NÚMEROS 9:10 - Enhlit Bible

¹⁰ Quellhip apyovoclhojo najan aptovana quellhip, ellana sat fiesta Pascua, yoyam colhic ayaco sicvisay. Yejemec sat enlhit mepqui ayalhnayo apyimpeoc, ayinyema apquilmongvoyam apjapac, najan poc apnaycam mocjay, najan poc nalhit amay.

NÚMEROS 9:10 Iomraidhean Croise

2 CRÓNICAS 30:13

Apvocmec nic nat piltin segundo. Apcaneclhec nic nat tingma Jerusalén enlhit appintalhnama, yoyam ellanac fiesta Pascua, moc acvisay fiesta nintoycaoc pan mepqui apquimpascaoc.

2 CRÓNICAS 30:18

Apquilpasmec nic nat aptoycaoc nipquesic naysicsa fiesta Pascua aplhamoc enlhit co Efraín, najan co Manasés, najan co Isacar, najan co Zabulón, mepqui ilhnic nat apquilyanmonquiscama apquilvalhoc, ayinyema singanamaclha. Aptomjac nic nat apquilmalhnancama Ezequías, apquillhenacpo mepqui apquilyanmonquiscama apquilvalhoc: Lhip Dios Visqui ingac aptamila apanco, ingyasicjiclhojo sat mocjam as enlhitaoc mepqui apquilyanmonquiscama apquilvalhoc, apquiltomja apquiltingyey lhip apvisay.

2 CRÓNICAS 30:2

Apquilpamejitsacpec nic nat apvisqui rey najan apquiltamjaycamó lhama apquilviscaa co Jerusalén, ellanac sat fiesta Pascua piltin segundo.

NÚMEROS 9:11

Ellana sat fiesta acnim catorce poc piltin sat (segundo piltin) actalhnam. Eltovaoc sat quellhip nipquesic acyiplomo panatem acmasca, najan pan mepqui apquimpascaoc.

NÚMEROS 9:9

Aptomjac nic nat Dios apcanya Moisés: Ilngas sat sicpayvam nipyesicsa israelitas:

SAN MATEO 5:24

Cotnejic ac siclhoc maa apcaycaoc nicja ningmescamaclha ningaycaoc. Iyoclhojo sat siclho aptomja aptanoncama. Ingyane sat ingyasicjiclhojoc mocjam lhip. Ivota sat mocjam. Ilmes sat apcaycaoc actemaclha ningmescama Dios Ingyapam —alhta aptomjac.

SAN JUAN 11:55

Camquitvocmec alhta pascua caya apquilyeycajaycaoc, judíos caya apancaoc. Yicpintama caya alhta apquilmiyaclho aplhamoclhojo enlhitaoc tingma Jerusalén, yoyam elalhnasiclha apyimpeoc (actemaclha comasis apyimpeoc).

1 CORINTIOS 11:28

Elyasamcojo siclho actemaclha apquilvalhoc amamyi aptoycaoc quilpasmongam najan amamyi apyinaycaoc uva yingmenic.