NÚMEROS 6:15 - Enhlit Bible

¹⁵ Mocjam esantac alhancoc aclaneyo pan apquilanomap harina aptamila apanco, mepqui apquimpascaoc, eyca alpalhquemalhca aceite. Najan nilpayescama acyiplomo aceite, mepqui apquimpascaoc najan trigo apactic najan uva ayingmenic.

NÚMEROS 6:15 Iomraidhean Croise

ÉXODO 29:2

Mocjam itingya ofrenda harina de trigo, illana sat panes najan tortas mepqui apquimpascaoc, alpalhquemalhca aceite, najan nilpayescama mepqui apquimpascaoc acyiplomo aceite.

ISAÍAS 62:9

Quellhip sat elsavojoc mataa acyilhna, eltovamcoc sat apquiltomja selayo coo. Elansiclhac sat uva acyilhna, elyinamcoc uva ayingmenic payjoc tingma ajac apvisay tingma apponquinomap — alhta aptomjac.

JOEL 1:13

Quellhip sacerdotes apquiltimesaycam altar macmescamaclha Dios. Elantalhniclha apava actemaclha acmayovsa apquilvalhoc. Insovjalhquic nintom najan uva yingmenic macmescama Dios congne tingma apponquinomap.

JOEL 1:9

Apquiliclhangvec sacerdotes, ayinyema mepqui nintom, mepqui uva ayingmenic congne tingma apponquinomap, mepqui asoc macmescama Dios Apyimtalhnamo.

JOEL 2:14

Meyanmongsiclhejec sat lhaja apquiltemaclha quellhip. Epasmoc sat quellhip Dios Apyimtalhnamo, elmecsic sat trigo apactic najan uva ayingmenic, actemaclha macmescama Dios.

LEVÍTICO 2:4

Apvanquic enlhit esantac ofrenda nintom mocjetic macmescama Dios. Acvisay torta allanomalhca harina alpalhquemalhca aceite, mepqui eyca asoc acyipjescama. Tasic najan nilpayescama alpalhquemalhca aceite, mepqui asoc acyipjescama.

LEVÍTICO 7:12

Actemaclha asoc macmescama Dios acvisay singasicjayquiclha mocjam, ayinyema aptimem gracias enlhit napato Dios. Comatong sat aptoscama macmescama Dios. Esantac sat enlhit tortas mepqui levadura alpalhquemalhca aceite, cotnejic macmescama Dios, najan nilpayescama mepqui levadura alpalhquemalhca aceite, najan tortas de harina alpalhquemalhca aceite.

LEVÍTICO 8:2

Ingyansiclha sat lhip apyovoclhojo israelitas payjoc carpa apponquinomap. Itnimquis sat apmamyi Aarón najan apquitquic, ipquin siclho apava sacerdote apquilantalhnama, ipquin sat asoc ningatsisquiscama, itingya sat vayqui inquinavo comatong sat acyanmongam melyascalhma, mocjam apcanit nipquesic apquilinava, mocjam aplhancoc pan mepqui levadura asoc acyipjescama — nic nat aptomjac Dios.

LEVÍTICO 9:4

Eltingyac sat israelitas mocjam lhama vayqui inquinavo yoyam comatong, najan nipquesic apquinavo yoyam ematong, cotnejic macmescama Dios singasicjayquiclha. Ilane sat elsantac ofrenda nintom nilpayescama alpalhquemalhca aceite. Etacpoc sat Dios nipyesicsa quellhip as acnim nac jay — nic nat aptomjac Moisés.

NÚMEROS 15:10

Mocjam dos litros uva ayingmenic, cotnejic sat alvatna talha seticjanquiscama actamila coo.

NÚMEROS 6:16

Ellanac sat sacerdote napato Dios macmescama acyanmongam meyascalhma.

1 CORINTIOS 10:31

Actomjac coo silanya quellhip: Eltime sat mataa apquilayo Dios naysicsa aptoycaoc najan naysicsa apyinaycaoc najan naysicsa apquiltingyey moc asoc.

1 CORINTIOS 11:26

Naysicsa aptoycaoc mataa as quilpasmongam najan naysicsa apyinaycaoc as uva yingmenic inlhenalhquic actemaclha apquitsepma Visqui ingac, acvocmo acnim apvoyctamlha sat.