OSEAS 1:4 - Enhlit Bible

⁴ Aptomjac nic nat Dios apcanya profeta Oseas: Iltime sat apvisay Jesreel. Pac oyanmongsiclhac sat apquiltemaclha apancaoc aptovana apvisqui Jehú, ayinyema alhta apquilnapma yoclhilhma Jesreel. Comascoc sat apquileyvomaclha apquilvisay Israel.

OSEAS 1:4 Iomraidhean Croise

2 REYES 10:1

Apnam nic nat tingma Samaria setenta apquitquic apvisqui ninga Acab. Apnatalhosquic nic nat cartas vaycajac Jehú, yoyam elyipsitic natingma apquilyimtalhnamo, najan apquilvanyam mayayo, najan apquilvanimquiscama siclho Acab apquitquic. Intomjac nic nat amyaa actalhesomalhca:

2 REYES 10:17

Apquilvocmec nic nat Samaria. Apquilnapquic nic nat Acab aptovana niptamin apquileyvam mocjam. Apsovjoc nic nat apticyovam, acno ilhnic nat Visqui ingac appayvam aplingascama profeta Elías.

2 REYES 15:29

Naysicsa aptimem nic nat apvisqui Peka, apquillanac nic nat apquilimpocjay apvisqui co Asiria Tiglat-pileser tingma Ijón, najan Abel-bet-maaca, najan Janoa, najan Cedes, najan Hazor, najan Galaad, najan Galilea najan yoclhilhma Neftali. Apquilmacpec nic nat, innec nic nat acnalaclho yoclhilhma Asiria.

2 REYES 15:8

Aptimec nic nat apvisqui treinta y ocho años Azarías nipyesicsa co Judá. Aptimesacpec nic nat apvisqui co Israel apvisay Zacarías, Jeroboam apquitca. Aptimec nic nat apvisqui tingma Samaria acvaycmo seis meses.

ISAÍAS 7:14

Visqui ingac sat conyemac asoc monquinatquiscama: —Quip elaylhojo. Inlovsoc sat cotnejic quilvana mepqui ayitcoc. Cotimsic sat ayitca apquinavo. Cotnejic sat apvisay Emanuel (ningiltimem: Dios singilpalhavoy).

ISAÍAS 8:3

Acpatjetamquic coo etava nalhit acnim, acvisay quilvana profetisa. Intomjac alhta inlovso, acyiplomo actiyam ayitca apquinavo. Aptomjac alhta Visqui ingac seyanya: Itnesquis sat apvisay apquitca. Ningatoc apquilnatamomap asoc najan apnatovasomap — alhta aptomjac seyanya.

ISAÍAS 9:6

Aptiyacmec lhama sicaa apquinavo aptomja Dios singmescama. Eyquima aptomja apyimtalhnamo apanco. Apvisay Apmopvan Simpilapquiscama. Moc apvisay Singyascasingviyam. Moc apvisay Dios Apyimtalhnamo. Moc apvisay Dios Netin. Moc apvisay Apquilvinsayclho olhma.

JEREMÍAS 20:3

Moc acnim nic nat apquiljalhyovasa apmeoc najan apmancoc. Aptomjac nic nat Jeremías apquilanya: Apquilvatescasquic Dios apvisay Pasur, iltamjacpoc sat lhip Magormisabib, ningiltimem Acyivey Ningilay.

JEREMÍAS 23:2

Dios Visqui apancaoc enlhitaoc Israel, aptomja alhta apquilanya apquilviscaa: Apquilhpancasquic alhta quellhip enlhitaoc apquilyitsomacpo sicnatoscama. Apquilinyajasquic alhta quellhip mepqui apquiltamilquiscama quellhip. Quellhip apquiltomja apquilmapsomcaa. Oyanmongsiclhac sat apquiltemaclha apancaoc. Naso coo sicpayvam sicvisay Dios.

JEREMÍAS 3:8

Acyamasmec coo as quilvana alanatama, apquilyitsomacpo israelitas, ayinyema apquiltemaclha apancaoc. Apquilvitac alhta co Judá, sictemaclha sicyamasma. Am alhta elacac co Judá, apquilyiplovcasquic apquiltemaclha apquilanatama selyamasma coo.

EZEQUIEL 23:10

Apquilmacpec alhta ayitquic apquilinava najan quilvana ayitcoc, inquilnatamalhquic ayalomalhca as quilvana, inmatnec alhta. Actomja alhta acyanmongayclha actemaclha anco as quilvana, yoyam colavojoc sat mataa moc quilvanaa.

EZEQUIEL 23:31

Invajanamquic alhta lhiya actemaclha inyalho Ahola. Colngamcojoc sat acyanmongayclha lhiya acno aclingaycamco alhta siclho acyimtalhnama inyalho lhiya, colhojoc sat acyam ingjaycoc panatem veneno.

OSEAS 1:6

Nalhit acnim nic nat actomjaclho mocjam inlovso aptava, actiyacmo ayitca. Aptomjac nic nat Dios Apyimtalhnamo apcanya Oseas: Iltime sat acvisay apquitca Lo-ruhama, ningiltimem mongvasicjayquiclha mocjam apquilmolhama Israel, vamlha sat otnejic siyasicjayquiclha.

OSEAS 1:9

Aptomjac nic nat Dios Apyimtalhnamo apcanya profeta Oseas: Iltime sat acvisay apquitca Lo-ami, ningiltimem metnaja mocjam enaymacoc apquilmolhama Israel. Inmasquec sicvisay Dios Visqui apancaoc — nic nat aptomjac Dios Apyimtalhnamo.

OSEAS 2:13

Oyanmongsiclhac sat actemaclha anco quilvana, acmescama asoc acyitnamaclha quilaycmasquiscama. Actemaclha anco alhta acnalhimquiscama asoc alyinmom apeoc najan ayispoc. Inyiplaclhec alhta mataa apquilanatama, naysicsa seyamasma coo. Eycaso sicpayvam sicvisay Dios— nic nat aptomjac profeta.

OSEAS 2:22

Caylhojoc sat as nalhpop, acyitna inlhojo almalhnaycam trigo, najan uva, najan olivo ayingmenic. Caylhojoc sat maa, acyitna inlhojo apquilmalhnaycam co Jesreel, apquinayclha actic Dios Apyimtalhnamo.

OSEAS 9:17

Aptomjac nic nat profeta: Apnec Dios Visqui ajanco. Am eltomjac apquilyajayquiclho Dios ajanco as enlhitaoc. Etlhacpoc sat maa, apyamasma Dios Visqui ajanco. Ingyilhpansacpoc sat lhalhma anco, ellhinganmoc sat mataa nipyesicsa enlhitaoc metnaja apquiltemolhama — nic nat aptomjac profeta.

AMÓS 9:8

Aptomjac nic nat profeta: Eycaso appayvam ayinyema Dios Apyimtalhnamo: Acvitac coo enlhitaoc apquilsilhnanomap apanco as yoclhilhma. Omascoscomoc sat apquileyvam as nalhpop, eyca olmeyvoc sat napocja apquilmolhama Jacob (aptovana niptamin) — alhta aptomjac Dios Apyimtalhnamo.

SAN MATEO 1:21

Cotimsic sat ayitca apquinavo. Iltime sat apvisay JESUS. Elvomsic sat tap apnaymacoc enlhitaoc. Elmascocsic sat melyascalhma enlhitaoc —alhta intomjac apvanmoncama.

SAN LUCAS 1:13

Aptomjac alhta apcanya ángel Dios apcasinancama: —Zacarías, nojeya nasa —alhta aptomjac. Aplingac mataa Dios Ingyapam lhip apquilmalhnancama. Cotimsic sat ayitca lhip aptava Elisabet. Itnesquis sat apvisay Juan.

SAN LUCAS 1:31

Ca incolanojo, cotnejic sat inlovso lhiya. Cotimsic sat ayitca apquinavo. Cotnesquis sat apvisay JESUS.

SAN LUCAS 1:63

Yejemoc alhta almalhnalhco asoc pasyam. Aptalhosquic alhta: “Juan apvisay nac lha” —alhta intomjac aptalhescama. Pilapcasquic alhta aplhamoclhojo.

SAN JUAN 1:42

Yejemoc alhta apyantamaclho Andrés apyalhing apnaclha Jesús. Apquilanoc alhta Jesús, aptomja apcanya: —Lhip nac Simón, Jonás apquitca. Iltamjacpoc sat apvisay Cefas, apquiltimem Pedro, ningiltimem nincoo mataymong —alhta aptomjac.

JOSUÉ 19:18

Apquillhocac nic nat tingma apquilvanyam as yoclhilhma, apquilvisay: Jezreel, najan Quesulot, najan Sunem,