa apquiltajanma, ayinyema apquilajem apmaycaoc nasa poc. Aptovcamquic mataa nintom macmescama quilaycmasquiscama. Apquilyinamquic mataa uva ayingmenic congne tingma acyitnamaclha quilaycmasquiscama, ayinyema solyayem multa apquilanyomap elyanmongsic poc.

AMÓS 6:6

Apquilyinamquic mataa quellhip acyivey vino uva ayingmenic. Apquilatsiscasquic apyimpeoc asoc acmasis acmamnave. Am colhenac mataa apquilvalhoc acnim macnatovascama enlhitaoc.

MIQUEAS 7:7

Aljalhnec coo Dios Apyimtalhnamo. Inquiljalhnec evalhoc mataa Dios Singvomquiscama tap, ingyeylhojoc sat sicpayvam — nic nat aptomjac profeta.

ZACARÍAS 1:16

Naso coo sicpayvam sicvisay Dios: Ongvimlimojoc sat co Jerusalén, otnesquisic sat, yoyam ellanacpoc mocjam tingma apvanyam najan tingma apponquinomap — alhta aptomjac.

SAN MATEO 26:50

Apcatingmavoc alhta Jesús: —Sictimem emoc, ¿apvocta ya lhquip, yoyam ellanac as asoc? —alhta aptomjac. Yejemoc alhta appasmacpo. Apmacpec alhta Jesús.

1 CORINTIOS 10:21

Colapvanquejec quellhip elyinamcoc uva yingmenic ayinyema Visqui ingac naysicsa apyinaycaoc quellhip ayinyema somquic quilyicjamo. Colapvanquejec quellhip eltovamcoc nintom ayinyema Visqui ingac naysicsa aptoycaoc quellhip ayinyema somquic quilyicjamo.

1 CORINTIOS 10:7

Noelyiplovquis nasa apquiltemaclha ilhnic nat napocja ningilyeyjamcaa apquilmalhnesquiscama quilaycmasquiscama acyitsomalhca Dios. Intomjac nic nat Dios appayvam actalhesomalhca: “Apnam nic nat nalhpop enlhitaoc yoyam eltovamcoc najan elyinamcoc. Apquilaneclhec nic nat netin yoyam eliltam” —nic nat intomjac.

1 SAN PEDRO 4:3

Invocmec nelha quilhvo nac jay quellhip apquiltemaclha nano apquilvajaneycaoc enlhit lhalhma anco. Apquilvajanamquic alhta quellhip actemaclha mepqui apquiltamilcasomacpo apanco najan actemaclha apquilanatama najan actemaclha apyeyjamelhma ayinyema anmin najan mengyascama etovamcoc najan mengyascama elyinamcoc anmin najan actemaclha apquilpayescamo asoc apquilyitquiscama Dios singascamaclha ongilpayicsojo.

JUECES 10:16

Apquilvatsamquic nic nat israelitas eltimjic apquilayo quilaycmasquiscama. Apquilpayquimcasquic nic nat apquilvalhoc, yoyam eltimjic apquilayo Dios Visqui ingac. Am nic nat colcac apvalhoc Dios, apvita inlhojo apquillingaycamco acyimtalhnama israelitas.

JUECES 9:27

Invocmec nic nat acnalhamalhquilha acyilhna. Apquilpenasquic nic nat maa. Apquillanac nic nat uva ayingmenic, acyiplomo fiesta acvanyam. Apquiltovcamquic nic nat, apquilyinamquic nic nat congne acyitnamaclha quilaycmasquiscama acyitsomalhca dios. Apquiltimescasquic nic nat apmapsom apvisqui Abimelec.