NÚMEROS 6:24 - Enhlit Bible

²⁴ Epasmoc sat lhip Dios, emyovacpoc sat lhip.

NÚMEROS 6:24 Iomraidhean Croise

GÉNESIS 28:15

Moyinyovejec sat mataa lhip. Coo sat otamilsic apyasaclha. Otajicsojoc sat lhip as yoclhilhma. Moyeycajacsejec sat actemaclha siclhanma actomja nasoc anco. Moyinyovejec sat mataa lhip— nic nat intomjac aclingay apvanmoncama.

2 SAMUEL 7:29

Ipasim sat lhip sicmolhama sicvisay lhip apquilancam. Comasquejec sat mataa ningilvisay napato lhip. Lhip Visqui ingac Dios aptomja appayvam. Lhip aptomja singilpasmom, sicvisay silancam lhip najan sicmolhama cotmongvoycamlha nelha — nic nat aptomjac apquilmalhnancama apvisqui David.

SALMOS 134:3

Elpasmoc sat quellhip Visqui ingac, apna tingma Sión. Aptomja apquilantipquiscama nic nat netin najan nalhpop.

SALMOS 17:8

Jetamilquis mataa coo, malha ningiltamilquiscama ingatic. Jeyane sat oyilhanmoc apnaclha lhip malha coning aplhimpancoc.

SALMOS 28:9

Visqui ingac. Ilmiyov sat lhip ingnaymacoc. Jingilpasim sat mataa aclhamoclhojo acnim.

SALMOS 91:11

Ingyapajacsic sat ángeles apquilasinancama. Yoyam eltamilsic lhip mataa naysicsa aptiyascam.

ISAÍAS 27:3

Coo sicvisay Visqui, sictomja sictamilquiscama najan siyictinquiscama as uva avjac acnim anco najan alhtaa, meltovacsejec sat mataa cotnaja ingmoc.

ISAÍAS 42:6

Coo sicvisay Dios. Ayevam alhta lhip naysicsa siyasicjayo. Acmiyovquic coo lhip sicmaycaoc emic. Actimescasquic lhip aplingascama sicmayjayoclha nipyesicsa enlhitaoc Israel. Actimescasquic lhip apquilsasquiscama olhma nipyesicsa enlhitaoc lhalhma anco.

DANIEL 9:17

Dios, ingyeylhojo silmalhnancama coo najan silmalhnaycam asoc sicvisay silancam lhip. Ingyasicjiclhojo sat mocjam, apvita inlhojo lhip tingma pac apponquinomap.

SAN JUAN 17:11

‘Molhejec sat coo mocjam as nalhpop. Elhnam sat mocjam as enlhitaoc as nalhpop. Oyoclhojoc sat coo apnaclha lhip. Tata appeyvomo, imyov sat lhip actemaclha apmopvan as enlhitaoc selmescama alhta. Altamjoc yoyam eltimjic apquilpasmeyquiclha, yoyam colhojoc moc apquilvalhoc, acno nincoo inlhama, lhip najan coo.

1 CORINTIOS 14:16

Inquilmalhnaquic sat ancoc lhip apvanmoncama, copvanquejec ingmoc etnejic ingyanic: Nasoc anco, ayinyemaclha meyasamquejec actomjaclha appayvam.

EFESIOS 6:24

Altamjoc coo yoyam epasmoc Dios Ingyapam aplhamoclhojo apquiltomja apquilasicjayo Jesucristo Visqui ingac, apquiltomja apquilinlhanyacmo. Amén.

FILIPENSES 4:23

Altamjoc coo mataa yoyam epasmoc quellhip Jesucristo Visqui ingac. Amén.

FILIPENSES 4:7

Dios Ingyapam sat elmesic altamilaycam apquilvalhoc, am colhno ayinyema enlhit apquillhanma. Coltamilic sat apquiltemaclha quellhip ayinyema altamilaycam apquilvalhoc apquiltomja apquilpasmeyquiclha Cristo Jesús.

1 TESALONICENSES 5:23

Dios ayinyema actamilaycam ingvalhoc. Ningiltamjoc yoyam eponquinic Dios quellhip najan emyoc apquilyovoclhojo najan apquilvalhoc najan apquilvanmoncama actemaclha mepqui apquilsilhnanomap, acvocmo sat acnim apvoyctamlha Jesucristo Visqui ingac.

1 SAN PEDRO 1:5

Dios aptomja apquiltamilquiscama quellhip ayinyema apmopvan apanco. Ayinyemaclha acyitna melyasquiyam quellhip. Apquiltamjoc yoyam elvomoc quellhip ningilvomsomalhquilha tap yoyam elvitac quellhip actamongvomlha nelha acnim.

SAN JUDAS 1:24

Dios aptomja apvamlha pac lhama. Aptomja singvomquiscama tap ayinyema Jesucristo Visqui ingac. Yitnec apmopvan Dios yoyam eltamilsic quellhip yoyam melsilhnanacpeje. Apvanquic Dios enaliclhac quellhip apnaclha mepqui apquilsilhnanomap acyiplom acpayjayclha apquilvalhoc. Ayinyemaclha Dios apna naysicsa ayitsayolhma. Innec ayaco Dios Ingyapam, aptomja apyimtalhnamo, acyitna apmopvan nanoc nic nat najan quilhvo nac jay najan cotmongvoycamlha nelha. Amén.

RUT 2:4

Tingma Belén nic nat apquinyicta Booz. Appayvasquic nic nat enlhit apquiltimesaycam: —Epasmoc sat quellhip Dios Apyimtalhnamo — nic nat aptomjac. —Epasmoc sat lhip lha Dios Apyimtalhnamo — nic nat apquiltomjac apquilatingmavo.

1 SAMUEL 2:9

Aptomja sintamilquiscama, ningiltomja inlhojo ningilpeyvomo. Am emyavac apquilmapsomcaa, apquilitsepmec mataa naysicsa yatescamalhma. Metnaja apquilyimnatem enlhit apquilyimtalhnesomacpo apanco.