NÚMEROS 4:15 - Enhlit Bible

¹⁵ Elpenacsojoc sat apquilalascama apquilmaycam Aarón najan apquitquic, elsavojoc sat asoc, yoyam elimpiclhac sat mocjam. Apquilanyacpec Coat aptovana elmiyantac apnaclha Aarón, yoyam elpatmaoclha sat as asoc alalomalhca. Colapvanquejec elmongvomoc lhama asoc acponquinomalhca, elitsapoc sat quilhvo. Apquiltimesaycam Coat apquilmolhama yoyam elpatmaoclhac sat apyovoclhojo carpa apponquinomap najan apquilmaycam.

NÚMEROS 4:15 Iomraidhean Croise

2 SAMUEL 15:24

Apnec nic nat sacerdote Sadoc najan apyovoclhojo levitas apquilsoycam yamit aysicsic acyitnamaclha Dios appayvam. Apquilpiquinquic nic nat apnaclha Abiatar. Apsovjacpoc nic nat enlhitaoc apquilantiyapma tingma apvanyam.

2 SAMUEL 6:13

Apquillhinquic nic nat acvocmo seis apyayjem apquiltomja apquilsayclha yamit aysicsic acyitnamaclha Dios appayvam. Yejemoc nic nat apcaja vayqui yamquilvana apvisqui David najan vayqui ayitcoc. Aptimec nic nat actemaclha macmescama Dios.

1 REYES 8:3

Apquilvoctac nic nat aplhamoclhojo apquilimja apmamyi enlhitaoc Israel. Apquilsovquic nic nat sacerdotes yamit aysicsic acyitnamaclha Dios appayvam.

1 CRÓNICAS 15:15

Apquilpatmam nic nat neplatane apancaoc navayc yamit alvinatem, acno ilhnic nat apcanama Moisés ayinyema Dios Visqui ingac.

1 CRÓNICAS 15:2

Aptomjac nic nat apcanya: Elpatmentac sat levitas yamit aysicsic acyitnamaclha Dios appayvam. Eycaso apcanama siclhoc nat Dios, levitas nac apquilyacyesomap elpatmaoclhac mataa yamit aysicsic, yoyam eltimesam mataa napato Dios — nic nat aptomjac David.

1 CRÓNICAS 23:26

Coymalhquejec sat mataa elpatmaoclha carpa apponquinomap levitas, najan maa apquilmaycam alponquinomalhca — nic nat aptomjac.

ÉXODO 19:12

Ellana sat apjalhtam niyava inquilhe. Itne sat elanic enlhitaoc: —Elavojo quellhip. Noelquinamit nasa netin inquilhe. Noelpatningvomjo nasa. Quilhvoc sat ematong aptomjac appatningvoyam.

ÉXODO 19:21

Aptomjac nic nat Dios Apyimtalhnamo apcanya Moisés: —Ityip sat mocjam. Noelane nasa enlhitaoc elyeycajac apjalhtam yoyam jelanojo coo. Elmasquingvomoc sat aplhamoclhojo.

ÉXODO 27:7

Colhic sat alatquisa travesaños avalhaoc argollos, mepqui aljalhyovascama, yoyam colhic sat mataa acpatmaoclha altar apquilvatnamaclha.

LEVÍTICO 16:13

Epalacsic sat asoc acmasis anic naysicsa atilh, cotyapoc etin. Cotnejic sat etin ayinyema asoc acmasis, malha ayapma tapa yamit aysicsic acyitnamaclha Dios appayvam. Mengyitsepejec sat maa Aarón.

NÚMEROS 1:50

Ilane sat levitas eltimesam carpa apponquinomap najan eltamilsic acyovoclhojo apquilmaycam congne carpa apponquinomap. Elpatmaoclhac sat mataa apquilmaycam najan apyovoclhojo carpa apponquinomap. Incaymalhquic ellanac mataa aplhanaoc tingma nipyava tingma apponquinomap.

NÚMEROS 1:51

Eljalhyovacsic sat mataa carpa apponquinomap, apquilimpaclho inlhojo mocjam. Ellaniclhac sat mocjam apquilvoycamlha yoclhilhma. Aptalhnec sat ancoc enlhit metnaja apcanyomap, ematong sat maa.

NÚMEROS 10:21

Niptamin nic nat apquillhinga Coat aptovana, apquilsoycam najan apquilpatmaoclha apquilmaycam alponquinomalhca. Moc apquilvoycamlha apquilvita mataa carpa apponquinomap apquilanomap, apninquina congne apquilmaycam.

NÚMEROS 18:3

Eltimesam sat levitas congne carpa apponquinomap, colapvanquejec elmoc apquilmaycam payjoc altar apquilvatnamaclha, paj najan moc apquilmaycam apancaoc sacerdotes. Elsilhnanacpoc apanco levitas, yoyam eticyoc, najan lhip najan apquitquic.

NÚMEROS 3:38

Campamento apancaoc Moisés najan Aarón najan Aarón apquitquic nic nat amamyi carpa apponquinomap, payjoc actiyapmaclha acnim. Apquiltimesam nic nat congne carpa apponquinomap apquileyvomaclha israelitas. Apvitacpec sat ancoc sacerdote metnaja apcanyomap etnesam, ematong sat.

NÚMEROS 4:14

Elninquinic sat netin maa apquilmaycam almomalhca payjoc altar apquilvatnamaclha: najan braseros, najan tenedores, najan palas, najan tazones, elsavojoc sat acnaycaoc apquilmaycam. Elalacsic sat aso'yimpeoc, elninquinic sat yamit alvinatem, yoyam elpatmaoclhac sat maa.

NÚMEROS 4:19

Incaymalhquic emyovacpoc moclhama naysicsa aptamjaycam, elavojoc sat mataa asoc alponquinomalhca, ingyitsapoc sat aptomja apmongvoyam as asoc. Apvamlha Aarón najan apquitquic apvanquic elapajacsic apquilmolhama Coat, yavamlha eltimjic najan yavamlha elpatmaoclha asoc.

NÚMEROS 4:20

Colapvanquejec mataa elanojo lhama asoc acponquinomalhca mepqui ayalomalhca, quilhvoc sat elitsapoc — nic nat aptomjac.

NÚMEROS 7:9

Am nic nat ellhocac carretas najan vayqui Coat aptovana. Apquilanyacpec nic nat mataa elpatmaoclhac apanco asoc alponquinomalhca.

DEUTERONOMIO 31:9

Aptalhosquic nic nat Moisés as vaycajac singanamaclha Dios. Apquillhocac nic nat as vaycajac sacerdotes najan levitas, apquilpatmayclha mataa yamit aysicsic acyitnamaclha Dios appayvam. Apquillhocac nic nat apquilvanyam nipyesicsa Israel.

JOSUÉ 4:10

Apquilsovquic nic nat sacerdotes yamit aysicsic acyitnamaclha Dios appayvam. Apcanam nic nat naysicsa vatsam. Invocmec nic nat aclhamoclhojo actemaclha Dios appayvam apcanama Josué yoyam eltimnacsic enlhitaoc. Invocmec nic nat actemaclha Moisés appayvam apcanama Josué. Apquilpecjasquic nic nat enlhitaoc. Apquiljalhtipilhquitquic nic nat vatsam.

1 SAMUEL 6:19

Am nic nat eltamilcasac asoc ayamosilha napocja enlhit. Apvitac nic nat Dios Apyimtalhnamo. Apticyovquic nic nat setenta enlhit tingma Bet-semes. Apquilyapcalhquic nic nat apyovoclhojo tingma, ayinyema apyanmongsayclha Dios apquiltemaclha apancaoc.