NÚMEROS 9:15 - Enhlit Bible

¹⁵ Apquilpenasquic nic nat apquillanay carpa apponquinomap. Incajapvaac nic nat yipjopay carpa apponquinomap as acnim. Alhtaa ilhnic nat acvitalhco yipjopay actomjayclho talha ayapongmatem, acvaycmo secaseclha.

NÚMEROS 9:15 Iomraidhean Croise

NEHEMÍAS 9:12

Lhip nic nat aplhinquiscama israelitas actemaclha monquinatquiscama yipjopay ayimja acnim anco, najan monquinatquiscama talha alhtaa, yoyam elvitac amay apquilyiplayclha.

NEHEMÍAS 9:19

Am nic nat eyinyavac lhip naysicsa apquileyvam yoclhilhma actamopeycaoc, ayinyema lhip apcasicjayo. Yipjopay ayimja actomja monquinatquiscama naysicsa apquillhingam alhtaa, elvita amay.

SALMOS 105:39

Incapquic nic nat yipjopay apquileyvomaclha, ayinyema Dios apquiltamilquiscama. Talha ilhnic nat actotquiscama (ayapongmatquiscama) alhtaa.

SALMOS 78:14

Asoc monquinatquiscama nic nat yipjopay ayimja acvitamalhca acnim anco. Asoc monquinatquiscama nic nat talha actotseycaoc acvitamalhca alhtaa.

ÉXODO 13:21

Aplhalhma apquimja apmamyi ilhnic nat Dios Apyimtalhnamo. Naysicsa yipjopay ayimja ilhnic nat apnalaclho acnim anco. Naysicsa talha ayimja netin nic nat apnalaclho alhtaa. Actomja ilhnic nat talha ayimja netin ayitsasquiscama olhma.

ÉXODO 13:22

Am nic nat covonquepac mataa yipjopay ayimja. Am nic nat covonquepac mataa talha ayimja amamyi.

ÉXODO 14:24

Alhtooc nic nat intomjac amamyi ayitsay. Apnec nic nat Dios Apyimtalhnamo naysicsa yipjopay actomja ayitsasquiscamalhma malha talha. Apvitac nic nat aplhamoclhojo co Egipto. Aptovasquic nic nat actemaclha apquillhingam.

ÉXODO 40:2

—Ellana sat quellhip carpa apponquinomap apmaclha Dios, piltin apvisay lhama (primer) najan acnim acvisay lhama (primer día) — nic nat aptomjac.

ÉXODO 40:34

Incajapvaac nic nat yipjopay carpa apponquinomap. Innaclhec nic nat congne gloria apcapongmatem apanco Dios Apyimtalhnamo.

ÉXODO 40:35

Am nic nat copvanac etalhningvoclha Moisés carpa apponquinomap ayinyema yipjopay ayajapvoy. Najan congne acyitna gloria apcapongmatem apanco Dios Apyimtalhnamo.

ÉXODO 40:38

Incajapvoctac nic nat mataa carpa apponquinomap yipjopay acnim anco. Alhtaa ilhnic nat actomjayclho malha talha aysicsic yipjopay. Invitalhquic nic nat mataa aclhamoclhojo años apquileyvam enlhitaoc Israel.

ISAÍAS 4:5

Apquillanac Visqui ingac asoc monquinatquiscama tacjaplhit tingma Sión (Jerusalén), tacjaplhit enlhitaoc apcanayclha maa: lhama yipjopay cotalhcac acnim anco, najan alhtaa cotalhcac sat talha alayvom najan etin. Colhic sat maa gloria mayayoclha Dios Visqui ingac.

NÚMEROS 10:34

Invitalhquic nic nat naysicsa apquillhingam acnim anco yipjopay tacjaplhit maa.

NÚMEROS 14:14

Ellingac sat amyaa apquiltomjac apquilaoclha as yoclhilhma. Apquillingac alhta actemaclha apna lhip Dios ningyesicsa. Ningvitac alhta nincoo lhip napaat. Apquilvitac alhta actemaclha yipjopay ayimja tecjinlhit nincoo. Apquinimcasquic alhta yipjopay ingmamyi yoyam jingnalaclha acnim anco. Malha talha actotseycaoc ingmamyi alhta intomjac alhtaa.

NÚMEROS 17:7

Apninquinquic nic nat Moisés yamit ayitcoc payjoc yamit aysicsic acyitnamaclha Dios appayvam.

1 CORINTIOS 10:1

Quellhip elyalhinga. Altamjoc elyasingvoclhojo quellhip apquiltemaclha ilhnic nat ningilyeyjamcaa enlhitaoc Israel. Apnalaclhec nic nat Dios aplhamoclhojo ningilyeyjamcaa. Apquinimcasquic nic nat yipjopay apmamyi ningilyeyjamcaa yoyam elyiplovc. Apquilmilanquic nic nat aplhamoclhojo ningilyeyjamcaa yingmin acvanyam acvisay Mar Rojo.

DEUTERONOMIO 1:33

Aplhinquic alhta apmamyi Dios Apyimtalhnamo, etyaningvomjoc mataa apnamcaclha quellhip. Apquilvitac mataa alhtaa quellhip talha aclhingam amamyi, yoyam elyiplaclha amay quellhip. Najan yipjopay ayimja yoyam elyiplaclha amay acnim anco quellhip — alhta actomjac coo.