NÚMEROS 32:22 - Enhlit Bible

²² Natamin apquilsovjomo yoclhilhma, eltajiclhac sat mocjam quellhip. Apquilpenasquic quellhip apquilanyomap eltimjic napato Dios najan napatavo israelitas. Cotnejic sat apancaoc as yoclhilhma apquileyvomaclha quellhip, ayinyema Dios.

NÚMEROS 32:22 Iomraidhean Croise

2 SAMUEL 3:28

Pilapcasquic nic nat aplinga amyaa David. Aptomjac nic nat David: Naso sicpayvam napato Dios. Mepqui sicsilhnanomalhca ajanco sicvisay visqui rey, ayinyema apmatnam Abner, Ner apquitca.

SALMOS 78:55

Apquilantipsacpec nic nat actomja apquilaoclha napatavo enlhitaoc Israel. Apquillhocac nic nat amyipayc malyipsateycaoc moclhama apquilmolhama. Apquilmaclhec nic nat tingma aptamopeycaoc (co Canaán).

LEVÍTICO 14:34

Elvomoc sat quellhip yoclhilhma alhnancoc sicmescama coo acvisay Canaán. Ongvapajacsic sat lepra ningmasquem tingma apancaoc napocja enlhit.

NÚMEROS 32:21

Eljalhtepilhquetic sat vatsam Jordán, yoyam elantipsacpoc sat yoclhilhma cotnaja ingmoc, ayinyema Dios.

DEUTERONOMIO 3:20

Noelvatsaoc nasa quellhip apquilpasmeyquiclha apnaymacoc Israel. Ellhovamcoc sat maa yoclhilhma Dios apquilmescama, eltimjic apancaoc as yoclhilhma. Cotnejic sat mepqui mocjam ningilinmelhamalhca lhalhma anco. Natamin elvota sat mocjam quellhip, yoyam elhnam moclhama yoclhilhma apquillhoy alhta quellhip — alhta actomjac coo.

JOSUÉ 1:15

acvocmo acnim apnayclha apnaymacoc. Colhojoc sat apnayclha quellhip ayinyema Dios. Eltimjic sat apancaoc yoclhilhma apmescama Dios. Natamin eltajojo sat mocjam quellhip actomjaclha yoclhilhma apancaoc. Ayinyema alhta Moisés, Dios apquilancam apmescama quellhip, jalip vatsam Jordán acpayjo actiyapmaclha acnim. Eltimjic sat quellhip apancaoc as yoclhilhma — nic nat aptomjac Josué.

JOSUÉ 10:30

Apmacpec nic nat apvisqui maa najan apyovoclhojo tingma, ayinyema Dios Visqui ingac. Am nic nat ingyaymacpoc lhama. Apmatnec nic nat apvisqui co Libna, acno apmatnam siclho apvisqui co Jericó.

JOSUÉ 11:23

Apsovjoc nic nat Josué apmam yoclhilhma lhalhma anco, acno apcanama siclho Dios Visqui ignac apcanyacpo Moisés. Yiplovcoc nic nat apmilasictem yoclhilhma nipyesicsa tribus apquilmolhama Israel. Eltimjic sat apancaoc moclhama yoclhilhma. Am nic nat ellanac mocjam quimpocjacme lhalhma anco.

JOSUÉ 13:8

Apquillhocac nic nat yoclhilhma apquilmolhama Rubén, najan Gad, najan media tribu Manasés, apmilasictem nic nat Moisés vatsam Jordán payjoc actiyapmaclha acnim.

JOSUÉ 18:1

Apcaneclhec nic nat tingma Silo apyovoclhojo apquilmolhama israelitas. Apquillanac nic nat maa Dios tingma pac apponquinomap. Apsovjoc nic nat apquilmam yoclhilhma.

JOSUÉ 2:19

Ematong sat aptomja aptiyapma atong lhiya tingma ac. Mejingilpejesquejec sat nincoo apmatnam. Apmatnec sat ancoc lhama apma congne tingma ac, ongilsilhnanalhcac sat nincoo.

JOSUÉ 22:4

Apsovjoc Dios Visqui ingac aplhanma mepqui apyeycajascaoc quilhvo nac jay. Mepqui amyaa apquilnapomacpilha nipyesicsa apnaymacoc apquilmolhama. Eltajiclha sat quellhip apquilinyemayaclha, yoclhilhma najan tingma apancaoc apmescama alhta siclho Moisés, apquillhoy quellhip vatsam Jordán, payjoc actiyapmaclha acnim.

JOSUÉ 22:9

Apquilpayvasquic nic nat apquilmolhama Rubén, najan Gad, najan media tribu Manasés apnaymacoc israelitas, apnaycam tingma Silo yoclhilhma Canaán. Apquiltajaclhec nic nat yoclhilhma apquilinyemayaclha, acvisay yoclhilhma Galaad, apquillhoy nic nat maa, apmilasictem nic nat Moisés, acno apcanama ilhnic nat Dios Visqui ingac.