OSEAS 1:1 - Enhlit Bible

¹ Amyaa ayinyema Dios Apyimtalhnamo aplingascama profeta Oseas, Beeri apquitca. Apvisqui rey nic nat Uzías, poc nic nat Jotam, poc nic nat Acaz, poc nic nat Ezequías, apquiltimem nic nat apquilviscaa co Judá. Aptimec nic nat apvisqui rey nipyesicsa enlhitaoc Israel tingma Jerusalén apvisay Jeroboam, Joas apquitca.

OSEAS 1:1 Iomraidhean Croise

2 REYES 13:13

Apquitsepquic nic nat Joás, apcatoynacpec nic nat tingma Samaria, apquilatoynamacpilha apquilviscaa. Aptimesacpec nic nat apquitca Jeroboam, etnejic apvisqui apya'monquiscama apyap ninga.

2 REYES 14:16

Apquitsepquic nic nat apcatoynacpec nic nat tingma Samaria, apcatoynamacpilha apquilviscaa co Israel. Aptimesacpec nic nat apquitca Jeroboam, etnejic apvisqui apya'monquiscama apyap ninga.

2 REYES 14:23

Aptimec nic nat apvisqui co Judá Amasías, Joás apquitca acvaycmo quince años. Aptimesacpec nic nat apvisqui co Israel apvisay Jeroboam, Joás apquitca. Aptimec nic nat apvisqui tingma Samaria acvaycmo cuarenta y un año.

2 REYES 15:32

Aptimec nic nat apvisqui co Israel apvisay Peka, Remalías apquitca, acvaycmo segundo año. Aptimesacpec nic nat Jotam, Uzías apquitca, etnejic apvisqui nipyesicsa co Judá.

2 REYES 15:5

Aplingamcoc nic nat apvisqui ningmasquem lepra ayinyema Dios, acvaycmo acnim apquitsepma. Yitnec nic nat panatem lhancoc payjoc apvisqui tingma pac, apmaclha maa Azarías. Aptimesacpec nic nat Jota, Azarías apquitca, etnejic apvisqui nipyesicsa co Judá.

2 REYES 15:7

Apquitsepquic nic nat Azarías. Apcatoynacpec nic nat apcatoynamacpilha apquilyeyjamcaa Tingma David. Aptimesacpec nic nat apquitca Jotam, etnejic apvisqui apya'monquiscama apyap ninga.

2 CRÓNICAS 27:1

Invocmec nic nat veinticinco años aptiyascam Jotam aptimesacpo apvisqui nipyesicsa co Judá. Aptimec nic nat apvisqui tingma Jerusalén acvaycmo dieciséis años. Inquin nic nat acvisay Jerusa, Sadoc apquitca.

2 CRÓNICAS 28:1

Vocmec nic nat veinte años aptiyascam Acaz, aptimesacpo apvisqui nipyesicsa co Judá. Aptimec nic nat apvisqui tingma Jerusalén acvaycmo dieciséis años. Am nic nat etnajac appeyvomo napato Dios, am nic nat elhno apyeyjamcaa apvisqui David.

2 CRÓNICAS 29:33

Invocmec nic nat apnalayquinta apnatoscama seiscientos vayqui najan tres mil apnatoscama nipquesic najan yataay.

ISAÍAS 1:1

Apnec nic nat profeta Isaías Dios aplingascama. Amoz apquitca ilhnic nat Isaías. Invitac nic nat apvanmoncama profeta Isaías. Invitac nic nat apquiltemaclha enlhitaoc Judá apmolhama najan tingma Jerusalén. Invitac nic nat naysicsa aptimem apvisqui nipyesicsa Judá apmolhama apvisay Uzías najan Jotam najan Acaz najan Ezequías.

ISAÍAS 7:1

Aptimec alhta apvisqui Acaz yoclhilhma Judá. Apyap alhta Jotam, apyata alhta Uzías. Aptimec alhta apvisqui Rezín yoclhilhma Siria. Aptimec alhta apvisqui Peka, Remalías apquitca. Apquilimpocjac alhta tingma Jerusalén. Am alhta copvancaac elmoc enlhitaoc.

JEREMÍAS 1:2

Appamejitcasquic nic nat Dios Apyimtalhnamo apcanyacpo Jeremías. Invocmec nic nat trece años aptimem apvisqui Josías, Amón apquitca, nipyesicsa apquilmolhama Judá.

JEREMÍAS 1:4

Aptomjac alhta Dios Apyimtalhnamo seyanya coo:

JOEL 1:1

Eycaso amyaa ayinyema Dios Apyimtalhnamo, apcanyacpo ilhnic nat elngacsic Joel, Petuel apquitca.

AMÓS 1:1

Eycaso amyaa ayinyema profeta Amós, tingma pac Tecoa. Apquilancam nipquesic nic nat Amós. Aplingac nic nat amyaa ayinyema Dios, yoyam elngacsic nipyesicsa enlhitaoc Israel. Dos años nic nat covocmo inlhojo acyovjeycam lhop. Apvisqui ilhnic nat Uzías nipyesicsa apquilmolhama Judá najan apvisqui ilhnic nat Jeroboam, Joás apquitca, nipyesicsa enlhitaoc Israel.

JONÁS 1:1

Apnec nic nat Jonás, apyap nic nat Amitai. Aptomjac nic nat Dios apcanya Jonás:

MIQUEAS 1:1

Eycaso amyaa ayinyema Dios Apyimtalhnamo, yoyam elngacsic profeta Miqueas, apna tingma pac Moreset nipyesicsa enlhitaoc co Samaria najan tingma Jerusalén. Elngacsic sat nipyesicsa apquilviscaa. Lhama ilhnic nat apvisay Jotam, poc nic nat apvisqui Acaz, poc nic nat apvisqui Ezequías, nipyesicsa aptovana (apquilmolhama) Judá.

ZACARÍAS 1:1

Apvocmec nic nat piltin octavo (ocho). Aptimec nic nat apvisqui Darío segundo año. Aptomjac nic nat Dios Visqui ingac apcanya Zacarías, apyap nic nat Berequías, apyata ilhnic nat Ido, eycaso appayvam:

SAN JUAN 10:35

Ningyasamcoc nincoo actemaclha Dios appayvam actalhesomalhca. Mongvanquejec ontimesquisic acmovan amyaa. Apquiltomjacpec nic nat ancoc enlhitaoc apquilvisay diosaoc ingilyap apquiltomja apquiljalhenmo Dios appayvam.

ROMANOS 9:25

Intomjac nic nat Dios appayvam aplhanma ilhnic nat Oseas profeta Dios aplingascama: Metnaja sicmolhama alhta as enlhitaoc, oltimjic sat apquilvisay sicmolhama. Mepqui siyasicjayo alhta as enlhitaoc, oltimjic sat apquilvisay silasicjayo.

2 SAN PEDRO 1:21

Cotnaja enlhit ayinyema apquillhicmoscama apanco Dios appayvam actalhesomalhca. Eyca ayinyema enlhit apquilponquinomap apquiltomja Dios apquillingascama. Ayinyemaclha Espíritu Santo aptomja apyascasingvoyam apquilvalhoc amyaa ayinyema Dios.