NÚMEROS 7:10 - Enhlit Bible

¹⁰ Apquilmalhnescasquic nic nat altar apquilvatnamaclha. Apninquinquic nic nat apquilviscaa nicja altar ofrendas macmescama Dios.

NÚMEROS 7:10 Iomraidhean Croise

1 REYES 8:63

Inticyovquic nic nat veintidos mil vayqui yamquilvanaa najan ciento veinte mil nipquesic. Eycaso apquilmescama nic nat acyanmongam actamilaycam apquilvalhoc. Eycaso actomja ilhnic nat apquilponquinquiscama tingma apponquinomap apvisqui Salomón najan aplhamoclhojo enlhitaoc Israel.

2 CRÓNICAS 7:5

Aptingyac nic nat apvisqui Salomón elnapoc veintidós mil vayqui inquilinava najan ciento veinte mil nipquesic, actemaclha macmescama Dios. Apquiltimec nic nat fiesta apquilmalhnesquiscama tingma apponquinomap apvisqui najan apyovoclhojo enlhit.

2 CRÓNICAS 7:9

Moc acnim nic nat acsovjalhco fiesta. Apquilpenasquic nic nat fiesta apquilmalhnesquiscama altar apponquinomap acvaycmo siete acnim, yiplovcoc nic nat moc fiesta Enramadas jamilh apancaoc acvaycmo mocjam siete acnim.

NEHEMÍAS 12:27

Aptomjac alhta mocjam Nehemías: Apquilanyacpec alhta apyovoclhojo levitas lhalhma anco, elmiyantac sat tingma Jerusalén, elpasmoc sat fiesta apquilmalhnesquiscama tingma apjalhtam apquillanomap. Eltimjic sat apquilayo Dios acyiplomo apquilminaycmascama najan apquilpayvascama platillos, najan arpas, najan liras.

NEHEMÍAS 12:43

Apquiltingyascasquic cotlaycaoc asoc macmescama Dios as acnim. Avanjec alhta acpayjayclha apquilvalhoc ayinyema Dios. Avanjec najan acpayjayclha avalhaoc quilvanaa najan ayitquic. Inlingalhquic alhta mocjay ayitsovasomalhca tingma Jerusalén.

SALMOS 30:1

Visqui ingac. Actimec coo siyayo lhip aptomja semasma coo. Apmiyovquic alhta lhip apquiltemaclha selinmelhaycam cotnaja ingmoc.

NÚMEROS 7:1

Appenasquic nic nat Moisés apquillanay carpa apponquinomap. Apquilmalhnescasquic nic nat, apcatsiscasquic nic nat aceite apyovoclhojo carpa, najan apquilmaycam, najan altar apquilvatnamaclha.

NÚMEROS 7:11

Aptomjac nic nat Dios apcanya Moisés: Moc acnim mataa ingyanyacpoc apvisqui apquilmolhama tribu epquinic nicja altar ofrenda macmescama Dios, actemaclha ningilmalhnesquiscama altar apquilvatnamaclha — nic nat aptomjac.

NÚMEROS 7:84

Naysicsa apquilmalhnesquiscama altar, apquilpatmentac apquilviscaa moclhama tribu ofrendas: doce bandejas de plata, doce tazones de plata, doce yacvom nintom de oro.

NÚMEROS 7:88

Mocjam apnatoscama macmescama Dios actemaclha singasicjayquiclha, acvaycmo veinticuatro vayqui inquilinava, sesenta nipquesic apquilinava, sesenta yataay apquitcoc najan sesenta nipquesic apquitcoc. Eycaso ilhnic nat ofrenda naysicsa apquilponquinquiscama altar.

DEUTERONOMIO 20:5

Elanic sat apquilviscaa napatavo enlhit apcaneyquiclha: Am sat ancoc epenesac apquillanay tingma pac enlhit, itajiclha siclho. Ematong sat lhaja naysicsa apquilimpocjay cotnaja ingmoc, emiclhac sat poc enlhit tingma apquillanomap.